السلام عليكم يا رجاله

انا النهارده قلت انزل بالليل فى الجو الجميل ده اعمل الكيت و رحت عند واحد بتاع مفاتيح لقيته بالصدفه و انا ماشى بس ما شاء الله عليه فاهم كويس و انا قبل ما انزل راجعت على المواضيع بتاعه التركيب كويس و قلت له انا مش عايزك تبوظ السلاح ضحك و قالى ما تقلقش خالص و لقيت الورشه بتاعه المفاتيح جزء من ورشه ميكانيكى شغال فى النيسان كمان فده طمنى و لقيت عنده مفاتيح مكتوب عليها نيسان بس بصراحه شكلها وحش و رخيص و هو فى الاول فك الكيت و طلع السلاح و عمله فى دقيقتين تلاته و جربته لقيته الحمد لله شغال كويس و بيفتح كل حاجه و بعد كده خليته ينقل الشيب لانى ماكنش عندى وقت و لو ان عندى الادوات كلها المهم خليته ركبها بالمره و بعد ما مشيت من عنده لقيت الزراير بتاعه الريموت ما بقتش شغاله لكن افتكرت ان بيشوى باشا حصل معاه كده برضه و السبب اللى اكتشفه ان المسامير كانت مربوطة جامد فرجعت له تانى و قلت له يهوى المسامير و خاصه المسمار اللى بيتلزق عليه الاستيكر و فعلا عمل كده و بعدها الريموت اشتغل تانى و الراجل اخد ١٠ جنيه على التركيب و بصراحه المفتاح بقى شكله حلو قوى و اسهل فى ان الواحد يحطه فى جيبه بس ألثقه و السرعه اللى الراجل عمل بيها المفتاح قلقتنى جدا لان الموضوع ما بياخدش دقيقتين تلاته و المفتاح بيدور العربيه احسن من الاصلى بدون مبالغه و لا بقى مفتاح اسود و لا احمر