الموضوع: دايو ولا بي ام مقارنه بجد !!!!! لا بتهزر

السلام عليكم ورحمة الله وبركاته

انا وضعي غريب شويا

انا معايا دايو لانوس الحمد لله مزبطها على ايدي ومش محتاجه حاجة خاااااالص زينون وجنوط وكل حاجة ثبات مع الجنوط الـ 15 عالي الحمد لله والفرامل الحمد لله برده متزبطه وجميله ناقصها بس ديفل وحبة فرش جلد وكدا تبقى فله شمعه منورة
هتتباع في حدود 40 الف جنيه

انا فكرت او طلع في دماغي الفترة اللي فاتت اني ابيعها واجيب بي ام دبليو

فيه قدامي موديلين e36
1992-1997
واحتمال اجيب فيه في حدود 52- 62 الف جنيه
بس هكون اخد فلوس من الوالد ومن خالي وارجعهم خلال اقل من سنه مثلاً طبعاً بدون فوايد ولا الكلام دا خالص بس قصدي هفضل سنه مش معايا سيوله تقريباً لأي تزبيط بمعنى تزبيط يعني تسقيط دهان يدوب على قد الأعطال الضروريه وكمان خايف من اسعار الغيار مع اني شايف انها معقوله مش غاليه

وقدامي موديل e30
1983-1990
وهدي هتكون في حدود 30-40 الف
يعني ممكن اجيبها ويفضل معايا 5 - 10 جنيه ازبطهم بيها العربيه وارشها وشكلها بيعجبني جدا
وقطع غيارها ارخص فا مش عارف

اخليني في اللانوس واظبطلها الباقي ولما انقل على البي ام انقل على حاجاة عاليه ويكون معايا فلوس ازبطها

ولا اجيب الدبانه وازنق نفسي شويا

ولا جيب الـ e30 واصرف عليها واخليها حاجة جامده ومش هزنق نفسي خالص وهركب حاجة متعدله على ايدي عاوز رأيكم

المشاركة الأصلية كتبت بواسطة Sehsss

والله لو اللانوس اللي معاك مريحاك وما فيش مشاكل يبقى خليها أفضل، البي إم اللي هاتجيبها دي الله أعلم إيه اللي فيها، وغالبا نظرا لارتفاع أسعار قطع غيار البي إم للأسف الشديد بعض ملاكها بيسترخصوا يجيبوا قطع غيار مش أصليه فده بيأثر على العربية، دا رأيي، وربنا يوفقك للخير