الموضوع: جميع موديلات Citroën 2012 .. موضوع شامل

المشاركة الأصلية كتبت بواسطة mohab.nabil

و الله يا باشا هو التوكيل مش سىء اوى و قطع الغيار بالنسبة للموديل اللى قبل ده اللى معايا عادية يعنى مش مبالغ فيها بالنسبة لعربية اوروبية فى الفئة ديه

انا بصراحة لو بتقارن بين الاتنين هاى لاين شايف السى فور تكسب .. و ممكن تدخل البرافو فى الاختيارات برضه .. هاتشباك و اوروبى و عربية كويسة

أفضل كده يا مهاب .. كل ما يجي زبون للعربية تقوله على البرافو ، ويسبها ويجيب البرافو .. سيب الناس تاكل عيش :)

أنا رأيي من رايك على فكره ، السي فور افضل من الميجان في كل حاجه ( بس ما عدا التوكيل - هما ممكن يكونو اتحسنوا في المعاملة ، بس فنيا بيستخسروا يجيبوا حد بيفهم كويس عشان يوفرو زي ما بيوفرو في الدعاية برضو )

وبالنسبة للبرافو بمنتهى الامانة هي افضل فعلا من السي4 فكذا حاجة ، كان عيبها الوحيد التوكيل والتوكيل خلاص الى وال :)

المشاركة الأصلية كتبت بواسطة hossam_hassan4

و اسعار التوكيل طبعا سيئه جدااا :)
طب محدش رد عليا في موضوع اني اتجنب التوكيل ده

فيه حاجات اسعارها معقولة نسبيا .. وفيه حجات مبالغ فيها بعبط

المشاركة الأصلية كتبت بواسطة Hossam_hassan4

طب و التامين ممكن يحل المشكله دي ???? و من ناحيه الاداء و السحب و الثبات و الاعتماديه ايه موقفها من الميجان و الفرق في قطع الغيار بينهم بيكون كبير ولا لا :) اسف علي الاطاله

التأمين هيحل المشكلة لا قدر الله فى وقت حصول الحوادث و ديه اللى بتبقى مكلفة اوى فى العربيات ديه .. بس الصيانة الدورية و قطع الغيار المستهلكة انا شايف سعرها عادى زيها زى الاوروبى فى فئتها و طبعا انا بتكلم على الموديل اللى معايا اللى هو قبل ده .. ممكن حضرتك تسأل على اسعار قطع الغيار فى التوكيل بتاعت الموديل الجديد و ممكن تعمل تست درايف كمان هيساعدك اوى تاخد القرار

الاداء و السحب موتور السى فور اشد كتير من موتور الميجان .. موتور السى فور تصنيع مشترك مع بى ام دابليو اصلا و هو اصلا بتاع مينى كوبر 120 حصان زى الفل .. الثبات الاتنين تقريبا واحد .. فرق قطع الغيار اظن مش هيبقى كبير .. كل الفئة ديهفى الاوروبى متقاربة جدا فى اسعار قطع الغيار
و و لا يهمك يا باشا .. اعتبرنا بيتك التانى

المشاركة الأصلية كتبت بواسطة Eng.Sameh

أفضل كده يا مهاب .. كل ما يجي زبون للعربية تقوله على البرافو ، ويسبها ويجيب البرافو .. سيب الناس تاكل عيش :)

أنا رأيي من رايك على فكره ، السي فور افضل من الميجان في كل حاجه ( بس ما عدا التوكيل - هما ممكن يكونو اتحسنوا في المعاملة ، بس فنيا بيستخسروا يجيبوا حد بيفهم كويس عشان يوفرو زي ما بيوفرو في الدعاية برضو )

وبالنسبة للبرافو بمنتهى الامانة هي افضل فعلا من السي4 فكذا حاجة ، كان عيبها الوحيد التوكيل والتوكيل خلاص الى وال :)

هههههه و الله يا سامح باشا انا مليش مصلحة مع ده ولا ده انا بس بحاول اقول للناس على احسن اختيارات و بشوف لو انا مكانهم هجيب ايه لنفسى .. و الله يعنى انا شايف فعلا انهم بيتحسنوا و بيحاولوا يعنى انهم يرجعوا للمنافسة تانى و ربنا يسهل .. ممكن انسى موضوع البرافو لو عز العرب خدوا منى عربيتى و ادونى بدالها واحدة شكل جديد و وقتها هقول السى فور ديه احسن عربية فى الدنيا هههههه

و الله يا باشا البرافو عربية زى الفل .. و فعلا المشكلة فى التوكيل .. ايه رأيك فيها بعد فترة من الاستخدام ؟

المشاركة الأصلية كتبت بواسطة Hossam_hassan4

و اسعار التوكيل طبعا سيئه جدااا :)
طب محدش رد عليا في موضوع اني اتجنب التوكيل ده

لا مش سيئة جدا و لا حاجة .. هى يعنى عادية مش عالية و مش قليلة .. لا موضوع انك تتجنب التوكيل فى العربيات ديه صعب العربية هتتبهدل سواء سى فور او ميجان او برافو .. لازم تعمل الصيانات على الاقل فى التوكيل عشان تحافظ على العربية

المشاركة الأصلية كتبت بواسطة Hossam_hassan4

شكراا جدا من ردكو و فعلا استفادت كتيير :)
حاجه اخيره بس اكيد مش هحتاج قطع غيار في الحاجات الميكانيكيه لمده 3 سنين مثلا لكن الخبطات والرفارف و الفوانيس هي اللي خايف منها و حاسس انها هتدشمل مني خاصه اني لسهمبعرفش اسوق اوي :d

العفو
كل الكلام ده بيغطيه التأمين بس أمن مع شركة محترمة و خلاص