بسم الله الرحمن الرحيم
قررت اني اروح على جينز كار عشان اعمل ارضية جلد للتيدا حبيبتي وبالمرة اصلح الكنبة عشان بتزيق تزييييق فظيع
المهم انا هحكي إلي حصل معايا من الألف للياء بما يرضي الله
وصلت الساعة 6 وقابلت الحج احمد وقولتله عايز اعمل ارضية جلد قالي استنى لما عبد الفتاح ييجي عشان بيصلي، المهم جي عبد الفتاح ووراني خامات عشان اختار منها قالي ده الصيني ب 200 بس وحش جدا وده ايطالي ب450 جنيه ! المهم اتفقنا على الإيطالي وقولتله مش عايز اعمل الشنطة فقالي خلاص كده كله 400 جنيه فقلت ماشي، وبعد كده قلتله عندي مشكلة في الكنبة بتزيق فراح شافها وقالي متقلقش هنعملها وهنزيتها قبل ما نركبها تاني فقلت تمام
المهم بدأت مرحلة فك الكراسي والكنب
صورة توضح الخامة
مرحلة تركيب الأرضية
إنطباعي :
1- الصنايعي كان عارف شغله من ناحية فك الكراسي والتركيب والسرعة
2- مش عاجبني تقفيل الأرضية لأن في اماكن كتير تحتها هواء يعني كان ممكن تتعمل احسن من كده
3- العملية كلها استغرقت 3 ساعات ونص
4- الحساب كان 400 جنيه - 10% خصم ستيكر نايل موتورز = 360 جنيه
المشكلة بقى نبهت عليهم على موضوع الكنبة ده وقالولي ظبطناها وفعلا مكنتش سامعلها صوت اول لما ركبوها، لكن للأسف بعد ما مشيت من عندهم الصوت رجع تاني ولأ كأن في حاجة حصلت و
انا اصلا لا شفتهم زيتوها ولا عملوا فيها حاجة بس قلت آخد كلامهم ثقة، المهم هرجعلهم وقت تاني ان شاء الله
المفضلات