مياه من الشكمان + بخر زيت

السلام عليكم

واحد صاحبى ملهوش فى العربيات قوى طلب منى أروح معاه يتفرج على عربية عاوز يشتريها.

المهم أنا رحت معاه و أول ملاحظة لاحظتها أن فيه ريحة بنزين مش محروق كويس.....بس قولت عادى فيها حاجة عاوزة تتظبط فى الحرق بتاعها.

تانى حاجة لما حد يدوس بنزين جامد من جوة العربية الشكمان بيخرج مياه كتير.......مش مجرد تعريق عادى.

تالت حاجة بعد لما جربنا العربية و ركنت شميت ريحة زيت محروق........فتحت الكبوت و ببص مش شايف حاجة.........صاحبى فتح غطاء الزيت اللى فى الموتور لقيت فيه بخرة طالعة من الفتحة.

أنا مش عارف الحاجات دى أيه السبب فيها بالظبط بس مش مستريح للعربية.............مع العلم أنى أثناء تجربتى ليها العربية سحبها زى الفل و الفتيس مفيهوش الهوا.

يا ريت حد يقولى الأسباب اللى عاملة المشاكل دى أيه هى.

أنا قولت هغيب ساعتين تلاتة هرجع ألاقى الناس ردو و شخصوا و قالولى كل عيوب العربية و إذا كانت راشة ولا لأ كمان :)

المية اللى من الشكمان دى وش سلندر

مدام الميه بكميه كبيره كده يبقى وش السلندر منفس على الشكمان مش على الزيت

الدخان اللى طلع لما فتح غطاء الزيت ده عادى ماهو الزيت سخن و بيتبخر

شكراً على الردود يا شباب

هو فيه معلومة تانية بخصوص المياه.......كنت بكلم تاجر عربيات و بقوله على الملاحظتين دول

الأولى قالي عليها عادية خصوصاً لو العربية بقالها فترة كبيرة مركونة و هي فعلاً بقالها حوالي سنتين مركونة

التانية قالي عليها ان معناها ان الموتور خفيف

أنا بصراحة مش عارف فين الصح

العربيه دى موتورها خفيف طالما فيه بخر من غطاء الزيت حط اديك على الغطاء لو حسين ان فيه ضغط بخار لاعلى كده الموتور يبقى خفيف اما لو لقيت فيه سحب لاسفل يبقى الموتور حالته جيده والله اعلم

اقتباس:

---

المشاركة الأصلية كتبت بواسطة Ahmed A.Maksoud

أول ملاحظة لاحظتها أن فيه ريحة بنزين مش محروق كويس.....بس قولت عادى فيها حاجة عاوزة تتظبط فى الحرق بتاعها.

---

هل الكلام دة قبل ما المكنة توصل لدرجة حرارة التشغيل الطبيعية؟... لاحظ ان العربية و هى باردة بيبقى الحريق نى و دة طبيعى

اقتباس:

---

تانى حاجة لما حد يدوس بنزين جامد من جوة العربية الشكمان بيخرج مياه كتير.......مش مجرد تعريق عادى.

---

لو كانت العربية لسة دايرة و باردة هيبقى فيه تكثيف لبخار كتير فى علب الكمان و مع الكبس هتلاقى البخا كتير... جرب نفس التجربة بعد ما تمشى بالعربية شويتين (المفروض يكون التكثيف خرج من علب الشكمان مع المشى و الحرارة) لو فضل نفس الوض ممكن يبقى العربية فيها مشكلة فى جوان وش السلندر

اقتباس:

---

تالت حاجة بعد لما جربنا العربية و ركنت شميت ريحة زيت محروق........فتحت الكبوت و ببص مش شايف حاجة.........صاحبى فتح غطاء الزيت اللى فى الموتور لقيت فيه بخرة طالعة من الفتحة.

---

طبيعى يطلع بخار من فتحة الزيت... ممكن يكون ريحة الزيت نتيجة سخونة اى قطعة فى الموتور عليها اثار زيت متسرب... الفيصل هنا هل العربية بتاكل زيت و له اثرعلى فتحة الشكمان ولا لا

MMamdouh

موضوع المياة من الشكمان دة عادى جدا

انا شفت عربية اوبل فيكترا جديدة كانت لسة طالعة و كان فعلا فية مية كتيير نازلة من الشكمان و لو العربية جايبة وش سلندر حتلاقى دخنة بيضاء على طول !!!

