أنا معايا عربيه امبريزا هاتش باك 2009
من شهر و نص تقريبا لمبة الشيك انجين(check engine light) نورت و انا ماشى على الدائرى
انا ساكن فى التجمع فكل طريقى دائرى
المهم رحت التوكيل ركبها على جهاز الاعطال طلعلوا كود p0420
قالى المهندس هناك ان البنزين وسخ المهم طفهالى و قالى خلص البنزين الفيها قبل ما تفول تانى
عملت زى ما قالى و لكن بعد اسبوعين نورت تانى و طلع نفس الكود و قالى البنزين وسخ
و بعديها باسبوعين نورت تالت و رحت التوكيل و طلع نفس الكود و المهندس مصمم ان البنزين وسخ

المشكلة دى مكانتش موجودة قبل كدة و انا شبه متأكد ان المهندس مش فاهم ايه اللى فى العربيه و بيعلق المشكلة على البنزين

هل فى حد معاه العربيه و عندوا نفس المشكلة ؟
و لو التوكيل مش عارف العربيه فيها ايه اروح لمين ؟؟!!
الموضوع ده فعلا ابتدى يجي على أعصابى و مش عارف اعمل ايه او اروح لمين ؟؟!!!