انا لسة متعلمة السواقة وخبرتى فى العربيات صفر وعاوزة اشترى عربية فى حدود 20 الف ومتتعبنيش وتصرف كتير ياريت تدلونى وكمان اشتريها منين جزاكم اللة خيرا
عرض للطباعة
انا لسة متعلمة السواقة وخبرتى فى العربيات صفر وعاوزة اشترى عربية فى حدود 20 الف ومتتعبنيش وتصرف كتير ياريت تدلونى وكمان اشتريها منين جزاكم اللة خيرا
فيات 131 مافيش غيرها تقريبا، ومتابع معاكي باقي الاقتراحات
شكرا على ردك تكون موديل كام
ياجماعة الخير اين الاقتراحات:top_posters:
الماروتى فى اواخر التسعينات مش هتكون مستهلكة وتتعبنى فى تصلحها؟ وعلى كلا مشكور على ردك جزاك اللة خيرا
لادا سمارا .
معلش انا ليا رأيى مختلف او مجرد اقتراح
انتى بتقولى خبرتك فى العربيات صفر يعنى ولا هتعرفى تجيبى حاجة مستعمله عدله ولا هتعرفى تقفى على ايد ميكانيكى يصلحهالك
يعنى خساير من كلو
رأى ال 20 الف حطيهم فى ماروتى زيرو و قسطى الباقى اعتقد القسط هيكون فى حدود 400 جنيه اللى اعتقد بردو انك هتصرفيهم فى الشهر على عربية مستعمله مع قلت خبرتك
ولو ناويه على مستعمل هاتى 128 حالتها نضيفة ب 12 او 13 الف و اصرفى عليها 2 او 3 الاف هتظبطيها ظبطة حلوة و ممكن فى ورشة الاستاذ كريم صاحب المنتدى انا معرفش الاسعار ايه بس اكيد حتى لو غالى هيكون مقابل شغل كويس و يراعى ربنا فيكى بدل ما حد يضحك عليكى و اهو بقيت الفلوس خليها احطياتى
مشكور ياخى على رايك بس انا لسة جديدة فى السواقة ولو جبت ماروتى جديدة هتتخبط منى دى حاجة والحاجة التانية ان انا بخاف من موضوع القسط الربوى ياريت تكون فى قسط حلال 400جنية ولو مستعمل انا بسمع ان الفيات صديقة المكانيكى وياريت لاتبخل على برايك انت وباقى الاعضاء جزاكم اللة خيرا
معلش انا ضد موضوع لسه جديد فى السواقة فا اجيب مستعمل واخبط براحتى دانا كنت متخانق قبل كده هنا فى المنتدى بسبب الموضوع ده :fun_10_9_134[1]:
انا اول عربيه جبتها بريلليانس زيرو
غير ان الماروتى حجمها صغير و قطع غيرها رخيصة
لو عايزة تهربى من الشك اللى فى القسط البنكى اللى بعض الناس حرمتوا و بعض الناس حللتوا يبقى دورى على معرض يقسطلك الباقى على سنتين من غير فوايد و افتكر انك لما هتدفعى اكتر من نص تمن العربيه الموضوع هيكون سهل ان شاء الله
واخر حاجة اى عربية قديمه لازم تكون صديقة للميكانيكى الا لو بتاخدى بالك منها باستمرار
و لو فى حاجة فى دماغك فكرى معانا بصوت عالى و اكيد مش هنبخل بحاجة لأنى اول ما جيت هنا كنت زيك مش فاهم حاجة و الحمد لله الاعضاء هنا فهمونى و انتى يجيلك وقت تفهمى غيرك باذن الله
ماروتى استعمال نضيف افضل ليكى
عربيه تتعلمى فيها بسهوله حاجتها متوفره - صغيرة الحجم -اقتصاديه
ابعدى عن الفيات
دا مجرد راى
وربنا يوفقك
فيات ١٢٨ موديل ٢٠٠٠ فما فوق عربية عملية جدا وموفرة وقطع غيارها مفيش اكتر منها وبتستحمل وتخبطيها زى مانتى عايزة واهم حاجة موفرة فى البنزين
