هل الهوندا السيفيك العادية 2008 بدون كماليات اضافية بها جهاز انذار.
وتركيبه فى حالة عدم وجوده يتكلف كام فى التوكيل
عرض للطباعة
هل الهوندا السيفيك العادية 2008 بدون كماليات اضافية بها جهاز انذار.
وتركيبه فى حالة عدم وجوده يتكلف كام فى التوكيل
بالطبع يوجد بها انذار و ريموت بالمفتاح , وهو تجهيز اساسى و كذلك Abs&edb
لا يوجد سيفيك عادية و سيفيك بكماليات .. موديل واحد فقط اللى بينزل
لا يا باشا هناك سيفيك بكامليات اضافية ومن بينها جنوط
السيفيك بينزل منها موديل واحد فقط
ياريت توضح لنا يا qwertyqwerty باشا الموديل دا شفته فين و بكام ؟
هى فعلا موديل واحد , اما عن الجنوط فالتوكيل يبيعها بحوالى 8900جم
يا فندم حضرتك ممكن تسأل كل مالكى السيفيك الجديدة هنا .. فعلا مفيش غير موديل واحد بينزل مصر منها بدون جنوط
و أستبعد ان يكون فى منها خليجي نزل لانها 1800 سي سي فى الخليج
معلش يا باشا حقك عليا
لما اتصلت بالتوكيل قالو لى يوجد كماليات اضافية من بينها الجنوط
ولكن على العموم دى فرصة طيبة لكى اعرف رايكم فى السيارة عشان ان شاء الله ناوى احجزها الاسبوع الحالى
وما رايكم فى الفضى وموضوع السعر فى حالة البيع؟؟؟؟؟؟
:help:
احلى لونين فيها الأزرق (مش الكحلي) بس منتشر جدا... و التاني الأبيض و ميزته انه مش موجود كتير
الهوندا الموجودة فعلا موديل واحد فقط اتوماتيك
ولكن التوكيل بيعرض عليك تركيب كماليات اضافية هي الجنوط والفوج والسماعات
عند استلام السيارة وبيحسبهم بنفس اسعار بيعهم لو طلبت تركبهم في اى وقت
الجنوط 8500 جنيه
الفوج 2200 جنيه
السماعات 540 جنيه
الدواسات 600 جنيه
:skeptical:هى السيارة مش بتنزل بدواسات.................
انا مش ممكن اشترى دواسات غالية كدة
لا احب ان يضحك عليا.
لذا نرجو من ملاك السيارة يقولوا لنا من اين اشترى دوسات كويسة صالحة للسيارة...
في دواسات في التوكيل جلد ب 90 جنيه ممتازه
شكرا يا هنداوى باشا
ممكن حد يقولى سعر السيفيك 160 سي سي مانيوال بكام
ممكن حد يقولى سعر السيفيك 1600 سي سي مانيوال بكام
انا معايا السيفيك اولا العربية نازلة بموديل واحد فقط زى ما الناس الكرام قالولك بس الكماليات الاضافية دة انت ومزاجك بس انا مش شايف اى لازمة ليهم ......وانا الصراحة لما جبت العربية فرشتها جلد وفرشت كمان الارضية جلد فمحتجتش لدواسات
اما عن تقيمى للعربية بحياد شديد
العربية فوق الممتازة شكل وتسارع واداء وجودة وفخامة وراحة ومش هتلاقى حد يقولك اصل التقفيل مش عارف برة بلادة ولا هتلاقى مشاكل فى كاوتش ولا فتيس ولا اى حاجة ......هية يمكن المشاكل اللى قابلتنى وخلتنى كنت عايز ابيعها فى يوم من الايام بس تراجعت عن كدة علشان الصراحة ملقتش اى حاجة تتقارن بيها غير الاوكتافيا a5 بس كان سعرها غالى علية غير انى كنت ناوى اشترى عربية تانية وهية يارس :
اولا الفرامل فى الاول كانت ضعيفة بس دلوقتى ما شاء الله
ثانيا اسعار قطع الغيار انا عملت حادثة جابت الاكصدام والفانوس والرفرف لامامى ومقص يمين الحاجة دة اتغيرت ب 6800 تقريبا
ثالثا انا ساكن فى الشيخ زايد وبعض المطبات عاملة زى الجبال لازم العربية هتحك هتحك .....بس مش ملاحظ اى تأثير على العفشة ....وبينى وبينك العربيات التانية مش فارقة كتير عنها يعنى الكورولا ولا التريوس ولا الانسر الجديدة كلة قريب بس انا واحد الشكل مهم اوى عندى يمكن عند غيرى ما يفرقش............................بس الخلاصة لو عجباك اتكل على الله
سعر سيفيك 2008 كام ممكن حد يقولنا ؟
يا خبر ابيض!! اولا حمدالله على سلامتك يا استاذ احمد عزت :)
انا اكتر حاجه مخوفاني من السيفيك هيا قطع الغيار اللي بتتغير بعد الحوادث زي الشبكه و الفوانيس و الابواب و الرفارف و كده..
انا عملت حادثا بدوجان موديل 92 اتقلبت على طريق شارم غيرت سقف و رفرف خلفي و زجاج السياره بالكامل و بعض المشاكل البسيطه في العفشه و رش العربيه بالكامل كل ده كلفني مش اكتر من 6 الاف جنيه فقط :)
انا بفكر الحقيقه في السيفك لكني بفكر حقيقي في اسعار قطع الغيار الغاليه دي..
ربنا يستر على الجميع و يكفينا شر الطريق.. امين :)