العربية بتاخد على رجل صاحيها

**Ahmed Amin** · 12-02-2012 02:15 AM

المشاركة الأصلية كتبت بواسطة moh19227

ثم ان العربيات الجديده اجهزة ال ecu اللي فيها بالفعل بتقدر تعرف شخصيه اللي سايقها وهل هوا بيحب يجري ولا يمشي علي مهله وبتظبطله العربيه علي طريقة استخدامه يعني الكلام فيه شئ منطقي

هههههههههههههههههههههههه
أعذرني بس مقدرتش أمسك نفسي من الضحك أما قريت الكلام دا,
هوا حد قالك كدا ولا دا أستنتاج؟
أولاً ال ECU هيا أختصار ل Engine control unit وبيسموها عندنا في مصر الكنترول.

وبأختصارهيا اللي بتتحكم في معدل دخول وحرق البنزين للموتور والهواء وأوقات فتح وغلق الصمامات والأشتعال علي أساس نسب معينة Ratios ومتسجلة عليها ووهيا اللي اللي بتاخد قرايات السينسورز من باقي الأجزاء بالعربية.

لكن مهياش معمولة عشان تتعرف علي شخصية السواق وهل بيحب يجري ولا لأ.
حبيت بس أوضحك النقطة دي عشان تفهمها صح.

**hosar** · 12-02-2012 10:28 AM

انا بحس بأختلاف لو حد غيرى ركبها بمعنى انا معودها على الحرق لو والدى نزل بيها مشوار بلاقى العربية السحب راح خالص
و الموضوع من نفسى انا مجربة على 3 عربيات لحد دلوقتى

**me_medoo** · 12-02-2012 12:53 PM

بص يا باشا ... انتا لو حتى سريرك حد غريب نام فيه هتحس بأختلاف وهتحس أن ريحتو أتغيرت ... فما بالك بعربيتك ... سواقتك بتختلف عن سواقة غيرك ... وحتى لو بتطحن انتا العربية بس هيا متعودة عليك بمجرد مايجي واحد يسوقها بشويش وبراحة ... تلاقيها عطلت منوووووو ... والي سبقونا والاكبر مننا قالو زمان العربية كالزوجة ، متخليش حد يقربلها .

وانا أأمن أن العربية بتحس بصاحبها رغم أنها ألة لكن بتحس بصاحبها الي بيعتني بيها من الي راكبها يخشتعها .

وحتى لمن تكون أنتا قاسي عليها ويجي واحد حنين عليها ويسوقها بلطف ... فتبتدي تتمرع العربية وتدلع أأأأأأأأأأه طب غيرلي الزيت طب غيرلي البوجيهات مفصلي بتوجعني مساعديني بتحرقني ... عبشتي بتنقح عليا .... وهكذا .

فلذالك متخليش حد ياخود عربيتك خالص حتى لو كان الميكانيكي .الي هو الدكتور الي هيعالجها ...

**Elawany13** · 12-02-2012 01:53 PM

المشاركة الأصلية كتبت بواسطة me_medoo

بص يا باشا ... انتا لو حتى سريرك حد غريب نام فيه هتحس بأختلاف وهتحس أن ريحتو أتغيرت ... فما بالك بعربيتك ... سواقتك بتختلف عن سواقة غيرك ... وحتى لو بتطحن انتا العربية بس هيا متعودة عليك بمجرد مايجي واحد يسوقها بشويش وبراحة ... تلاقيها عطلت منوووووو ... والي سبقونا والاكبر مننا قالو زمان العربية كالزوجة ، متخليش حد يقربلها .

وانا أأمن أن العربية بتحس بصاحبها رغم أنها ألة لكن بتحس بصاحبها الي بيعتني بيها من الي راكبها يخشتعها .

وحتى لمن تكون أنتا قاسي عليها ويجي واحد حنين عليها ويسوقها بلطف ... فتبتدي تتمرع العربية وتدلع أأأأأأأأأأه طب غيرلي الزيت طب غيرلي البوجيهات مفصلي بتوجعني مساعديني بتحرقني ... عبشتي بتنقح عليا .... وهكذا .

فلذالك متخليش حد ياخود عربيتك خالص حتى لو كان الميكانيكي .الي هو الدكتور الي هيعالجها ...

هههههههههههههههه
انت ملكش حل

**Sehsss** · 12-02-2012 06:30 PM

الموضوع ده بيفرق فعلا، لأن كبسة كل واحد للبنزين أو الفرامل بتبقى مختلفة عن التاني

**M.Alaa92** · 13-02-2012 12:12 PM

المشاركة الأصلية كتبت بواسطة hosar

انا بحس بأختلاف لو حد غيرى ركبها بمعنى انا معودها على الحرق لو والدى نزل بيها مشوار بلاقى العربية السحب راح خالص
و الموضوع من نفسى انا مجربة على 3 عربيات لحد دلوقتى

+1

الحج يجى يركب يلاقى العربية بتطير من لمسة هو مشواار واحد ياخدها

يقولى بتنتش الدواسة بتحجر!!!! ) حوديها لللميكانيكى ااقولو سيبها و تعالى بيها كدة :) و يطلعلو تهيؤاات و اخد العربية بعد م ينزل منها ب ثانية و تكون دايرة و اقولو اركب يركب لا تنتنيش و لا دوااسة بتحجر ولا يحزنون يبقى مستغرب بس السحب بيبقى ف الضيااع

بس كبستين بنزين ترجع زى م كاانت :))

**sakr_skoda** · 13-02-2012 09:09 PM

الموضوع انو رجلك هيا اللى بتاخد على العربية وليس العكس وطبعا انتا راكب عربيتك عارف امتى تاخد الغيار وامتى تدوس بنزين وامتى تخف شوية رجلك هيا اللى بتتعود على العربية لذا لو حد غيرك ركبها حتحصل معاه مشاكل لفترة ولاكن بعد فترة رجليه حتاخد على العربية....*

-

الموضوع: العربية بتاخد على رجل صاحيها

LinkBack

أدوات الموضوع

عرض

-

-

-

المواضيع المتشابهه

العربية بتاخد وقت لحد ما بتدور

العربية ال لادا 2107 بتاخد زيت قد اية ؟؟

العربية بتاخد على رجل صاحيها

العربية الاستر لما الموتور بيبقى سخن بتاخد وقت فى التدوير بتاع المارش لية عاوز حل

العربية بتاخد وقت عقبال لما تسخن

الكلمات الدلالية لهذا الموضوع

المفضلات

المفضلات

ضوابط المشاركة