بتفضفض لمين لما تبقى مخنوق و متضايق؟؟!!
عرض للطباعة
بتفضفض لمين لما تبقى مخنوق و متضايق؟؟!!
واحد صاحبي
الشكوي لغير الله مذله
لصحابى الاتنين الانتيم .... إحنا مع بعض من كى جى تو لحد دلوقتى الحمد لله ... عشرة عمر ربنا يديمها يارب مدى العمر
لله عز وجل
مطلقاً
لو مكنتش اثق فيه كنت قولت عليه زميلي
لكن صاحبي يعني اقرب ليا من اي حد تاني ويمكن يعرف عني حاجات محدش في الدنيا كلها يعرفها غيره
صاحبي الي بتكلم عليه صديق طفولة تحديدا من ثانية ثانوي الي الأن يعني قرابة ال 17 سنة
خلصنا المدرسة دخلنا نفس الكلية في نفس المدرج
خلصنا الكلية اشتغلنا في نفس الشركة الي الأن
شاركني كل لحظة في حياتي السراء والضراء
اقرب حاجة لسة متغديين سوا النهاردة في الشغل وهننزل كمان شوية مروحين دلوقتي انشاء الله
بالمناسبة كمان ساكن جمبي بيني وبينه 5 دقايق مشي
ربنا يارب يديم المعروف ويخليه لولاده ويخليله ولاده
مش قادر اقولك قد ايه انا وهو بنحب بعض وبنحترم بعض حتي لو اختلفننا
النهاردة وانا ماشي معاه رايحين نتغدي اتكعبلت في بلاطة علي الرصيف ، في اقل من ثانية كان مد ايده سندني من دراعي عشان ماقعش
اقل شئ اقدر اقوله عنه انه رجل في عصر الرجال فيه قليل
والله المستعان
،
،
لربنا سبحانه وتعالى
معلش يا جماعة انا أسف جدا لكل الي شارك وبيقول لله عز وجل
طبعا السؤال لغير الله مزلة وكلنا نعلم ذلك
ولكن اعتقد صاحب الموضوع يقصد لما تحب تفضفض وتخرج الي جوالك
مش يقصد تشكي همك او تشكي حالك لأن دة يعتبر حرام شرعا شكوي الخالق للمخلوق او التذمر من ضيق الحال واعتبروه انك بتشتكي حكم ربنا او قدر ربنا للعبد
ارجو تفهم قصدي والمعني المقصود من كلامي ولست اتهكم او انتقد احد منكم ولكنه توضيح اذا سمحلي صاحب الموضوع
تقبلوا مروري
والله المستعان
،
،
حبيبتى لانها نفسى واعتقد انى مديها الثقه الى تستحقها كشريكه حياتى والى هتشاركنى فرحى وهمى
مش بفضفض لاي مخلوق ولو اتخنقت بطلع زهقي في مراتي وعيالي وخلاص
وانا مكنتش كده بس الزمن علمني اني لااثق في اي مخلوق لانه ممكن في اي وقت يقول علي حاجه تاذيني حتي لو من غير قصد
لله عز وجل.الشكوي لغير الله مذلة
ده موضوع كنت قرأته السنه اللى فاتت رأيته احدث بى تأثير ولانه ينطبق لى كثيرا فأحببته فحفظت منه القليل لان الموضوع كان كبير فأنا هقولك اللى اعرفه بس وسوف يفى بالغرض والرد :
الغربــة الحقيقــيـةعندمـا تحتـار في أمـر فتأخذ كـم من الوقـت لتفكّـر و تفـكّـر وتفكـّـر وبالنهـايـة يكـون الجـواب محتـار
الغربــة الحقيقــيـةعندمـا تجلـس وسـط أهلِـك وأصدقائِـك وتكـون في نظرهـم أنـت الغريـب الغربــة الحقيقــيـة عندمـا تسـاعـد هـذا .. وتنقـذ هـذا .. وتضحـي لأجل هـذا
وعندمـا تقـع في أبسـطَ حفـرة الكل منـك بــــــــعــيــــــد الغربــة الحقيقــيـة عندمـا تبتسـمـ وتضحـك بأعلـى صوتـك وكل من حولـك يخالـك أسعـد من هذه الدنيـا
ولكـن في أعمـاقـكَ جـروح وآلام لم يستطـع حتى أقرب المقربيـن إليـك ترجمتهـا الغربــة الحقيقــيـه عندمـا تعيـش في زمـن الكـذب واالخيـانـة وأنت الوفي والصادق الوحيـد
الغربــة الحقيقــيـة عندمـا تتـرجم الطيبـة " غبـاء " والحب " مصلحـة وأنت ضائـع بيـن تلك المصطلحـات هذه بعض الصور للغربــــة لكن ما هي الغربــة من وجهة نظركــم و هل لديكم تعريف مغاير و مختلف عن هذه الآراء أرى أن الغربة.. عندما تجعل نفسك غريب عن هذه الدنيا فلا يكون لك هدف فيها أو غاية و عندما لا تجعل لوجودك معنى أو بصمة فيها فتكون إنسان زائد في هذا العالم
انا ممكن اسمع من الناس كلها
لكن مشاكلي باحتفظ بيها لنفسي مش باحب احكي الا نادرا
مش باحب اضايق حد معايا
ممكن يكون عنده هم اكبر من همي
صديقي الصدوق
عمرى مشتكيت لبنى ادم و لا عمرى اشتكيت اصلن انا بتعامل مع نفسى
ولا اي حد بشيل في نفسي اي هم واي مشكله
المهم يا رجالة أوعى حد فيكم يفضفض مع واحدة ست زى زميلتة فى الشغل مثلآ ....