بصى انا مبعترفش بحتت تقسيط اسلامى و مش اسلامى لأن زى ما قولتلك التقسيط ناس حللتوا وناس حرمتوا
بالنسبة ليكى فى موضوع هنا
لمعرفة انظمة التقسيط الاخرى او التي تناسبك يرجى الإتصال بنا
* مدينة نصر
31 ذاكر حسين الحي السابع مدينة نصر
22711343 - 01142261308 - 01002584370 - 01112606837
* المعادي
6 أ شارع النصر المعادي - امام مؤمن
29177703 -29177711 - 01145011165 - 01225676711
يمكنكم ايضا متابعة اقوى العروض والخصومات الحصرية الخاصة بنا دائما
فقط زوروا موقعنا .... الاحمدى موتورز
http://www.nilemotors.net/Nile/265060-a.html
مافيش اراء من الاخوة انا بصراحة مش مرتاحة للتقسيط وفى انتظار اراء اعضاء المنتدى المحترمين
ماروووووووووووووووووتي موديل 2002
تحياتي
لو المبلغ زاد 5000 مثلا يبقى ادامك ماروتى 2007 , 2008 و حالات ممتازة
غير كده لو تستحملى تركبى الفولكس يبقى تتوكلى على الله ((( نادرة الاعطال لو سليمة )))
و ابعدى عن الفيات خااااااااااااااالص
انا معايا 27 و اول ركوبة ليا و مطلعة عينى لحد ما بعتها بس اتعلمت كتير اوى بصراحة بهدلتها و بهدلتنى
أونو
السلام عليكم ورحمة الله وبركاته
الحقيقة إن ال128 الفيات كانت أول سيارة ليا فى مصر واستمرت معايا قرب ال20 سنة وكانت مؤدبة وبنت ناس واستحملتنى كتير وأخيب ميكانيكى فى مصر يعرف فيها وتصليحها مافيش أرخص من كده. طبعا إنسى الرفاهية والمناظر, فى حدود المبلغ اللى معاكى ماعندكيش اختيار أحسن بس لازم اللى يشتريهالك يكون فاهم قوى فى السيارات وإلا تكون نكبة زيها زى أى سيارة مستعملة وحالتها سيئة. ممكن تفكرى فى البيكانتو أو الجيتز لو بحالة جيدة
انا عن رأى تجيبى عربية زيرو تريحك لكن لو عندك شخص يعملك اعمال الصيانة عشان مايضحكش عليكى من قبل الصنايعية يبقى قدامك اونو كويسة جدا , لانسر موديل 88 , تويوتا كورولا موديل 90 بس كل دول بيعملوا من 24 اللى 28 الف جنية بس راكبة حاجة يابانى ونظيفة وممكن تتفقى مع البائع انك تدفعى المبلغ ال20000 جنية وتكملى الباقى فى خلال مثلا سنة او حسب المتبقى
128 او ماروتى
اصل مفيش قدامك غير الاونو او مازدا 323
معلش مافيش اونو ب20 الف جنية اقل فيات اونو تمنها 23 الف جنية
راى انك تجيبيها من نت احسن بلاش السوق لان كلة تجار ونادرا لما بتلاقى واحد رايح يبيبع حاجة نظيفة او على الاقل بمصداقية مش لاعب فى العربية ومركبلك حاجات كلها جديدة بس صينى تمشيكى شوية وبعد كدة تفتح بقها
وبردة زى ماقال ashouhdy ممكن تشوفى المازدا بس تكون 1500 سى سى العربية دية جميلة جدا بس اهم حاجة تكون فايقة
النت برضه بقا كله تجار
خليكى مع المعارف والجيران افضل
اعتقد ماروتى هتكون كويسه وحالتها ان شاء الله هتكون كويسة
بلاش تفكير كتير وتوكلى على الله وادفعيهم مقدمه فى ماروتى وهاتيها زيرو لانك مش حمل وقفه فى الشارع عشان فرده كاوتش حته ولا كلامى غلط