الموضوع: مشكلة المفتاح المشفر للمازاد

بص يا باشا، أنا هفتيلك فتية كدة بس معرفش صح ولا غلط، بس ممكن إنت تمشي وراها و تتأكد...

أنا في عربيتي القديمة مرة اضطريت أغير غطاء التنك عشان كان باظ، و بما انها كانت عربية قديمة كان التنك بيتفتح بالمفتاح بتاع الكونتاكت من برة مش من داخل العربية. المهم في التوكيل ركب قلب جديد و طبعه علي المفتاح اللي عندي. بمعني أصح الكالون كان كالون عادي جي من غير مفتاح، لكن الكالون فيه من جوة زي أقراص كدة بتتحرك عشان تاخد شكل المفتاح.

أنا معرفش نظام الكولين بتاعت المازدا ايه، فحاول تسأل و تشوف. الخلاصة أنها لو طلع الموضوع إنك تطبع الكولين اللي عندك مش إنك تغير الكوالين (بواب واحد و شنطة و كونتاكت) يبقي معني كدة انهم عايزين منك تمن مفتاحين معرفش ثمنهم كام و باقي ال5000 جنيه مصنعية... ايه السرقة ديه!!! أصلا برمجة الimmobilizer أنا أشفتها في الworkshop manual ماهياش اختراع يعني!!!

عموما أنا لو مكانك كنت هغير فورا خصوصا ان المفتاح ضاع جنب البيت... يعني عارف لو كان ضاع منك في اسكندرية مثلا كنت قلت لك مش ضروري قوي. عموما هي حتي لو جت علي 5000 جنيه مش كتير علي راحة بالك هي كدة كدة العربية صعب انها تتسرق هيلا بيلا لكن أي حاجة ممكن تتقلب من التابلوه نظاره مثلا الخ، المشكلة اللي كانت هتضايقني هي مشكلة الفك و التركيب... و إنت عارف طبعا مهارة الصنيعية بتاعتنا اللي لازم تبقي واقف علي دماغهم عشان ميبهدلوش الدنيا.

و كدة كدة حاول تفاصل في المبلغ و شوف أسعار غبور و الحرفيين حتي و لو بالتليفون. و يا ريت تبلغنا بالنتيجة عشان نستفيد من تجربة حضرتك.

و جتلي فكرة تانية لو مستغلي المبلغ ممكن تقللك الشغل كتير. إنت ممكن تجيب مفتاح جديد و تبرمجه و بعدين "تبوظ"! كالون الباب و الشنطة، (علي أساس أنهم أصلا بيتفتحوا بالريموت) و تسيب الكونتاكت زي ما هو و كدة كدة الimmobilizer هيقوم بالشغل.

كدة هيبقي أمان 100% تقريبا. الخوف بس إن العربية أو بطارية الريموت يعملوها معاك و إنت مسافر مثلا و متعرفش تفتح العربية!

يا جمااااااااعة الحمد لله والفضل للله وحده .....لقيت المفتاح بعد جهد شااااق كان فى مكان رهيب متعلق بين افرع شجر ...سبحان الله...بجد فرحت فرحة مش ممكن وقررت اكافىء كل اللى فى البيت واعزمهم النهارده على كل اللى نفسهم فيه حلاوة ايجاد المفتاح ......الف الف شكر لكل الناس بجد (mazda3mazda-levelpower-nightmare_9595)وربنا ما يوقع حد فى اللموقف ده انا معرفتش انام الليل من القلق...ربنا يسترها والحمد لله الف مليون مرة :)

المشاركة الأصلية كتبت بواسطة waelabdualla

يا جمااااااااعة الحمد لله والفضل للله وحده .....لقيت المفتاح بعد جهد شااااق كان فى مكان رهيب متعلق بين افرع شجر ...سبحان الله...بجد فرحت فرحة مش ممكن وقررت اكافىء كل اللى فى البيت واعزمهم النهارده على كل اللى نفسهم فيه حلاوة ايجاد المفتاح ......الف الف شكر لكل الناس بجد (mazda3mazda-levelpower-nightmare_9595)وربنا ما يوقع حد فى اللموقف ده انا معرفتش انام الليل من القلق...ربنا يسترها والحمد لله الف مليون مرة :)

الحمد لله