الموضوع: هشتري BMW الفئة الثالثة 318i موديل 2011

المشاركة الأصلية كتبت بواسطة someonedb

اعتمادي فوق ما اتخيل اوكي معاك

بس الطريق فيه سكراب فوق متتخيل برضه

يعنى مش بعيد تلاقي العجل اتقسم نصين علي طريق السخنة يبقى ايه العمل ؟

هتقولي ممكن تمشي بيه 100 كيلو اقولك صح .. بس بعد ماتمشي بيه هتعمل ايه ؟؟

عند اي بتاع كاوتش مش هتقوله صلحلي الرن فلات تاير !! هتقوله غير وطبعا هيركب تيوبلس

وهكذا ........ ده اللى قصدته من كلامي .. ولا انت ايه رايك ؟

انا سمعت ان التكنولوجي الجديد فى العجل هينزل قريب اللى هو العجل الجيللي اللي مفيش حاجة تاثر فيه يعنى لانار ولا مسامير ولا سكاكين حاجة كده زي قبنوري ضد المية ضد النار

يا ريس يتقسم نوصين ايه مفيش الكلام ده فرده الكوتش دى معاك لحد اخر عداد العربيه
و لما بتتخرم بيتمشى معاك زى منتا عايز و بتتلحم و ترجع فولا
امشى بس انتا اول 50 الف كيلو و سعنها حوش 6 الف جنيه شان نغير كوتش سوا

المشاركة الأصلية كتبت بواسطة farahat

أولاً ألف مبروك على العربية ، ربنا يبارك لك فيها ويديك خيرها ويمنع عنك شرها إن شاء الله


ثانياً موضوع الرن فلت دة مش مشكلة خالص ، لسبب بسيط جداً وهو انه عشان يكون ران فلات كل إلي عملوه في الحقيقة انهم عملوا السمك بتاع الكاوتش نفسه (سمك المداس إو الجوانب ) تخين جداً جداً جداً ، عشان حتى لو إتخرم مش بيتني وبالتالي يحافظ على الشكل الدائري بتاعه وتمشي عليه عادي .
وبما إنه تخين قوي كدة فصعب إن المسامير ولا أي حاجة تخرمه بسهولة ، لو فرضنا إنه هو و أي كاوتش عادي عدو على 10 مسامير ، الكاوتش العادي هيدخل فيه 5-6 ودة هيدخل فيه واحد بالكتير (عشان سميك ).


ثانياً أصلاً حضرتك جايب bmw مش بتمشي بيها في طريق فيه ال-10 مسامير حتمشي بيها في الشوارع المرصوفة على الاقل ، يعني إحتمال انك تقابل مسمار واحد مش ال-10 ، يعني إحتمال إنه يتخرم هيكون ضعيف ، و حتى لما يحصل لا قدر الله هيمشي معاك ال-200 كلو لحد ما تلحمه ،


في المقابل إنت نايم مطمن انك عمرك ما هتنزل من البيت الصبح ولا من الشغل وتلاقي الكاوتش على الارض ، هتلاقيه سليم وماشي وكل الحكاية لمبة منورة في التابلوه بتقلك ابقى الحم الكاوتش أو زوده لما توصل مشوارك .

+111111111111111111111111

أولا ألف مبروك....ربنا يبارك لك فيها ويحفظك من شر الطريق....حسب علمى الرن فلات ما بيرجعش تانى رنفلات بعد ما يتم لحامه....هو بيتمشى عليه تانى تمام بس بيكون فقد الخواص الخاصة بالرنفلات......رجاء التأكد من التوكيل او البحث على النت لتأكيد المعلومة......

عن تجربه:

كاوتشة الران فلات الكونتينينتال ب 1150 جنيه النهاردة.

العربية لما تديلك إنذار بيبقي الضغط جوه الفردة نزل عن ال 20 بار.

بتروح لبتاع الكاوتش ، بيقيس الهواء وبيعرف الفردة المقصودة.

بتتفك من العربية وتتنفخ علي 45 وتتحط فى بانيو الميه عشان يتعرف الخرم فين.

بيتسد الخرم بخابور ب 7 جنيه وغالبا الخرم بيبقي مسمار طووووويل ومعرفشي إزاي بيدخل بطوله كده مع اني والله بأمشي بيها على اسفلت طول الوقت!

الموضوع ده اتكرر معايا مرتين فى سنة ومنهم مرة كنت مسافر....تقدر تمشي لحد 120 كيلو\ساعة ، بس إمسك الدركسيون بإيديك الاتنين وبلاش غرز خاصة لو كانت واحدة من الاتنين اللى قدام.

تحياتي.

مع خالص إحترامي وألف مبروك طبعا...الهواء له تأثير واضح عليها خاصة مع تجاوز عربيات النقل الكبيرة بالذات والعربية محملة!!!

الفيكترا اللى كنت راكبها قبلها كانت 2000 موديل 99 كانت أثبت فى مواجهة الرياح عنها و(أثقل) فى الطوالي...دا أنا كنت بأمشي بالأوبل 180 على الصحراوي من البوابة للبوابة ومش حاسس بمشكلة!

بأمشي برضه بالبي إم بنفس السرعة وساعات أعلي بس بيبقي تركيزي أعلى بكتير بسبب إحساسي بخفة العربية...

على فكرة أنا واحد صاحبي بيقولي نفس القصة على الفئة الخامسة موديل 2009 وهو إشتراها بعد ما باع واحدة 2004 (الموديل اللى قبلها) ، بيقول شتان فى مسألة الوزن ما بين القديمة والجديدة لدرجة أنه بيدور على واحدة 2004 تاني!!!!

هي كتسارع وعربية مدينة ممتازة 100% لكن على السفر مش قد كده ، كمان واطية جدا على الأرض فمخلية الواحد مركز بشكل غير طبيعي لمفاجآت الطريق....وكنصيحة واحد صاحبي معاه واحدة زيها....أوعي تاخد بلاعة أو أي حاجة فى النص وانت سايق!!!!!!!!!!!

تحياتي.