الموضوع: محتار في حاجه بين ال 70 و 80

بص يا باشا، التيدا ثباتها مش سيء قوي زي ما حضرتك متخيل، التيدا ثابتة لحد 140 أو 150 كيلومتر وأعتقد إنك مش هاتحتاج أكثر من كده، ومميزاتها الوسع الداخلي، طول عمر قطع الغيار، تقفيل ممتاز، موتور قوي جدا، تسارع رااائع، تستحمل الهري، عالية عن الأرض علشان مطبات مصر الجميلة ... إلخ، وربنا يوفقك للخير

المشاركة الأصلية كتبت بواسطة eng_ahesham

انت شكلك نيساناوي قدييييييييييم
ف ياريت تفيدني في موضوع التيدا دا من حيث الثبات و نعومة العفشة و الاحساس بالعربية عامة

ههههههه.. نيساناوي وأفتخر، بص يا باشا أنا ركبت التيدا وعارفها كويس قوي مع إن معايا صني، العفشة ناعمة جدا ومريحة، عكس عربيتي الصني مثلا اللي عفشتها ناشفة بس دا مدي الصني ميزة أكثر في الثبات من التيدا يعني الصني لحد 180 ، 190 ثابتة جدا، إنما التيدا زي ما قلتلك لحد 140 ، 150.. الأحساس بالعربية جميل جدا وهاتعجبك سواقتها جدا.. طبعا التقفيل مكسيكي ممتاز الأوبشن ممتاز والخامات المستخدمة في العربية ممتازة.. وفي النهاية أقعد فيها وشوف هاتريحك ولا لأ مع إني متأكد إنها هاتريحك، وربنا يوفقك

المشاركة الأصلية كتبت بواسطة eng_ahesham

يعني انت شايف ان الصني اثبت من التيدا

أنا مش شايف يا باشا، أنا مجرب بس التيدا أفضل في التقفيل والوسع والهاندلينج وتكنولوجيا الموتور في التيدا أفضل

المشاركة الأصلية كتبت بواسطة eng_ahesham

بس للاسف انا عندي يعتبر الثبات شيء اساسي جداااااااااااااا

بص يا باشا، أنا هاقولك جملة من الآخر.. التيدا بتتفوق على الصني في كل حاجة ماعدا، الثبات والفرامل