مخالفة ميه !!!! عبيط جداااا

السلام عليكم


النهاردة الصبح ماكنتش في الصيدلية
غسلت العربية قدام الصيدلية الصبح .. ومشيت

جه عدد 3 أفراد للبنت في الصيدلية
فيما معناه يعني الحوار الي حصل بينهم


إن الميه الباقية مكان غسيلي العربية .. عليها مخالفة ومحضر بألف ونص
صاحب البيت .. زعق للبنت وقالها ماتخليش الدكتور يغسل العربية تاني ..أنا قولتله ماتغسلهاش هنا ..إلخ

ولما مشيوا..صاحب البيت قال للبنت .. معلش أنا زعقت علشان مايعملوش محضر
والفرسان التلاتة قبل مايمشوا.. دخلوا طلبوا ترامادول من البنت ..إلي قالتلهم مفيش طبعا



.
إيه التخلف ده
حد يقولي
هو أنا لما أسيب مكان غسيل عرييتي ميه .. دي فعلا فيها مخالفة من أي نوع ؟

علشان بجد طالبة معايا أروح أشرشحلهم في هيئة الطرق
أنا بكره الغباء.. وبكره إلي بيتعامل معايا على إني غبي


.
؟

للاسف ايوة في مخلفات علي اهدار المياة

اقتباس:

---

المشاركة الأصلية كتبت بواسطة shooter1234567

للاسف ايوة في مخلفات علي اهدار المياة

---

يعني لو الواحد رش ميه قدام بيته .. ممكن تتعمل له مخالفة ؟؟

طيب مخالفة إهدار..لو أثبت إنها ميه حنفية
طيب مانا ممكن أقول إنها ميه طرمبة .......ميه جوفية يعني
أنا عارف الاشكال دي
تيجي تقولك إيه ده..إيه ده.. دي مخالفة بكام ألف.. علشان الناس الساذجة تخاف..وتطبقله 50 ج في إيده وتقوله حقك عليا ياهندزة


.
بس لا
أنا هروح أشرشحلهم برضووو
وبعدين مال بتوع الطرق..ومال إهدار الميه

غير كده

البهوات قالولها(وده إلي يضحك بغباء).. إن الميه بتزحلق العربيات

يعني محضر بألف ونص.. علشان أنا زحلقت العربيات ! ! ! ! ! ! ! ! !
هو عبيط

هم جايين للترامادول مش المايه بس بيحكوها
البلد فى ايه ولا ايه مية ايه بس

المفروض رش الشارع و اهدار المية عموما له محضر بيئة بس ماعرفش غرامته كام .. وبما ان البيئة والحاجات دي للناس الرايقه زي الامريكان ف احنا بنستخدمها ف تقليب العيش .. يعنى كارت شحن 10 .. حبيتين ترامادول .. الخ .. ومادام ربنا موسعها عليك ابقى اغسلها ف البيت

ههههه
أنا باقول كده برده

فعلا اهدار مية الشرب مخالفة بس فى الحالة دى لازم يقفشك و انت بترش من خرطوم مية عشان يبقى اثبات انها مية شرب

بالنسبة لمية الغسيل انا معرفش اوى بس هما بيتكلموا صح... انا مرة زمان و انا رايح الكلية كان فية ناس بتمسح كوفى شوب بمية و صابون و راميين المية فى الشارع و انا دوست فى المية و العربية لفت منى و كنت هلبس فى كل العربيات اللى راكنة

MMamdouh

والله يا فارما دي حقيقية

لما الحي (ايام النظام السابق) كان بيحب يرخم علي حد كان بيعمل محاضر عشان اهدار مياة الشرب

معرفش دلوقتي ايه النظام

بس انت وضحت غرضهم من الموضوع

هما جايين عشان تديهم دوا

كنت اديهم اسبرين علي انه ترامادول

ياعم كبر دماغك
انا مرة كنت هاخد مخالفة علشان فرامل العربية بتصفر وعاملة ازعاج لسعادة الباشا الظابط

ايوه فيها مخالفة ويا رب تتطبق على مصر كلها ،ولو انت عايش في مدينة جديدة بيكونو مشددين عليها
بس طبعاً في حالتك الغرض واضح جداً وهو الترامادول ولا شوية فلوس
حاول متهدرش في المياه وتصرفها في بلاعة علشان نفسك مش علشان مخالفات

شكرا على كل الردود ياشباب
أنا بس بقول
مال هيئة الطرق ؟؟ ومال موضوع الميه ؟؟

يا جماعة الميه بتاع غسيل العربية مش مخالفة اهدار ميه دي مخالفة بيئة يعني تلوث بيئة ودي بتبقي تبع قسم شرطة البيئة والمسطحات المائية ولو اللي جولك دول لابسين لبس مدني هيكونوا بتوع مباحث المسطحات او هيكونوا من الجماعة بتوع المحافظة قسم شئون البيئة