تيدا 1800 و نيسان صنى الجديدة ( تجربة )

**Ahmed Selim** · 06-06-2012 02:31 PM

السلام عليكم يا صقور نيسان.

من كام يوم كنت عاوز عربية أيجار لمدة أسبوعين.............على شرط أنها تكون بشنطة.
المهم حصل مشكلة عندهم و أدولى تيدا 1800 لمدة 3 أيام لحد الصنى ما ترجع.

أستلمت التيدا ماشية 1650 كيلو و رجعتها النهاردة ماشية 2250 كيلو تقريباً.........يعنى مشيت بيها 600 كيلو.

التيدا كان فيها أيرباج للسواق بس.

النهاردة أستلمت الصنى ماشية 1250 كيلو و لحد دلوقتى مشيت بيها حوالى 120 كيلو ( علشان شغلى فيه سفر كتير شوية )

الصنى 2 أيرباج للسواق و الراكب الأمامى

العربيتين مفيهمش abs............جربت العربيتين على رمل فوق الأسفلت و فرامل جامدة و مفيش abs اشتغل

أنطباعاتى الأولية عن الصنى
1- أثبت سنة بسيطة من التيدا
2- تسارع كويس رغم أنها مش 1800
3- الشنطة بتفتح بزرار فى الريموت ( بيفتح الشنطة لفوق..........مش مجرد لوك الشنطة )
4- تكييف التيدا أحسن بشوية كويسين مش عارف ليه.
5- التيدا من جوة و برة أحلى كتير من الصنى ( و دى أزواق )
6- حاسس أن العزل فى الصنى أحسن من التيدا.......يعنى التيدا كنت بسمع صوت الموتور من جوة المقصورة و فى الصنى تقريباً مفيش صوت.
7- الفرامل فى الأتنين كويسة بس حاسس الصنى على الفرامل على السرعات العالية ماسكة نفسها أكتر من التيدا شوية صغيرة..........الأتنين مع الفرامل على 100 أو 120 بيلعبو شوية.......و ده غالباً بسبب عدم وجود أنظمة فرامل مساعدة.

دى أنطباعات أولية لحد ما أفضى و أعمل موضوع عن كل واحدة فيهم إن شاء الله

**Land_Cruiser** · 06-06-2012 03:59 PM

هو فى كام حاجه غريبه حبتين زى حكايه ان عزل الصنى احسن من التيدا لان العكس هو الصحيح و كمان حكايه ان الثبات متقارب لان الصنى اثبت بفرق كبير على السرعات و كمان حكايه التكييف لان بتاع الصنى اقوى (احسن حاجه فى الصنى التكييف و الثبات) و من حكايه التيدا ال ١٨٠٠ دى شكل حضرتك بتتكلم عن العربيتين فى الخليج او بمواصفات خليجى مش اللى عندنا هنا

**S O P H O S** · 06-06-2012 04:19 PM

تجربة رائعة ..

**mohaismail** · 06-06-2012 04:22 PM

عزل الصنى افضل من عزل التيدا ازاى ؟؟
دى صنى غير اللى عندنا ولا ايه
انا بحس ان راكب جرار مش ملاكى خالص وانا راكب الصنى

**MOK3336** · 06-06-2012 06:50 PM

المشاركة الأصلية كتبت بواسطة Ahmed A.Maksoud

العربيتين مفيهمش abs............جربت العربيتين على رمل فوق الأسفلت و فرامل جامدة و مفيش abs اشتغل

ما حضرتك لسة بتقول مفيهومش abs يبقي أكيد مفيش abs هيشتغل ؟؟؟؟

6- حاسس أن العزل فى الصنى أحسن من التيدا.......يعنى التيدا كنت بسمع صوت الموتور من جوة المقصورة و فى الصنى تقريباً مفيش صوت.

الصني مكنش فيه صوت .....؟ حضرتك متأكد

**adel1414** · 06-06-2012 07:23 PM

ياجماعة الراجل بيقول صنى الجديدة

**Ahmed Selim** · 07-06-2012 12:45 AM

المشاركة الأصلية كتبت بواسطة matrix_it

تقرير ممتاز بس دة فى الامارات صح ؟

صح يا باشا

المشاركة الأصلية كتبت بواسطة Land_Cruiser

هو فى كام حاجه غريبه حبتين زى حكايه ان عزل الصنى احسن من التيدا لان العكس هو الصحيح و كمان حكايه ان الثبات متقارب لان الصنى اثبت بفرق كبير على السرعات و كمان حكايه التكييف لان بتاع الصنى اقوى (احسن حاجه فى الصنى التكييف و الثبات) و من حكايه التيدا ال ١٨٠٠ دى شكل حضرتك بتتكلم عن العربيتين فى الخليج او بمواصفات خليجى مش اللى عندنا هنا

حضرتك أنا بتكلم عن الصنى الجديدة موديل 2012
و التيدا كمان موديل 2012 بس 1800 سى سى

التكييف فى التيدا فى خلال 3 دقايق بيكون ظبط العربية و هى مركونة الى الشمس....
الصنى الجديدة بياخد وقت أكتر شوية
و فى التيدا كمان بعد نص ساعة ولا حاجة كنت بشغله على السرعة التانية بالكتير فى عز الضهر
الصنى ممكن أشغله على 3 لمدة ساعة و لا حاجة على ما أحس أنى سقعت.

الصنى أثبت شوية من التيدا و ده أنا لاحظته لأن معظم سواقتى على طريق سريع.........السرعة المسوحة 140 كم و بمشى دايماً ما بين 120 إلى 140

التيدا لو عديت جنب عربية كبيرة شوية بحس العربية بتتزق
الصنى نفس الأحساس بس أقل
الهواء من جنب الطريق كمان تأثيره فى الصنى أقل من التيدا.

العربيتين خليجى........... أنا فى الإمارات.........ده غير أن مفيش تيدا 1800 فى مصر :)

المشاركة الأصلية كتبت بواسطة mohaismail

عزل الصنى افضل من عزل التيدا ازاى ؟؟
دى صنى غير اللى عندنا ولا ايه
انا بحس ان راكب جرار مش ملاكى خالص وانا راكب الصنى

يا شباب العربيتين مواصفات خليجى

التيدا كنت بسمع صوت الموتور من جوة المقصورة و خصوصاً لو حارق شوية
الصنى الصوت أقل.

المشاركة الأصلية كتبت بواسطة adel1414

ياجماعة الراجل بيقول صنى الجديدة

بالظبط كده

**Bishoy.Girgis** · 07-06-2012 02:52 AM

الف شكر يا باشا علي التقرير

الموضوع: تيدا 1800 و نيسان صنى الجديدة ( تجربة )

LinkBack

أدوات الموضوع

عرض

تيدا 1800 و نيسان صنى الجديدة ( تجربة ) - انشر الموضوع فى :

-

-

-

-

المواضيع المتشابهه

حصريا لقسم نيسان .. تقرير بالصور عن حفل نيسان ايجيبت لتدشين نيسان صنى الجديدة كليا

نيسان تيدا ولا نيسان بلوبيرد :ارجو الاجابه سريعا

نيسان تطلق تيدا 2011 الجديدة تجهيزات افضل قوة اعلى

حصريا : نيسان تيدا 2009 سيدان بالكماليات الجديدة

الجيتا 2009 خليجي بعد تجربة 1800 كم

الكلمات الدلالية لهذا الموضوع

المفضلات

المفضلات

ضوابط المشاركة