الموضوع: الواحد يركب ايه :)

رجالة :)

دلوقتي بعد حورا ال 528 و تم صرف 30 الف جنيه من اول سمكرة ( تغير 4 ابوبا و كبوت و 2 رفرف امامي ) رش بالكامل و تغير كاوتشات زجاج امامي و خلفي و فتحة سقف باكتر من 2000 جنيه من التوكيل و اكصدام امامي جديد و فوجات و شبك و خلفي استعمال و صالون كامل جديد باكتر من 5 الف ... و دلوقتي الفتيس لسه... المهم قريبي انا كنت بايعله العربية و بعد ما صرف انا كنت عشامان اشتريها و اكمل :) بس هوا بيقول انا كدة عربية ب 100 و صرفت 30 يعني واقفة عليا ب 130 اركب و اعيش احسن من ميت اوكتافيا ! و لو جيب ابيع محدش حيقدر و يقول انا مالي ... فناوي يركب شوية حلوين :) المهم انا ححاول معاه لو اشتريها منه تاني بس هوا كدة لسه مستلمهاش فيعني ذوقيا مينفعش :) و لسه مغير عفشة بالكامل و سيرفيس :) فيعني برضه

انا كنت بفكر اشتري حتة 525 و 528 و 530 e39 نضيفة و الواحد يشدها برضه :) بس بدل ما من تحت الصفر كدة الواحد يصرفله اقل شوية و يبقى يركب و يتكيف لاني كنت مبسوط من ركبوة العربية ديه بالمكنة ال 2800 دبل فانوس ! ملهاش حل ! 220 ديه كانت بتتجاب في ولا حاجة! ولا اشوف حتة 320 موديل حديث ؟ يديني نفس متعة ركوب البي ام ثبات و جري في السفر و كة ؟ ولا الe39 ملهاش حل ولا بديل ؟

انتوا رايكم ايه ؟ ممكن اركب ايه عشان احسن اني راكب عربية ... عشان بصراحة مش عارف اركب بعديها حاجة و اكبر غلطة موضوع ركوب الكوري الزيروا ده الواحد بيضرب نفسه مليون جزمة بالي خسرته في العربية الزيروا و المصاريف و كدة كنت حطيته في البي ام و ب 30 الف اتصرفوا عليها بجد بقت 2011 ! يعني فعلا 130 الف راكب عربية ملهاش مثيل :( هيا كانت كملة كراسي كهرباء و فتحة سقف :(

بعد البحث طول الليل اكتشف الاتي !

المكنة الدبل فانوس كودها M54 بتيجي 2.2 و 2.5 و 3.5 بس !

كالاتي

M54B22 2.2 L 125 kW (168 hp) @ 6100 rpm 210 N·m (150 ft·lbf) @ 3500
M54B25 2.5 L 143 kW (192 hp) @ 6000 rpm 245 N·m (181 ft·lbf) @ 3500
M54B30 3.0 L 170 kW (228 hp) @ 5900 rpm 300 N·m (220 ft·lbf) @ 3500

يعني

• 2001-2003 E39 520i
• 2001-2004 E39 525i
• 2000-2003 E39 530i

يبقى اي حاجة تحت ديه مكنة سينجل فانوس الي هيا M52 عشان ال 528 الي كانت معايا كانت 96 و مكنة 2800 دبل فانوس مع الفتيس القديم و ملعوب في الضفيرة لحد ما قال يا بس!

الواحد يلاقي عربية من 525 ولا 530 من اول 2000 ولا صعب ؟

واعتقد ال e39 اجدع من ال e60 ولا ايه ؟

اعتقد انوا المكنة الي في ال 96 كانت سنجل و الناس ديه حمير و فتاين ! لانوا انا ببص لقيت الالتي

M52B28 2.8 L 142 kW (193 hp) @ 5300 280 N·m (207 lb·ft) @ 3950 من اول سنة 1995 و العربية كانت 96

هوا الدبل من السنجل عارف بيعملوا ايه لكن بيفرقوا من شكل المكنة بالنظر ؟ ولا ايه ؟