بالنسبة لموضوع غبور وكيفية مواجهته

**volcano12** · 31-05-2008 05:45 PM

الفترة إلي فاتت ابتدى زميلنا (seatlover) موضوع مقاطعة غبور .....
طبعاً الكلام جميل، والكلام حلو اننا نبقى مع بعض عشان نواجه حاجة غلط...
المهم أنا احترمته فحاجة إنو كل ما واحد يسأل على عربية هيونداي كويسة ولا لأ، كان بيدخل بيقول العربية كويسة والكلام دة كلو وبيقول للعضو السائل اننا بنقطع غبور .... كلام جميل ....

لكن التطبيق من شخص واحد بس مش أكتر بمعنى إيه.... الناس بقت بتدخل ترد على إلي بيسأل اكنو ال تهمة وهنا أقدر أقول إن كدة المنتدى بيفقد مصداقيته ...عشان إلي بيسأل مش بيوصل للي هو عايزه....

الحاجة التانية.... الناس ابتدت توجه م. عاطف إلي هو مشكور إنو بيدخل هنا ويرد على تساؤلاتنا ويسعدنا بدون مقابل .... وبرد ديه حاجة بتميز المنتدى عن غير ..... عايزين يعني إيه أنا مش فاهم؟

يا جماعة الكلام، اسمو حملة ... يعني توجيه مش ذم وخلص.... واحد إمكانية على ادو ودة أنسب حاجة له .... مثلاً... أؤل اه احنا مش بنحبذ غبور عشان هو سيئ لكن العربية إدتدح انها عملية ... لو فيه فرصة تشوف حاجة تانية يبئة أحسن، ذي ما seatlover باشا بيعمل بالظبط ......

نيجي بقى للمهم ....
أنا مش بكره غبور لحد دلوقتي ولكني أسندكم عشان أنا عايز الأفضل... وال زحمة تقل ....
لأن في اسكندرية مش ذي القاهرة وال بال منظر دة هو دة مستقبلو !!! وكمان لزم يكون فيه مكان تاني هنا غير القاهرة العربية تترش فيه ... أنا سمعت إنو فيه مركز تاني حيتفتح ... بس من زمان أوي..... يعني لو المكان من زمان يكفي ٥ عربيات دلوأتي محتاج ١٠ !!!!
المهم المقاطعة لسة بردو داخل حدود المنتدى ... يعني ولا غبور حيهتم ولا هيونداي كوريا حتفهم عربي !!!
أنا بطالب كل من يمتلك سيارة هيونداي وعندو مشكلة مع التوكيل يكتبها هنا.... ذي الفورمة إلي جية

وبعد منجمع عدد كويس من الإعتراضات حنبعت اميل الغبور وهيونداي عشان يبئة الحوار بناء أكتر.....
المقاطعة حلوة ... واهدافها قيمة معناها ولكن، هل وصلهم اهدافنا، هل إهتمو؟ لما الكلام يلبلب بفضل الشعب المصري ويوصل للشركة من أكبر ٥ شركات ساعتها حتخاف على سمعتها وتشد على غبور ... و تبتدي تعرف أهمية الإهتمام ف مصر بال كلام دة وخدمة المستخدم ....
الاميل حيتبعت لما نكمل أعداد حلوة وال فورمة حتكون فال بوست إلي جي يا ريت كلو يلتزم بيه عشان تتعمل إحصائية وتترجم وتتبعت عربي وإنجليزي فال ميل لذا أرجو منكم تتكتب بال لغتين وواحد حيبعت الاميل ويبئة المتحدث الرسمي .....

أن إستنيت لحد مخلص إمتحان النهردة عشان بجد بايت بتخنق أول مشوف الردود .... ف يا ريت يا جماعة نبئ عقلانيين شوية ف رددنا :) ولكم تحياتي ....

**volcano12** · 31-05-2008 05:45 PM

إسم العميل:
رقم شاسيه السيارة:

المشكلة:
١- هل هو سوء الخدمة؟ نعم أو لا
٢- هل هو سوء خدمة العميل؟ نعم أو لا
٣- هل هو بسبب الزحمة ؟ نعم أو لا
٤- هل بقلة الإمكانيات؟ نعم أو لا
٥- أخر لم يذكر: (مع تحديد السبب الأخر)

**SEATLOVER** · 31-05-2008 08:29 PM

الله ينور عليك يا volcano كلامك كلة الحقيقة مظبوط جداً وماقدرش اضيف ولا حاجة علية انت قولت المفيد كلة

وبالنسبة للشكاوى اللى هاتتبعت للشركة الام ..فياريت نراعى فيها نقطتين
1- نستنى نشوف النتيجة للموضوع اللى احنا عملناى و نشوف إذا كان لة تأثير ولا لآ عشان يبقى عدانا العيب و مشينا فى الخطوات صح
2- فى حالة الوصول لمرحلة الشكاوى تكون مقتصرة فقط على مالكى سيارات هيونداى ذى ما انت قولت فى المشاركة التانية ليك بالظبط
ومفيش اى عضو ماعنوش العربية يدخل فى المرحلة دى

وربنا يسهل و تتحل الامور ونرجع الامور كلها لطبيعتها لاكتر عربية انتشاراً فى مصر

الف شكر ليك يا volcano على موضوعك المميز و ملاحظاتك الدقيقة

**YoussefMostafa** · 31-05-2008 08:35 PM

موضوع رائع وباذن الله هيكون في نتيجة ايجابية قريب

**modux** · 31-05-2008 09:55 PM

فولكانوو

موضوع متميز و فعلا هوه ده الشغل

**crazylambada** · 31-05-2008 10:53 PM

جرنال الجمعة على ما اتعقد مقالة صفحة عن ان سر نجاح غبور هو الاهتمام بالعملاء
بالزمة ده كلام
و هل المقالة ديه ممكن تكون نزلت رد على الحملة
خصوصا ان المنتدى صوته مسموع جدا

**SEATLOVER** · 31-05-2008 11:04 PM

المشاركة الأصلية كتبت بواسطة crazylambada

جرنال الجمعة على ما اتعقد مقالة صفحة..

اة انا قراتها يا carzy والمرة دى مركز على الموضوع دة اوى .. و الصفحة باين ان اتبذل فيها مجهود جامد ...انا برضو شكيت انهم خدوا بالهم

احنا بنعمل اللى علينا و بنكتب ...وهما على الله يعملوا اللى عليهم و يحسوا !!