ماشاء الله عليك - ربنا يخليك ليهم ويخليهم ليك .
عرض للطباعة
انا واحد من الناس اتخلصت من الكمبيوتر واللاب فى البيت وموضوع خروجهم ده راجع لخوفى عليهم فعلا بسبب الظروف اللى بنعيشها وزوجتى مقدره الكلام ده وبالنسبه للخروج بوصلهم بيت حمايا باللسل وتانى يوم بعد الشغل اعدى عليهم ونقضى باقى اليوم بره ممكن اوديهم النادى او نتغدى لكن على مدار الاسبوع باكون متواجد فى البيت بعد الشغل وده بعد الثوره انما قبلها تقريبا ماكنتش فى البيت غير ع النوم وبس
المشكله دلوقتى بقا اياد كل شويه يقولى بابا احنا نركب اتوبيس ونروح بحر ونركب بطه وبدال وكل مايشوف فى التليفزيون بحر يتجنن
أنا كنت كده قبل الجواز بعد الجواز
اتفقت مع مراتي علي حاجة
طول الاسبوع اخرها اقعد ساعة معاها و لا حاجتين
و الخميس لاصحابي و نفسي
و الجمعة مذاكرة طووول اليوم و شغل
و السبت بتاعها لوحدك اخرجها افسحها اجيبلها حاجة جديدة كده يعني
و الحمد لله مبسوط اويكده و روضا اوي :)
ماهو ياجماعه انتو تقدرو تستغنو عن الكمبيوتر عشان مش اساسي ليكم ومش شغلكم
لكن ده اللي بياكلني عيش ولازم اقعد قدامه كتير عشان اقرا حاجات جديده واتعلم احدث حاجه بتنزل
وبرده ساعات بتشتغل من البيت
ولو مفيش اي حاجه ببقبي مخنوق ومن حقي ارفه عن نفسي ودي الطريق الوحيده اني ارفه عن نفسي شويه
وده مش معناه اني افضل طول الوقت قدامه بس في ناس برده بتبقي مفيش كمبيوتر بس طول النهار قدام التيليفزون مثلا ومش مركزه مع حاجه تانيه
وانا اللى كنت فاكر نفسي لوحدى
بصراحه الشغل بيعتبر عائق كبير جدا وفعلا بيؤثر على الحياه الزوجيه بالسلب وخصوصا للي بيشتغل في وظائف تحتاج لتركيز عالي وكانت بتواجهني دايما مشكله مع زوجتي اني اول ما اروح بتبقا عاوزه تحكيلي اللي حصل في يومهه وكنت كتير اسرح في الشغل وأقعد أقول أه أه والله أه ياسلام ولما يصدر مني مره كلمه مش في مجرى الحديث تعرف طبعا اني مش مركز معاهه وتبدأ سيمفونية بتهوفن الله يرحمه :guitarplay1:
معلش بس أنا عايز اقولك إن الكلام ده مصيبة سودة
بجد الكلام ده ممكن يأثر على الطفل نفسيا تأثير جامد كمان ومش شرط التأثير ده يظهر دلوقتي
هو محتاج حاجة منك وإنتي الوحيدة اللي ممكن تديهاله والفراغ اللي بتعمليه عنده ماحدش هيعرف يملأه غيرك
لو حد شغال في IT هايقدر
وبذات لو شغال developer
أنا بالنسبالي الكمبيوتر وسيلة الشغل والترفيه كمان
وصعب استغنى عنه
بس لازم يكون فيه توازن