كلابش للعجل دي بتاع المرور
نظرا للانفلات الأمني اللي بنعيشه خلال الفترة الحالية كلنا بنبحث عن تأمين السيارات ضد السرقة من إنذار إلى مفتاح الفصل إلى عكاز الدركسيون... إلخ.. أنا لقيت وسيلة جديدة لمحاولة حماية السيارة من السرقة عن طريق (كلابش) زي بتاع المرور كده كنت شوفته عند صديق لي كان جايبه من بنزينة وطنية طريق السويس بالصدفة، ومن 4 أيام كان بيلف في التوفيقية ولقاه بيتباع هناك عند واحد بتاع إكسسوارات فجابلي واحد وبدأت أستعمله من النهاردة هو عبارة عن قوس مدور بيتفك وليه يد من النص وكله حديد والأجزاء اللي بتقفل على الجنط متبطنة جلد علشان ما تخربش الجنط أو الطاسة وتقيل ما شاء الله وبييجي معاه 3 مفاتيح منهم مفتاح فيه نور علشان لو مش شايف في الضلمة والمفاتيح كلها ليزر مش سنون عادية وثمن الكلابش 110 جنيه وجملته 85 جنيها.. فحبيت إني أنقل ليكم التجربة دي لعلها تكون مفيدة.. وشكرا