و بالنسبة للزيت فا دة طبيعى برضة !

و فى اول الدوارة طبيعى ان يبقى فية رائحة بنزين خفيفة علشان العربية بتدى كمية بنزين كتيير علشان تسخن بسرعة بس المفروض بعد ما توصل لدرجة الحرارة الطبيعية ميبقاش فية حاجة

الرجالة جابت المفيد هه يابوحميد
زعلان ليه بقا

عموما

العربية دي راشة دواخل
ههههههههههههههههه

مايه كتير من الشكمان يبقى العربيه فيها تسريب وش سلندر
و البخره اللى بتطلع دى من غطاء الموتور ده بتبقى ان المايه داخله على الزيت جوه
فا المايه بتبخر جامد انت لو حطيت ايدك على البخره دى و فركت ايدك هتلاقى مايه
العريبه دى محتاجه جوان وش سلندر و لو الجوان كويس يبقى الوش فيه شرخ و انا ارجح ان الوش يبقى مشروح خصوصا علشان المايه الكتيره دى
يارب اكون افادتك

السلام عليكم جميعاً
هناك نقطة قد تغيب عن البعض في الحالة إللي قدامنا دي ( مياه من الشكمان وده لو لم يكن مشكلة في جوان وش السلندر بيبقى طبيعي وصحي جداً زي السيارات الجديدة + بخر زيت أكتر من الطبيعي ودة إللي كان بيقصد يوصله لينا الأخ الكريم صاحب المشاركة ) ...
حيث أن :
تفسير المعادلة الصعبة دي ( إللي هو الموتور مظبوط نتيجة المياه في الشكمان + بخر زيت الغير عادي ( تنفيس أو نفخ زي ما بيقولوا )
هو إن هناك بستم واحد فقط مثلاً هو إللي مفوت وبينفخ وباقي البساتم ( الثلاثة الباقية ) محكومين ومظبوطين ودة ممكن يكون تفسير العبد الفقير للحالة إللي أمامنا
وقد أكون مصيب أو مخطئ ..
وتقبلوا تحياتي
أخوكم
م / أحمد يوسف
:fun_10_9_134[1]:

اقتباس:

---

المشاركة الأصلية كتبت بواسطة dr_radioooooo

المية اللى من الشكمان دى وش سلندر

---

تمــــــــــــــــــــام، والموتور بيشاور عقله

اقتباس:

---

المشاركة الأصلية كتبت بواسطة agwaa

السلام عليكم جميعاً
هناك نقطة قد تغيب عن البعض في الحالة إللي قدامنا دي ( مياه من الشكمان وده لو لم يكن مشكلة في جوان وش السلندر بيبقى طبيعي وصحي جداً زي السيارات الجديدة + بخر زيت أكتر من الطبيعي ودة إللي كان بيقصد يوصله لينا الأخ الكريم صاحب المشاركة ) ...
حيث أن :
تفسير المعادلة الصعبة دي ( إللي هو الموتور مظبوط نتيجة المياه في الشكمان + بخر زيت الغير عادي ( تنفيس أو نفخ زي ما بيقولوا )
هو إن هناك بستم واحد فقط مثلاً هو إللي مفوت وبينفخ وباقي البساتم ( الثلاثة الباقية ) محكومين ومظبوطين ودة ممكن يكون تفسير العبد الفقير للحالة إللي أمامنا
وقد أكون مصيب أو مخطئ ..
وتقبلوا تحياتي
أخوكم
م / أحمد يوسف
:fun_10_9_134[1]:

---

وعليكم السلام ورحمه الله وبركاته
ممكن طبعا بس علشان يتاكد يفك ال4 بوجيهات ويشوف حالتهم ايه ومدي تماثلهم او اختلاف احدهم
وفي الحاله دي هيبقي واحد فيهم عليه زيت واسود نتيجه ان حريق وحش