الشغل عمره ما ها يخلص والتوازن صعب جداً ... ولازم تحققه بسرعة قبل الأولاد ما يكبروا وتلاقى نفسك مش عارف تتعامل معاهم ....
عرض للطباعة
الشغل عمره ما ها يخلص والتوازن صعب جداً ... ولازم تحققه بسرعة قبل الأولاد ما يكبروا وتلاقى نفسك مش عارف تتعامل معاهم ....
معالي الباشا خصص يومين ف الاسبوع لااهل بيتك بس من خروج وفسح وسهر وقاعد طول الوقت معاهم وليكن مثلا خميس ودمعة
واظن دة اقتراح زى المانجة العويسي
اخوك احمد عجلان مش متجوز وتقبل مروري
بص يا باشا انا زايك بالظبط عندى عدة مسئوليات بالاضافة للشغل و بتمنى اليوم يبقى 48 ساعة او اكتر , الفرق بينا انت متجوز و انا لا . بس احنا الاتنين مقصرين اتجاه اسرنا
انا اخر ما توصلت له جدول اسبوعى اقسم فيه وقتى يوم لكذا و يوم لكذا , لكنى فشلت انى امشى عليه و دايما حاجة بتيجى على حساب حاجة
فى حاجة اسمها work/life balance موازنة الشغل مع الحياة،
لو انت بتتعامل مع اجانب هتلاقى مستحيل يشتغل يوم الاجازة - الا لو كانت مصيبة / حياة او موت - فبالتالى انت مفروض تعمل كدة، تخلص شغل يوم الخميس متفتحش الميل او تبص على حاجة الشغل الا يوم الاحد (او السبت) وبكدة تقدر تعادل وقتك كويس. لان قدام هتتعب جامد بسبب الموضوع دة.
انت داخل تقول ولاد المحظوظه اللي مش متجوزين يعني ده بقي حسد و لا قر مش فاهم انا ؟ مع اني ملاحظ انك من المستميتين في الدفاع عن الجواز و فوايده فأيه سر التغير المفاجئ ؟ و ياريت تكون عرفت انك بتدافع عن قضيه خسرانه
ممكن حضرتك تنظم الوقت شويه بحيث كل حاجه تاخد حقها
وحتلاقيها اتنظمت بأذن الله
ماهي المشكله اني انا عايز اخد شغل كتيير عشان اوصل بسرعه
مانا ممكن ناخدش شغل في البيت خالص والبيت يبقي للبيت بس انا بقي بحب اني اشتغل في البيت وخصوصا ساعات فلوسه بتبقي كويسه
النهارده فضلت العب معاهم كوره في الصاله شويه وكانو فرحانين قوي والحمد لله نامو بس الجو قلب غم بسبب الرخم الصغير برده هههههه
فى الليلة دى محدش هيفيدك غير نفسك
نظم وقتك و نظم اهدافك زى ما ليك رؤية لشغلك و مستوى نجاحك لازم يكون ليك رؤية لبيتك لاسرتك لاولادك
و تذكر ان البركة احسن من الكثرة و انت اكيد مجرب و عارف , و قضى الوقت مع عيلتك بنية برهم و مراعاتهم
نفس المشكله عندى بس بعمل حاجه حلوه فى يوم اجازه لمراتى وبنتى ومش محدد يعنى ممكن اصحى الصبح اقول لهم يلا نخرج ومنرجعشى غير بليل والسغل فى ......... داهيه وبببقى قافل الموبيل
ولما اليوم يبقى متغير بيبقى افضل متخلهوش يوم ثابت او بعده معاهم طول اليوم فى البيت ونعمل الاكل سوا نشوى لحمه مثلا نعمل اى اكل غريب كدا يعنى
وبيبقى يوم لذيذ
او اخد اكل نروح نعزم اى حد من قريبا اى حد وناخد الاكل معانا ونقضى اليوم عنده
بس افضل حاجه يوم كفايه فى الاسبوع بيغير الحياه فعلا
اما الفلوس والشغل ما احنا عمالين نشتغل طول الاسبوع ونجيب فلوس بس بنعمل بيها ايه بنحوشها ونحطها فى البنك وبعدين انت نسسيت انك ممكن تموت فى اى وقت وهتعمل ايه بفلوسك (طبعا بعد الشر عليك )) فايوم فى الاسبوع مش هيفرق كتير يعنى ومش هيخسرك
على فكره انا بخرج الساعه 10 الصبح برجع بليل ماليش وقت للرجوع ممكن 8 ممكن 2 الصبح مايش مواعيد والمدام كمان شغاله بتصحى قبلى يدوبك برجع اتغدى بس الساعه 3 وامشى 4 وكفايه الخنقه بتاعه الشغل طول الاسبوع
طولت عليك