الموضوع: عاوز أشترى فيات باليو

السلام عليكم :)

بص يا سيدي الفيات باليو ال 1500 الموجودة حاليا صيني فعلا بس تقفيل مش تصنيع ( تجميع صيني ) .

الموتور كان في كلام انه اصيني بس الحمد الله اطضح انه ايطالي من فيات زيه زي البرازيلي بس مختلف شوية عنه في التصميم( موديل تاني يعني )

البرازيلي غير موجود حاليا و التوكيل وفق استيراده من اخر 2006 .

الفرق واضح جدا بين البرازيلي و الصيني

الا وهو البرازيلي كان الشكل الجديد للباليو داخليا و خارجيا

البرازيلي ( و دي الي معايا حاليا - 1300 - 80 حصان . ) :







الصيني :







و دي 1500 - 85 حصان .

--

السيارتين ميكانيكيا مع فارق الموتور و المساعدين - نفس السيارة و نفس الكلام يقدر يتقال عن الاتنين

ميزة الصيني عن سيارتي انه قطع غياره رخيصة جدا جدا جدا بالمقارنة مع السيارات حاليا و البرازيلي بالذات .

ثنمن الصيني 65 الف جنيه .

في راي لو مقتنع بالسيارة اتوكل علي الله مش حتندم

بس لوخايف او بتشاور عقلك و معاك كام الف كمان - فكر في البونتو الايطالي - 75 الف جنيه .

و ياريت تصبره لانص الشهر علشان في حلفة خيرية ترعاها فيات و حتقدم في موديل جديد جدا في مصر .

المشاركة الأصلية كتبت بواسطة tawfi2

بجد ألف ألف ألف شكر يا زعيم على ردك واهتمامك :)
ممكن بس لو فيها رخامة من أخوك ( اللى هوا أنا ) :) .. كنت عايز أعرف بس اية هيا الكماليات اللى ف العربية دى !؟.. ( انت كده ح تخليها تزءزء فى دماغى وأجيبها )..
وعايز أعرف التكييف أخباره اية !؟ و واسعة من جوه ولا لأ.. وهل هى فعلا سيارة أقدر أعتمد عليها ( أنا المسافة من بيتى لشغلى يوميا لا يقل عن 100-110 كم ف اليوم ( 50 رايح و 50 جاى ) ..!؟
والشنطة اية أخبارها !؟
آسف للازعاج للمرة المليون ..:) ومش عارف أقولك اية صراحة ..
جزاك الله كل خير

تحت امرك يا باشا .

الكماليات :
4 زجاج كهرباء - باور - سنتر - سي دي بلاير - تكييف - فتح و غلق التانك و الشنطة من الداخل - و اعتقد بس مش اكيد بصراحة ان المرايات كهرباء برده .

التكييف :
التكييف جيد جدا بالنسبة لحجم السيارة و هو 4 سرعات - اول اتنين بيبقوا كويسين جدا لو العربية كانت مركونة في الضل و مش بياتروا علي السيارة خالص .

بس اخر 2 لازم تستعملهم لو السيارة مركونة في الشمس لفترة و بيبقى في فرق بسيط يعني في السحب طبعا علشان التكييف بس في السرعة 4 .

اعتمادية :

السيارة هي السيينا - بترا - بس هاتشباك و شوف السيارات دي ماشية في مصر من 2000 و كانت ناجحة اد ايه ... سيارة اعتمادية من هنا لبكرة !!

الشنطة :

290 لتر ( كبيرة جدا ) و بتوصل 500 لتر في حالة طي الكراسي
بس مساحة الشنطة كبيرة جدا علي حساب مساحة الارجل للقدم الوراء صغير شوية لو بترجع الكراسي الامامية لوراء اوي .
-----------------

تسلم يا محمد ابيزا :)

المشاركة الأصلية كتبت بواسطة ahawit

بارك الله فيك يا أخى وجزاك عنا خيرا

شكراجزيلا انا لم افعل شيء .