بستغرب أوى لما ....

**Ghosts** · 12-04-2012 10:05 AM

بستغرب أوى لما الاقى بنى أدم رخم بيسئل و يقولى:
هو أنت مش ناوى تتجوز بقى؟؟!!

دة على أساس أن قرار الجواز دة بمزاجى مثلآ؟؟!!
يعنى النهاردة أحس أنى مخنوق شوية فاروح أتجوز و كأنى رايح أحلق دقنى ....

أية الناس دى؟؟!!
أية المجتمع المتطفل دة؟؟!!

**Ghosts** · 20-04-2012 03:56 PM

بستغرب أوى لما ألاقى صديق طفولتى اللى أعرفة من 33 سنة مصمم على التواجد معايا بالرغم أنة عارف و متأكد تمامآ أنى مش بحبة و مش عايزة يكمل معايا الباقى من عمرى ....

عارفين الصديق اللزقة دة أسمة أية؟؟!!
أسمة الحزن ....

**Ghosts** · 01-05-2012 05:32 PM

أستغربت أوى لما قريت خبر وفاة السباح النرويجي ديل اوين بطل العالم عن 26 عاما أثناء مشاركته في معسكر تدريبي في أريزونا بالولايات المتحدة ....

بس يا خويا الدكاترة يطلعوا يقولوا لنا عن أهمية الرياضة فى تقوية القلب ....
والشاب دة راح فى غمضة عين بالرغم من أنة رياضى جامد و محقق أرقام قياسية شديدة ....

محدش بياخد أكتر من نصيبة والأعمار بيد الله ....
تلعب رياضة تلعب فى مناخيرك لا هتقدم يوم فى عمرك ولا هتأخر يوم ....

الأنسان كالبخار الذى يظهر قليلآ ثم يختفى ....

**Ghosts** · 09-05-2012 08:53 PM

بستغرب أوى لما أسمع عن منصب وزير الثقافة ....
بالذمة دى بلد و لا دول بشر عشان نعملهم وزارة أسمها وزارة الثقافة و نجيب لها وزير يدير شئونها؟؟!!

**Screenplays** · 10-05-2012 02:00 AM

المشاركة الأصلية كتبت بواسطة medo_coool2002

1- بستغرب من القنوات اللي المفروض ان اسمها قنوات افلام وتلاقي يجيبلك 5 دقايق من الفيلم و 3/4 ساعه اعلانات لدرجه ان الواحد بينسي هو كان بيتفرج علي ايه

اكل العيش يعمل اكتر من كده

المشاركة الأصلية كتبت بواسطة ghosts

بستغرب أوى لما الاقى بنى أدم رخم بيسئل و يقولى:
هو أنت مش ناوى تتجوز بقى؟؟!!

دة على أساس أن قرار الجواز دة بمزاجى مثلآ؟؟!!
يعنى النهاردة أحس أنى مخنوق شوية فاروح أتجوز و كأنى رايح أحلق دقنى :b4_039: ....

أية الناس دى؟؟!!
أية المجتمع المتطفل دة؟؟!!

هههههههههههههههه اللي بيعمل معايا الموقف ده بديله الطريحه يقوم معتش يتكلم معايا تاني اساسا

المشاركة الأصلية كتبت بواسطة ghosts

بستغرب أوى لما أسمع عن منصب وزير الثقافة ....
بالذمة دى بلد و لا دول بشر عشان نعملهم وزارة أسمها وزارة الثقافة و نجيب لها وزير يدير شئونها؟؟!!

ههههههههههههههههههههههههه هه سيبهم يا عم اهم بيقلبوا عيشهم

**Ghosts** · 10-05-2012 03:46 PM

حبيب قلبى Screenplays ....
ياااااااااااااااااااااااا اة بقالى مدة و أنا قاعد بستغرب لوحدى ربنا ما يحرمناش من مشاركاتك اللى زى العسل ....

**Ghosts** · 22-05-2012 03:35 PM

أستغربت أوى لما سمعت كلام محمد حسن رمزى منتج فيلم أسماعيلية رايح جاى لما قال:
بعد ما خلص تصوير الفيلم وأتفرجت علية لوحدى قبل ماينزل السينما ضربت نفسى بالجزمة لأنى أنتجت فيلم ساقط زى دة و سئلت نفسى أنا أزاى رضيت أنتجة و طلبت من ربنا أن الفيلم يغطى المصاريف اللى أتصرفت علية بس ومش ضرورى أبدآ يكسب و قررت أنى مش هنتج تانى أبدآ ....

وساعة ما الفيلم دة نزل كان نازل معاة فيلم المصير بتاع يوسف شاهين اللى أخد جايزة مهرجان كان لما عرف محمد حسن رمزى الموضوع دة لطم وقال:

كدة أنا أتخرب بيتى وش ....
بقى معقول الناس هتتفرج على فيلم ساقط زى أسماعيلية و يسيبوا فيلم عظيم ومتكلف زى المصير؟؟!!

لكن المنتج كان ناسى أنة عايش فى بلد العجايب والفيلم اللى كان بيعتبر سااااااااقط نجح نجاح محصلش فى تاريخ السينما المصرية و فيلم المصير أتشال من السينمات بعد أسبوعين عشان محدش راح شافة ....

**Screenplays** · 22-05-2012 07:47 PM

انت هتقولي
تعالي شوف عمر و سلمي 3 جايب كام و بنات العم جايب كام
شوف بقي الافلام المحترمه زي المصلحه و رد فعل جايبين كام
الحمد لله الانتاج السينمائي وقف في مصر خلاص

**Ghosts** · 23-05-2012 06:26 PM

بستغرب أوى لما أتفرج على فيلم الأرهاب والكباب ....
أصل الفيلم دة أنتاج سنة 1992 يعنى من 20 سنة وتحس أنة أتصور أمبارح لأن المشاكل هى هى ومفيش أى حاجة عايزة تتغير فى البلد دى ....

**Screenplays** · 23-05-2012 09:29 PM

اه صح

الموضوع: بستغرب أوى لما ....

LinkBack

أدوات الموضوع

عرض

الكلمات الدلالية لهذا الموضوع

المفضلات

المفضلات

ضوابط المشاركة