لسة النهاردة عارف أن فى دراسة بتؤكد أن المرأة مش ممكن تكتم سر أكتر من 47 ساعة يعنى أقل من يومين ....
معنديش حد وبتخنق لدرجه اني ببقي عايز اكلم نفسي فبطلع غلي ساعات في الجري بسرعه كبيره بالعربية او بعمل عبيط علي نفسي و بشغل لنفسي باي حاجه تنسينس
في اوقات سودا من حياتي
كنت بقعد لوحدي قدام المراية .. اعاتب نفسي واشكي همي لنفسي
وكان نفسي اضرب نفسي بالقلم ... لكن ماكونتش بعرف ههههههههههههههههههههههههه
سبحان الله ... مفيش حد بيفضفض لزوجته ليه؟ ... مع ان المفروض الزوجه سكن لجوزها :36_3_18[1]:... امال انا هتجوز ليه!! :angry35:
لو مخنووق اوووى و محتاج افضفض براحتى ع الاخرر واخد نصيحة بجد يبقى صديقى ( من الحضانة الى الان مع اننا افترقنا ف الثانوى و الكلية و لكن لسة ع توااصل بينا )
لو مخنووق اوى و محتااج نصيحة بجد تبقى صديقة
علمنتنى الدنيا أن الشخص اللى هتشكيلة همك هيبقى حاجة من أتنين :
يا أما مخنوق منك و مكسوف يقولك أطلع من دماغى أنا مش ناقصك أنت كمان .... :I_angr1[1]:
يا أما هيكون فرحان فيك .... :Copy of m-s5:
يا جماعة اللى حاسس أنة مخنوق و تعبان مش هيلاقى فى الدنيا حد أحن من ربنا ....
محدش بيفضفض لمراته
لسبب واحد
غالبا مراته نفسها .. بتكون هي سبب همه وخنقته
انت كدة جيت علي الجرح يا اخ ghost
انا للاسف ما بعرفش اشكي لحد نهائي, اسمع شكاوي حد مااااشي جدا و اساعد باللي يعيني عليه ربنا
بس مشاكلي الحمد لله بحاول احلها انا و لما ببقي مخنوق اوي بقي و مش قادر ادعي ربنا يفكها من عنده و اناااام
و ساعات ببقي خلاص هاطق بس ما بعرفش بردو افضفض لحد بحس انها مالهاش لازمه
المشكلة فعلا اني بحس انه صاحب المشكلة هو ادري واحد يحلها.
و حتت ليه مش بفضفض مع مراتي لأ بحكي معاهه و بشاركها بس في حاجات معينه و بتبقي بعيد عن البيت
انما مشاكل البيت بقي اللي هي بتبقي مشتركة بيني و بينها و خاللي بالك من مشتركة مش معاها لاااازم انا اللي اسمعها و ابقي بابا في الوقت دة و ما ينفعش ابان ضعيف و ماليش حيله في الوقت دة بالذات.
و ربنا ما يجيب مشاكل دي الدنيا دي كوووولها لا تسوي عند الله جناح بعوضه !!!!
مش بلاقى حد افضفضله
فا بخللى مشاكلى دايما مع نفسى
يا جماعة مش مهم بتفضفض مع مين ؟؟
المهم بتفضفض بأيه ؟؟
مش كل حاجة تتحكي للمدام
مش كل حاجة تتحكي لصاحب عمرك
مش كل حاجة تحكيها لوالدك
مش كل حاجة تحكيها مع والدتك
الوحيد بجد الي لقيته انسب واحد في الدنيا احكيله وسري في بير هو الأخ ، الأخ الي من لحمي ودمي
وكما قال الشاعر
اخاك اخاك، فأن من لا أخ له ، كساع الي الهيج بغير سلاح ، او كطائر بغير جناح
والله المستعان
،
،
فى الزمن ده المفروض ان الانسان لا يفضفض لاحد ويحتفظ بهمومه لنفسه لانه لا يوجد احد يستحق الثقة
وفعلا الشكوى لغير الله مذلة
من صغري الي الاعدادي لامي
من اعدادي للمرحله الجامعيه وما بعدها لانتيمي
وحاليا مراتي
مراتي و لو مخنوق منها بشتكلها هي برضو
أعتقد أن أكبر غلطة ممكن يعملها راجل متجوز أنى يشتكى لمراتة ....
لية بقى ؟؟!!
الست من غير حاجة قلقانة علطول حتى لو مفيش حاجة تستدعى القلق ....
لو أنت جيت فى يوم من الأيام قلتلها مثلآ أن فى عندك مشكلة فى الشغل ....
هتلاقيها بتسئلك أسئلة ملهاش أول من أخر زى :
- المشكلة دى حصلت أزاى؟؟!!
- يعنى أنت ممكن تترفد بسبب المشكلة دى؟؟!!
-طب هتدور على شغل تانى؟؟!!
-ياترى معاك فلوس لحد ما تدور على شغل؟؟!!
-طب معاك كام؟؟!!
-هى الفلوس دى هتكفى لحد أخر الشهر؟؟!!
دى حاجة بسيطة من الأسئلة اللى هتتسئلها ....
وهى مش هتبطل تسئل إلا إذا لقيت شغل تانى أو طلقتها ....
لو عندك مشكلة أقعد مع نفسك وفكر فى الحلول بعيدآ عن تشويش المدام ....
هتلاقى المشكلة بعون الله أتحلت ....