الموضوع: ارجو مساعدتي في هذا الاختيار الصعب

السلام عليكم ورحمة الله وبركاته
انا ياجماعة انضميت لهذا المنتدى الرائع من حوالي سنة وشوية صحيح مليش مشركات كتيرة بس والله انا متابع لكل الاخبار و قارئ جيد لجميع المدخلات و خاصة لمجموعة من المشاركين حقيقي هم ليهم اكبر فضل في حب الناس لهذا المنتدى
وارجو منهم النصيحة في هذا الموضوع هم وجميع اهل الخبرة في هذا المنتدى الجميل

1-شاركي
2-سبعاوي
3-طارق زويل
4-نادر نابيل

الموضوع شراء سيارتين زيرو في حدود 170 مكسيمم

الحمد لله اخيرا عرفت ابيع البيجو البريستج بتعتي واحد معرفه بيقدر العربية وعرف يقيمها برغم انها عملة 250 الف ك م بس انا مبعملش فيها حاجة الا في التوكيل حتى غيار الزيت المهم

انا محتار اعمل المكس السليم (عربية لية والتانية لمراتي هي صحيح مش بتسوق لكن باذن الله هطلع رخصة علي اول الشتاء)

المتطلبات الخاصة بالعربية بتعتي حسب الاهمية
1-البريستيج لاني مدير مالي
2-التوكيل عشان مضيعة الوقت و المجهود
3-سعر اعادة البيع (مطالب بتغيير السيارة كل 5 سنيين) و مكررش مهزلت البيجو برستيج تاني
4-الاعتمادية لان طريقي سفر كل يوم 120 كيلو واوقات بروح 3 فجرا
5-لو استهلاك البنزيين كويس يبقى مصلحة برضو


المتطلبات الخاصة بعربية مراتي حسب الاهمية
1-تكون صغيرة لزوم اللف في الرحاب ومدينة نصر
2-قلة الاعطال عشان هيبقى معاها الولاد
3-قليلة المصارف علشان العملية متفتحش معيا في الصرف على العربيات
4-تكييف - بور اهم المميزات
5-سهولة التعامل مع العربية في الصيانة

العربيات اللي في حيز الاختيار

1-ميجان + ماروتي (تكييف) 136+36
2-لنسر 1600س أ م + سبارك 123+55
3-سيراتو+لوجان (مبفضلوش اوي المكس ده ) 102+70
4-اي 30+اي 10 (الاخ غبور اي يدماغي ) 103+60
5-فورد فوكس + ماروتي 130+36
6-سيفيك + ماروتي (بس انا خلاص هبيع بكره ومش عارف اركب ايه لحد مستليم ال سيفيك لو كانت هي الاختيار اصلها استلام 9 سبتمبر 143+36
7-نبسان تيدا + التو 125+45
8-ياريس 1500 سي سي خليجي + اسبرانزا أيه 1130 (124+58)
على فكره انتو اعملو المكس اللي انتو شايفينو اصح انا بس بديكو الخيارات اللي في دماغي

انا عارف اني اكيد طولت عليكو كتير بس العشم اللي عندي اكبر بكتير


اخوكم احمد علي

انا عجبني اختيار السيفيك مع الماروتي بس المشكلة فيوقت الاستلام ومش هعرف اروح العاشر كت يوم بالماروتي و هي من غير تكييف يعني المعريفش يعملو دكتور الرجيم بتاعي هيعملو الحر داخل العربية