الموضوع: .. هام .. احصائيات واهداف تهم كل اعضاء قسم نيسان المخلصين

المشاركة الأصلية كتبت بواسطة PeaceMan

تمام جدا يا يوسف و الهدف وصل و فعلا القسم لازم يتكاتف عشان نوصل للمنافسة الحقيقية اكتر من اللي وصلنا له كمان
تقرير رائع و مستنيين الانجاز الاهم اللي انت بتجمع معلومات عنه .. فاكر طبعا :))))))

شكرا يا بيشوى .. وما تقلقش الانجاز قادم بس ظروفى اليومين دول متلخبطة ومفيش وقت خالص اقعد امخمخ عشان اكمل الموضوع اياه

المشاركة الأصلية كتبت بواسطة Ahmedmiy

ما شاء الله موضوع أكثر من رائع وممتاز

وإدارة المنتدى واضح جداً تقديرها الكبير للقسم والتفكير الحقيقى فى دعم القسم والمحافظة على هذا المستوى المتميز

من أجل ذلك يجب على كل الصقور الإجتهاد برفق ووعى للمحافظة على هذا النجاح الجميل بكل من بذلوا من أجله

الحفاظ على القمة أصعب كثيراً من الوصول لها


شكراً جزيلاً يا أخونا العزيز يوسف على الموضوع الرائع حقاً

العفو يا ابو حميد .. ومعاك حق فى كل كلمة قولتها
وهدفى الاساسى من الارقام الكتير دى انى اوضح ان فيه تقدم ملحوظ بالدليل المادى فى عدد مواضيع ومشاركات ومشاهدات قسم نيسان والاهم ان تكون الزيادة دى نوعية وليست كمية .. يعنى اى كلام وعداد مشاركات بيعد وخلاص زى ما بيحصل فى الاقسام التانية .. وده اللى احنا بنقول عليه وغرضنا انه ما يحصلش
حاجة تانية حبيت اوضحها .. وهى انه فيه اقسام كتير اقل مواضيع من نيسان بس اعلى مشاهدة وده يعكس ان كتير فى الاقسام التانية - اللى بتشتكى من عدم وجود منسق قوى زى احمد tv - تحظى بقبول اكبر من حجم ومضمون موضوعاتها قليلة العدد بالرغم من كونها مادة خصبة لتناول العديد من الموضوعات والمشاكل و... الخ طبقا لمدى انتشار موديلات تلك الماركات فى مصر كما وضحت يا احمد
واخيرا .. حاجة بسيطة جدا تم اعلانها مؤخرا ودليل على مكانة نيسان وكمية المعلومات والموضوعات الهامة التى تتناول كافة جوانب سياراتها وهى ان قسم نيسان هايكون موقع منفصل بذاته ومنتدى كبير داخله اقسام نوعية لتقسيم انواع الموضوعات الضخمة التى طرحناها فقط فى اخر عام او عامين

المشاركة الأصلية كتبت بواسطة koshary

بس انا شايف ان مش زيادة المواضيع او زيادة المشاهدات هيا دى اللى هتميز القسم ماهو ممكن موضوع واحد يضم 200 عنصر وممكن كل عنصر يتعمل فى موضوع لوحدو يعنى الحوار مش زيادة مواضيع الحوار حوار مدى الاستفادة ومدى فاعلية الاعضاء تجاه هذا الموضوع وماشاء الله قسم نيسان مكانتة معروفه بين كل اعضاء المنتدى بالاشخاص اللى بداخله وبالمواضيع البريمو ......
تحياتى لحضرتك

اشكرك واتفق معاك وقصدى هو زيادة الارقام بناءا على جودة وتميز مضمون الموضوعات وليس المطلوب ان يقوم كل عضو بتعبئة مشاركات وعمل موضوعات جديدة ليست بالاهمية المطلوبة لمجرد ان نزود العدد فقط لا غير
الزيادة النوعية اهم مليون مرة من الزيادة الكمية
والاولى هى التى سوف تأتى بالثانية

المشاركة الأصلية كتبت بواسطة Land_Cruiser

الى الامام على طول ان شاء الله

هايحصل باذن الله .. لأننا عاوزين نحط نظام ونرسخه عشان اى عضو جديد يلتزم بيه ويضيف للقديم مش يرجعنا سنة ولا اتنين ورا
وكمان عاوزين نحافظ على المكانة اللى وصلنالها بعد تعب ونفضل كده عالطول مهما اختفى فلان او ظهر علان .. يعنى بكل بساطة دون الاعتماد على شخص بعينه هو اللى يوجه او يمنع او يقول او ينظم
ياريت يبقى فيه انضباط ذاتى .. حتى فى حياتنا مش هنا وبس

المشاركة الأصلية كتبت بواسطة Ahmazong

اهم حاجة يا جماعة الترابط من غيره مش هنقدر نمشي سنتي قدام ..

و إن شاء الله بفضل مجهوداتكم و جدكم و تعبكم نبقى فعلا احسن و اقيم قسم في المنتدى كله ..

قال رسول الله < صلى الله عليه و سلم > :

إن الله لا يضيع اجر من احسن عملا

فعلا يا احمد لازم كلنا نبقى على قلب رجل واحد وبنفكر فى اتجاه واحد عشان نحقق هدف واحد هو النجاح اولا والحفاظ عليه ثانيا

المشاركة الأصلية كتبت بواسطة Amr2004IBM

احييك يا استاذ يوسف على الاحصاءات والمجهود الرائع
فعلا القسم محتاج مجهود اكبر وخاصتا ان عندى احساس ان القسم نام شويه الاسبوعين الى فاتو ياريت نتجمع قريب علشان نناقش الحكايه دى ونطرح افكار جديده
تمنياتى لقسم نيسان الحصول على المرتبه الاولى على مستوى المنتدى... امين يا رب العالمين

شكرا على تحيتك .. وانا معاك فى تحديد مقابلة فعلا قريب عشان الكل يطرح افكاره ونحط خريطة طريق للوصول لهدفنا المنشود

المشاركة الأصلية كتبت بواسطة DarkMagician

شكرا ليك على الاحصائيات الجميلة انت دايما رجل الارقام

العفو يا اسامة باشا .. يمكن ده نابع من شخصيتى المنظمة وقوة ملاحظاتى للاشياء من حولى والحمد لله رب العالمين
او لأن طبيعة عملى salesman تحتم عليا الاهتمام بالارقام وتحليلها ووضع خطط وتنفيذها وهدف اوصله