ياااه .. الطلبه هايمسكوا أي باد ! .. ولوح ذكى بدل السبورة ! .. طيب ياتري عندهم ف المدارس نظام ان المدرس يسيب الفصل و يوقف عيل يكتب اسامي العيال اللي اتكلمت ع السبورة (قصدي ع اللوح الذكى) ؟ لأ و يمكن كمان الطلبه يجيبوا أقفال عشان يشيلوا الأي باد ف درج التخته زي ماكنا بنشيل الكتب ف ثانوى ! طيب يا ترى المدرس هايصحح الواجب ازاي .. هايلم الأي باد و يعلم صح و نظر و يوزعه تانى ؟ و طبعا لازم كل واحد يجلد الأي باد بتاعه (الجلاد الطحينى السخيف اللي كان بيتقطع ف أول يوم) و يلزق تيكت بإسمه وفصله .. ولا اقولكم هما يقضوها فولدرات .. يعنى فولدر أصفر للعلوم و فولدر أزرق للرياضة ! معلش ياجماعه الذكريات هبطت عليا أصل انا فلول أوى
المفضلات