الموضوع: هيا الـ !525 e34 رخيصه ليه ؟؟

السلام عليكم ورحمة الله وبركاته


هيا العربية الـ 525 الفئة الخامسه موديل 1992 رخيصه ليه

انا قدامي واحده 1992 متسقطلها مكنة فينوس 6 سلندر اعتقد انها 3500

من جوا زيرو المكنه مش ماشيه 55000 الف كل حاجة جديده فابريقا برا وجوا كاوتش وبطاريه جديد صالون بجد تحففففففففففه اي بي اس مانع انزلاق اير باج مش مخبوطه

الراجل بيتكلم في 63 الف جنيه هل دا رخيص ولا دا سعرها ولا هيا رخيصه ورخيصه ليه
وهل هو علشان مسقط مكنه فا هيا رخيصه ولا علشان الضريبه والنقل ولا علشان ايه مش فاهم

بس حرام لما عربية زي دي تبقى رخيصه كدا واحد صحبي قالي علشان استهلاك البنزين وعلشان هو مسقط مكنه ممكن مزبطش العفشه فا علشان كدا

افيدوووووووني

المشاركة الأصلية كتبت بواسطة mailo

1- عشان اللي صاحبك قال لك عليه ده
2- العربية ادمية شويتين
3- مصاريف الترخيص وقطع الغيار مش زي التالتة مثلا
4- العربية حجما كبيرة على شباب عشان كده ملهاش سوق قوي
5- مش منتشرة قوي قوي يعني بس موجودة

والله انا اتحرت انا هنزل اسأل على قطع غيارها لو موضوع البنزين والتجديد بس مش مشكله وهدور على حاجة مش متعدله

المشاركة الأصلية كتبت بواسطة mmamdouh

ال34 لما بتتعدل... اوعى وشك





mmamdouh

عربيه تحفه وسعرها نازل في مصر اوي

المشاركة الأصلية كتبت بواسطة maskeen

اولا ومن غير ماشوفها اكيد عدادها ملعوب فيه! اطلب منه رقم الشاسيه واسأل عليها فى التوكيل واعمل انك صاحبها عشان يقولولك اخر مره دخلت كانت عامله كام

تانى حاجه عشان صيانتها مكلفه بالنسبه لتمنها..يغنى تدفع 65 الف فى العربيه كلها وبعدين تغير عفشه كامله ب 10-12 الف لو متهانه!

عفشه بحق عربيه 128 !!!!! بصراحه مش عارف والله
بس لو حد عنده اسعار قطع الغيار ينقذني
وبالنسبه للعداد فهو زي ما اهو من يوم ما جت 160 الف
وهو مغير مكنه من 4 شهور بيحلف ان واحد صاحبه بتاع قطع غيار كان جايبها لنفسه وكان بيصففي واخدها منه وكانت ماشيه 7000 الاف كيلو بس !!

المشاركة الأصلية كتبت بواسطة demo0900

العداد مش ملعوب فية لان بيقول مسقط مكنة فاكيد العدادات لسة معدتش كتير

تسلم على المرور

المشاركة الأصلية كتبت بواسطة fahd_628

يا باشا انت ممكن تسقط مكنة ماشية 500,000 كيلو و بعدين تقوم شارى عداد قارى 50,000 كيلو و تقول ان العربية ماشية 50 الف كم !!!

فا دة مش مقياس ابدا

و بعدين مادام العربية سقطت موتور يبقى انسى انك تعرف العربية دية ماشية قد اية و الكلام دة !!

انت تكشف على حالتها لو كويسة توكل على الله لو مش كويسة سيبها

انا لو اخدتها بإذن الله تعالى هوديها التوكيل

المشاركة الأصلية كتبت بواسطة mohamedgafar

فى واحدة 540 فى شارع الميرغني مواصفات أمريكية لونها إسود بأشوفها دايما راكنة ومتلمعة شكلها رهييييييب فعلا!!


عربيات جميلة جدا بس تلاقي حالة منها!!!

تحياتي.

تسلملي على المرور

المشاركة الأصلية كتبت بواسطة alnmr79

بس يا باشا انا كانت معاية واحدة فى الاماراة 535 اوتماتيك عربية احسن من اليابانى موديل 2010
كنت بمشى بيها 220 ومش سامع غير صوت التكييف وثبات وامان خرافى وكان نفسى انزلها مصر بس طبعا مكنش ينفع لانى مش المالك الاولانى اتوكل على الله بس اكشف عليها كويس ويا ريت لو ينفع فى التوكيل علشان تكون مطمئن

فعلاً العربيه دي بجد دخلت مزاجي مع انها مش شبابيه بس ايه دا انا حاسس بالثبات من وقفتها كدا على الأرض ومستغرب من سعر السوق بتاعها هنا في مصر