صوت مع الفرمله

**Kareem Fawzy** · 08-02-2012 02:07 AM

المشاركة الأصلية كتبت بواسطة mahmoud_afifi

يعني اوقات كتير بجري بس ان شاء الله اروح اكشف عليه في اسرع وقت ممكن عشان الطنابير.
طب بالنسبه للنوع الي حضرتك بتقول عليه, صناعه ايه ؟
وشكرا لردك , بس معلش سؤال : ماتعرفش التيل الخلفي بيقعد قد ايه ؟

الجولد صناعة كورى والتيل الخلفى بيقعد على الاقل 100 الف كيلو طالما ما بتستخدمش الهاند فى لعب بالعربية من امركه وتخميس والكلام دة او
ما بتشميش وانتا رافع الهاند يعنى ما بتستهلكهاش غير وانتا راكن بس
بالتوفيق

**el_nahal2004** · 08-02-2012 03:19 AM

المشاركة الأصلية كتبت بواسطة Kareem Fawzy

الجولد صناعة كورى والتيل الخلفى بيقعد على الاقل 100 الف كيلو طالما ما بتستخدمش الهاند فى لعب بالعربية من امركه وتخميس والكلام دة او
ما بتشميش وانتا رافع الهاند يعنى ما بتستهلكهاش غير وانتا راكن بس
بالتوفيق

**mahmoud_afifi** · 08-02-2012 02:43 PM

المشاركة الأصلية كتبت بواسطة m7mda7md

هو انا شايف ان الأمامي و الخلفي علي حسب الاستخدام و بالتأكيد الخلفي هيعيش اكتر و بالتالي صعب نحدد ابدا فتره متوسطه للتيل و الدليل واضح مستخدم غير علي 20‏ و آخر ماشي ‏60‏ و لسه بدري.......انا عن نفسي بفيرنا عديت ال 40 ألف و لسه بتاع 20 ألف كمان ان شاء الله و علي الرغم لما رحت صيانه ال 20 كانوا عاوزين يبصوا ع التيل احسن يكون خلص..........ف النهايه ممكن يكون عند حضرتك براده حديد او التيل و الديسكات او الطنابير عاوزه تتنضف

متشكر جدا يا باشا. هحاول بكره ان شاء الله اكشف على الي قدام والي ورا.

**mahmoud_afifi** · 08-02-2012 02:48 PM

المشاركة الأصلية كتبت بواسطة ashraf_ibrahim

التيل الامامي متوسطه 20000 كم حسب الاستخدام طبعا
التيل الخلفي بعد 100000 كم تفكر تغيره مش قبل كدة مطلقا -ما دام مبتنساش فرامل اليد مرفوعة-
شوف التيل الامامي وتوكل على الله

شكرا ياعم اشرف زودت حيرتي ههههههههه
هو يمكن مره ولا اتنين الي نسيت الهاند مرفوع حاجه بسيطه بالاضافه لكام تخميسه على الرمل احم احم.
هكشف عليهم كلهم وربنا يستر

**mahmoud_afifi** · 08-02-2012 02:51 PM

المشاركة الأصلية كتبت بواسطة kareem fawzy

الجولد صناعة كورى والتيل الخلفى بيقعد على الاقل 100 الف كيلو طالما ما بتستخدمش الهاند فى لعب بالعربية من امركه وتخميس والكلام دة او
ما بتشميش وانتا رافع الهاند يعنى ما بتستهلكهاش غير وانتا راكن بس
بالتوفيق

تمام زي الفل موضوع الجولد ده ان شاء الله هكشف الاول على التيل ولو محتاج يتغير يبقى هجيبه ان شاء الله.
وبالنسبه للهاند , انا مره او اتنين الي نسيته مرفوع وحاجه بسيطه مش كله وبنزله بسرعه.
اما بالنسبه للتخميس فأنا خمست مره او اتنين على الرمل. ماعتقدش انه يأثر قوي

الف شكر يا كريم باشا مانتحرمش

**mahmoud_afifi** · 10-02-2012 08:16 PM

الحمدلله غيرت التيل وطلع العيب من التيل الامامي. التيل كان لسه فيه كتير بس الصوت كان بسبب انه نشف وانه نوعيه وحشه مع اني مركبه في التوكيل ب500 جنيه وحسبي الله ونعم الوكيل.
المهم جبت تيل Gold ب80 جنيه من التوفيقيه. و شكرا لكل واحد ساعدني جزاكم الله خير

**Ashraf_Ibrahim** · 10-02-2012 11:35 PM

وايه الاخبار المبدئية يا محمود؟!
من ناحية الصوت وسخونة الجنوط قدام وكدة ؟!

**mahmoud_afifi** · 11-02-2012 10:56 AM

المشاركة الأصلية كتبت بواسطة Ashraf_Ibrahim

وايه الاخبار المبدئية يا محمود؟!
من ناحية الصوت وسخونة الجنوط قدام وكدة ؟!

مبدئيا انطباعي عنه انه نوع كويس ما شاء الله ومجرد اني ألمس الفرامل بتوقف كويس ما شاء الله حتى لو ماشي على 160

بالنسبه للصوت الحمدلله اختفى اما بالنسبه لسخونية الجنوط ما جتش في بالي اشوفها بصراحه ! لما اخرج بالعربيه هبقى اجرب واشوف وربنا يستر :d

**Ashraf_Ibrahim** · 11-02-2012 07:00 PM

تمام تمام أفلح الناس في نصيحتهم الحمد لله
يبقا شكلي هركبه بدل الاصلي المرة الجاية ان شاء الله

**mahmoud_afifi** · 11-02-2012 09:14 PM

المشاركة الأصلية كتبت بواسطة Ashraf_Ibrahim

تمام تمام أفلح الناس في نصيحتهم الحمد لله
يبقا شكلي هركبه بدل الاصلي المرة الجاية ان شاء الله

ان شاء الله يا باشا, و عبال ما تيجي تغير اكون قدرت اعرف التيل ده هيصمد قد ايه قبل ما يوّدع :d

الموضوع: صوت مع الفرمله

LinkBack

أدوات الموضوع

عرض

-

-

المواضيع المتشابهه

صوت صفاره عند الفرمله

صوت تكتكه في الفرمله

صوت مع الفرمله فى الساجا

الفرمله بتضعف

رجه مع الفرمله سببها ايه ؟

الكلمات الدلالية لهذا الموضوع

المفضلات

المفضلات

ضوابط المشاركة