الموضوع: عملت حادثه بالفكترا !!!!!

خلاص هكلمه وانا هناك ان شاء الله
شكرا يا باشا
بس يارب السمكري مايعملش حاجه في الدواخل تعيب العربيه..دي اكتر حاجه قلقاني

الله يسلم حضرتك
وربنا يطمنك والله

الف حمد لله على سلامتك
انا بصراحة مش مع السمكرة الاستيراد احسن
طناني باشا كفى ووفى وطبعا باقى الزملاء اللي مع التغيير اراء كلها سديدة
ربنا يعوض عليك المهم متسترخصش لان العربيات دي تستاهل انك تصرف عليها

الحمد لله يا عمرو على سلامتك اولا زي ما قالو باقى الاعضاء الاستيراد احسن و ارخص و زى ماطنانى باشا قال قطعيه هتوفر معاك فلوس كتير لانها بتتحسب بسعر الجمله بس المهم تلف وتسال كتيير لغايه ما تجيب احسن سعر وتتفق كمان لو فيه حاجه مش شغاله تتبدل و حاول على قد ما تقدر تفاصل ولو يا ريت يبقى معاك حد خبير علشان يكون ليه نظره فى اللى هتشتريه
ثانيا الرك على سمكرى يكون كويس هو دا الاهم لانه ممكن يعمل شغل بلدى وبالتالى متحسش باللى صرفته وممكن يعيبلك العربيه حتى لو كان غالى شويه هبقى بردو رخيص والف سلامه عليك والله الحادثه دى لو بعربيه كورى تخيل العربيع بقى تكون عامله ازاى وربنا كريم ومتزعلش قدر الله وما شاء فعل اديها اخدت العين ولما ربنا يكرمك و تخلص على خير طلع حاجه لله وربنا كريم
والله الموفق

متشكر جداا يا رجاله لردودكم اللي بتعكس شخصياتكم المحترمه

@ loda80
انا خلاص الحمدلله اشتريت كل حاجه استيراد النهارده من الحرفيين
يعني مافيش اي حاجه هتتسمكر خالص كل حاجه جبتها جاهزة علي التركيب و وش النضافه وتغيير اللون
والحمدلله الاسعار طلعت قريبه جدا مش زي ماكنت متخيل ان حاجه الاوبل غاليه وهدفع مبلغ وكنت بفكر اشتغل فيها سمكرة عشان المصاريف دي
وان شاء الله لما اخلص لازم اطلع حاجه لله عشان العين
انا من صدمه الحادثه فكرت اخلصها وابيعها بس ناس قالتلي نفس كلامك بردو طلعلها حاجه لله احسن وخليها ماتبيعهاش ع الاقل تعبت فيها وكل مسمار فيها عملته علي ايدي
بس الحمدلله علي كل شيء ومش عارف اقولكو ايه علي كلامكو والله.......