الموضوع: تقرير: الدفعة الثانية لكيت ريموت الصنى ,,,, بجد رائع

المشاركة الأصلية كتبت بواسطة hossam_zaky

السلام عليكم
من ساعة ما أخدت كيت الريموت و أنا بدور علي بتاع مفاتيح كويس عشان ما يخربش السلاح
المهم بتاع مفاتيح حبيبي في الظاهر مرضيش يعمله عشان المكنة بتاعته سنها مش حامي و نصحني أروح لمحل مفاتيح في طريق النصر ( الأوتوستراد ) أمام قسم مدينة نصر عند بداية شارع مكرم عبيد تقريبا
و بالصدفة قابلت صديق لي معاه أوبل كورسا و كان لسة عاملها مفتاح ريموت و سألته عامله فين لقيته وصفلي نفس المحل
توكلت علي الله و رحت يوم الأربعاء للمحل و أسمه أبو علاء الراجل عملي المفتاح في 5 دقائق بدون ما يفك السلاح و أشتغل تمام بس كان فيه عضة بسيطة عند فتح باب السيارة لكن الكونتاكت تمام و الشنطة تمام و بعدين أكتشفت أني كنت بضغط المفتاح في كالون الباب جامد شوية و لكن لما بدخله عادي و أفتح مابلاقيش مشاكل و أخدته علي كده
المحل أخد 20 جنيه لسن السلاح و لما سألته علي أمكانية تغيير السلاح قالي موجود و التكلفة بالتركيب 30 جنيه !
بالصراحة هوه راجل فاهم بس أنا شايف أسعاره غالية شوية يمكن عشان في مدينة نصر

و طبعا أول ما روحت البيت ما نمتش طلعت العدة و المفكات و راجعت الفيديوهات و فكيت الكيت و الريموت و كله كان تمام بس السوسته طلعت عيني أكتر من نصف ساعة بس في الأخر ركبت و السلاح شغال تمام فتح و قفل و اليموت زي الفل.

شكله تحفففففة علي الطبيعة و هو شغال و جذب أنتباه زمايلي و أعجبو به

و من المفارقات أني كنت جبت بطارية جديدة باناسونيك عشان أركبها علي الجديد و بعد ما فكيت الغلاف الكارتون المبرشم وجدت البطارية مجرحة و عليها بصمات كمان يعني مستعملة و معاد تغليفها فركبت البطارية القديمة و شغال

طبعا الشكر و كل الشكر للأخ و الزميل محمد طه اللي كلف نفسه و عمل المبادرة و جاب الكيت علي حسابه
و كذلك عظيم الشكر للأخ الفاضل أحمد مصطفي اللي عودنا برضه علي كده

و كمان يومين لما أركب قطعة الكيت التانية بتاعة قريبي اللي كنت جبتها له حعمل تقرير بيها

وعليكم السلام ورحمة الله وبركاته

1000 مبروك يا ابشا على الكيت والسلاح :)

يا ريت يا باشا تقولنا مكانة فين بظبط و اسم المحل ولو امكن رقم تليفونه على الخاص :)