نفسى الاقى حل في مشكلة استهلاك البنزين

**Eng_hatemfathy** · 11-02-2012 09:10 PM

كالعاده مع كل تفويله دمى يتحرق فولت انهارده وحطيت 38.4 لتر بنزين 92 وقراية العداد 375 كيلومتر
عملت كل حاجه علشان اعرف السبب ومعرفتش قليوب قالوا كويس وابو رواس قالوا كويس والكمبيوتر طلع البوابه شغاله مع الدواسه تمام -طب ايه المشكله مش عارف وكنت مستنى اعدة ال 3000 كيلو يمكن تتعدل وصلت 3500 كيلو وهيا زى ما هيا واستهلاكى زاد 60:100 جنيه شهريا
حد عنده حل للموضوع ده او استهلاكه قريب من كده لانى خلاص زهقت

**husseinthemaster** · 12-02-2012 03:30 PM

هي كدة بتعمل 195.3 في الصفيحة اية المشكلة في كدة انت شايف انة قليل

**IronHead** · 12-02-2012 07:12 PM

المفروض الشارك بتعمل فى اسوء الظروف 200 فى الصفيحه, ده لما يبقى ماشيك كلها فى طرق مش بتزيد عن 30كم \الساعه
انا معايا بتعمل جو البلد 220 وبره البلد 360 فى الصفيحه

**amr_2009** · 12-02-2012 07:54 PM

على الطربق 360 ازاى؟؟؟.
انا العربيه بتعمل فى حدود 200 او 215 كيلو على الطريق زى استاذ حاتم..بس بصراحه السرعه تترواح بين 150 الى 120
وجوه البلد فى حدود 150 كيلو بدون مبالغه بس السرعه بتكون حوالى 30 او 40
انا بصراحه ماكنتش باخد بالى الاول بس مؤخرا لاحظت الموضوع ده فقولت يمكن السبب:
البنزين فيه حاجه او فيه سرقه
او جايز انا طريقه سواقتى فيها حرق شويه..خصوصا انى بستخدم كيك داون علشان بستمتع بصوت العربيه :)

علما بانى فى مره استخدمت منظف الانجكشن ليكوى مولى فبل كل المواويل دى..ولقيت عداد العربيه كتبلى 750كيلو فى التفويله..واستغربت جدا..ولما حسبتها على عداد ال trip لقيته مشانى فعليا حوالى 570 كيلو فى التفويله..فا قولت بردو جايز ده فرق الحرق اللى بحرقه

وبعديها بفترة لما لقيت الاستهلاك بيستهبل زى لما ذكرت فى الاول..جبت ليكوى مولى تانى على تفويله بردو...بس لاقيته..معملش اى فروقات زى ما كنت حطيته فى الاول..ولقيت الارقام اللى ذكرتها فى الاول
استغربت جدا..و انا بعمل صيانه دوريه فى التوكيل كشفلى وقالى عادى مفيش اى مشاكل..
فتوكلت على ربنا وقلت مش هاحط فى دماغى وقلت فعلا جايز البنزين بيبقى مغشوش او اسلوب السواقه وفى جميع الظروف استمتع بعربيتك لانها عربيه تستاهل فعلا ومتشلش هم حاجه علشان الموشوع مش مستاهل

**movies** · 12-02-2012 07:56 PM

المشاركة الأصلية كتبت بواسطة Eng_hatemfathy

كالعاده مع كل تفويله دمى يتحرق فولت انهارده وحطيت 38.4 لتر بنزين 92 وقراية العداد 375 كيلومتر
عملت كل حاجه علشان اعرف السبب ومعرفتش قليوب قالوا كويس وابو رواس قالوا كويس والكمبيوتر طلع البوابه شغاله مع الدواسه تمام -طب ايه المشكله مش عارف وكنت مستنى اعدة ال 3000 كيلو يمكن تتعدل وصلت 3500 كيلو وهيا زى ما هيا واستهلاكى زاد 60:100 جنيه شهريا
حد عنده حل للموضوع ده او استهلاكه قريب من كده لانى خلاص زهقت

تفويلة ازاى ب 38.4 لتر ؟!!!التانك بياخد اكتلا من كدا بكتير...يعنى حضرتك مبتسناش لما التنك يفضى او العربية تقوللك refuel ..يعنى ال 375 كيلو دول على اد ما فهمت مش بكل التانك !!!
ياريت لو انا فهمت حضرتك غلط تصححلى او تشرحلنا حسبتها ازاى

**Eng_hatemfathy** · 12-02-2012 08:22 PM

المشاركة الأصلية كتبت بواسطة movies

تفويلة ازاى ب 38.4 لتر ؟!!!التانك بياخد اكتلا من كدا بكتير...يعنى حضرتك مبتسناش لما التنك يفضى او العربية تقوللك refuel ..يعنى ال 375 كيلو دول على اد ما فهمت مش بكل التانك !!!
ياريت لو انا فهمت حضرتك غلط تصححلى او تشرحلنا حسبتها ازاى

التنك 59 لتر ولكم انا مش بحب انزل عن الربع علشان احافظ على طلمبة البنزين واحصل على افضل ظروف تشغيل ليها كما يسمى عند مهندسى الميكانيكا (NPSH)net positive suction head

**Eng_hatemfathy** · 12-02-2012 08:35 PM

المشاركة الأصلية كتبت بواسطة husseinthemaster

هي كدة بتعمل 195.3 في الصفيحة اية المشكلة في كدة انت شايف انة قليل

المفترض من محرك 1500 حقن الكارونى عامود كامه مزدوج ان يكون موفر جدا للوقود والعجيب ان من يشتكى من النيسان ال1600 الاتوماتيك بيقول انها بتعمل 195 الى 210 داخل البلد وان اغلب من اعرفه يمتلك الشارك اكدوا كما قال الاستاذ احمد ان الاستهلاك لا يقل عن 200 او 220 داحل البلد
وعلى فكره انا عملت كل التجارب فى طرق القيادة الرياضية والعقلانيه ولم اجد فرق يذكر يعنى انهارده بسبب بطء الطريق لقيت متوسط الاستهلاك على الشاشة قربت من 30لتر /100 كيلو ولما مشى الطريق بالعافيه وصل ل 12لتر/100 كيلو
واحسن حال من اول لما اشتريت كان 215 كيلو/صفيحة وبعدين عجنت مرة 185كيلو/صفيحه ومره 195 ومره 205 وهكذا لما خلاص زهققت وكانت اللادا 1500 برده 2 كامه انجكشن بتعمل 240 جوا البلد وقلت اللانسر هتعمل فرق