ربنايوفقك وهات طقم الشنبر من التوكيل اتاكد ان جدار البلوك مش متاكل
أنا فهمت قصدك :
أنت عندك عيب في بستم واحد فقط ، لكن ممكن يكون كاوتش صباب فقط وبدلاً من تغيير الشنبر أكشف الأول علي الموتور عند حد من ميكانيكية الرينو علشان متغرمش كثير وربنا معاك
أنا مع الرأي ده بس بصراحه عجباني طريقة التفكير الجريئه بتاعتك ورأيي إنت كده كده فاكك خلاص رأيي تجيب طقم شنبر أصلي بالمره وبرضه ترجع كاوتش الصبابات أو ياريت تقدر تغيره بالمره صحيح التكلفه عاليه لكن هتريح دماغك لفتره زمنيه محترمه جداً من الموضوع ده
سؤال تاني عربيتك عامله كام كيلو متر
بالمناسبه حصل معايا موقف تسريب زيت من غطاء الحشو ورحت للميكانيكي قاللي كده العربيه عايزه طقم شنبر المهم بالصدفه رحت علشان أغير زيت والراجل بيفك الغطاء لقاه شبه مفكوك الحمد لله ربنا ستر
الغرض برضه الواحد مش لازم يتسرع
متشكر لحضرتك جداً ..
لكن هل التوكيل موجود عنده طقم شنبر ؟؟ وهل ممكن يعطيه لك كدة منغير ما تديله العربية ؟؟
معقولة ؟؟ ممكن يكون العيب في كاوتش صباب أو زي ما بيطلقوا عليه جلد صباب ??
الله يكرم أصلك
.........!!!!
جزاكم الله كل خير جميعاً
لكن قولوا لي هو لو العيب من كاوتش الصباب ( جلد صباب ) البوجيه يعرق زيت ؟؟
ما هو الزيت مصدره من شنبر الزيت الموجود في منتصف البستم أما الصبابات وكاوتشها ( المحيط بالصبابات ( الصمامات أو ال valves ) متواجدة في أعى البساتم !!!
السلام عليكم جميعاً
أنا سوف أسرد لكم تجربتي خطوة بخطوة علشان الناس تستفيد ( لأن الناس حسستني إني أنا المقتني الرينو الوحيد في مصر إللي فكر يفتح المكنة ( الموتور يعني بلغة الصنايعية ) أو على الأقل أنا حسيت الإحساس دة ) ما علينا ....
بصو بقى :
أنا كنت ناوي زي ما قلت لحضراتكم أغير طقم الشنبر فقط .. بمعني إني
1- أفك وش السلندر فقط من فوق
2- أفك كارتيرة الزيت من تحت
(ما هي دى طريقة فك البساتم التي تحوي الشنابر ( كل بستم راكب فيه 1 شنبر زيت + 2 شنبر كاحت للزيت )
علشان نعمل الخطوة الأولى كان لازم نفك بوابة الإنجكشن + غطاء التاكيهات + وش السلندر
والحمد لله نجحنا في كدة ...
لما جينا نعمل الخطوة التانية ( وهى فك كارتيرة الزيت ) أخفقنا لأنها كانت مربوطة بعدد 24 مسمار نجمة ومربوطين بطريقة وجدنا صعوبة في فكهم لدرجة إن العملية دي إستغرقت مننا يومين ( يوم العمل يبدأ من الساعة 8 مساءاً ) وإتكسرت مننا 3 لقم ووجدنا بعض المسامير محشورة بجانب الفتيس ...
فإضطررنا نرفع المكنة ( أو بمعنى أدق الباقي منها ) خارج العربية وبالتالي أصبحت أمامنا وفككناها بنجاح بعد 3 أيام عمل ...
كنت متخيل إن العملية لن تستغرق أكثر من يومين ( يوم للفك ويوم للتجميع والتقفيل ) ...
ولو كنت أعرف أننا سنواجه المعاناة دي كلها كنا رفعنا الموتور من البداية ....
وعلشان كدة بأحكي لكم التجربة للإستفادة ...!!!
بعد فحص الموتور الذي فككناه وجدنا الأتي ( وهذا بفضل الله ولله الحمد )
....* الموتور بفضل الله لا يحتاج سوى طقم الشنبر ( كما توقعت حيث أن الله لم يخلف ظني ولله الحمد )
....* عامود الكرنك إتضح أنه بحالة جيدة ( لا يوجد به تآكل وبالتالي لا يحتاج خراطة وسبيكة ) ولا يحتاج إلا لهلالات كرنك فقط وهذا فضل من الله لأن النقطة دي كانت محل جدل بيني وبين الميكانيكي لأنه كان بيقول لو الكرنك ظهر في حاجة أو عيب سوف نضطر أن نغير الموتور لأنه ضد الخرط والكلام دة ..
أما العبد لله لأني عندي خلفية من عمرتين في عربيتن مختلفتين من قبل كدة كنت بأقول لو الكرنك ظهر فيه حاجة فسوف أخرطه وأجيب له طقم سبيكة والحمد لله أعرف الخراط الماهر لهذا الغرض ...
لأن العمرة علشان تنجح لها 3 أركان :-
الركن الأول : الخراط الماهر يعني خراطة سليمة وجيدة
الركن الثاتي : الميكانيكي الماهر الذي ينظف الأجزاء جيداً ويجمع لأجزاء بشكل جيد وصحيح
الركن الثالث والأهم : هو سيادتك وهو دورك في شراء قطع الغيار الأصلية
( وعلى فكرة الميكانيكي ماهر جداً وأمين وهما أهم صفتين نحتاحهم في الصنايعي فهو بالنهار يعمل في مركز صيانة للسيارات الفرنساوي ويأتي للعمل في سيارتي أو السيارات الفرنساوي عموماً في ورشة والده في المساء ويوم الجمعة بطوله لأن الجمعة أجازته من المركز ) ... نرجع لموضوعنا :
طقم الشنبر إشتريته اليوم ( 185 جنيه )
طقم جوانات 450 جنيه ( التاجر سيوفره غداً إن شاء الله لأنه في المخزن )
طقم هلالات الكرنك سيوفره الميكانيكي إن شاء الله بمعرفته ( وصله 100 جنيه تحت العجز أو الزيادة لهذا الغرض )
وأخيرا وليس آخراً ... أسألكم الدعاء بالتوفيق
:ask:
فاصل ونواصل ...
وتقبلوا تحياتي ...
:36_3_10[1]:
متنساش تقولنا مين الميكانيكي والخراط
ربنا يتمملك بخير
يسر الله لك
ربنا معاك و أن شاء الله خير
معلش بعد أذنك : أنا معايا كليو 2003 ممكن أعرف من حضرتك أستهلاك البنزين (العادي داخل البلد ) يعني التفويلة كام لتر و بتمشي حضرتك كام كيلو و درجة الحرارة بتاعت العربية.