الموضوع: أرجوكم محتاج مساعدة عاجلة في الكليو من (الكليووية )

حضرتك لو غيرت طقم الشنبر هيبقى مكلف جداً والأفضل تجيب نص موتور ( البلوك )

العربية بتستهلك زيت إزاي وأد إيه ؟ وهل العربية بدخن ؟

موضوع السحب ده له عوامل كتير

المشاركة الأصلية كتبت بواسطة osha_ahmed

بصراحة اول مرة اعرف ان مواتير الرينو بتحتاج طقم شنبر

ممكن موضوع السحب عندك ده سببه طقم الدبرياج محتاج يتغير ...خصوصا انك بتقول فى المطالع

أشكرك على مرورك وردك..
أستبعد طقم الدبرياج إنه يكون السبب أولاً لأني مغيره ثانياً أن الموتور بيستهلك زيت أكت من الطبيعي

المشاركة الأصلية كتبت بواسطة عمرو عمارة

حضرتك لو غيرت طقم الشنبر هيبقى مكلف جداً والأفضل تجيب نص موتور ( البلوك )

العربية بتستهلك زيت إزاي وأد إيه ؟ وهل العربية بدخن ؟

موضوع السحب ده له عوامل كتير

عمرو بك عمارة إزاي حضرتك
والله أنا سعيد جداً لتشريفك موضوعي
وكنت فكرت أراسل حضرتك على الخاص بخصوص الموضوع دة لكن تراجعت خوفاً من إني أزعجك ...
عموماً نحن نشكر الظروف ....
أنا عارف إن الرينو بيستهلك زيت ودة طبيعي ( 1/2 كيلو في غيار الزيت ) يعني تقدر تقول 500 جم / 5000 كم ( 100جم /1000كم )
لكن استهلاك الزيت عندي 1/2 كيلو / 1000 كم ( يعني 5 أضعاف الطبيعي ) وبالرغم من كدة العربية مابدخنش
هتقول لي أمال الزيت بيروح فين ؟؟ هقول لك موش عارف ( ما هو دة إللي هيجنني .. على رأي فيلم إسماعيل يس )
لكن الملاحظ .. يوجد ترشيح زيت خفيف حول البوجيهات + البوجيه التاني من ناحية كويلات البوبينة بيقطع نتيجة إنه بيعرق زيت كل مسافة قليلة 100 كم تقريباً ( بفكه كل ما أحس أن العربية بتقطع وأركب غيره .. أما إلبوجيه المفكوك في أقرب فرصة أغسله ببنزين وأجهزه لما تقطع تاني ( شغلانة موش كدة ؟؟ )
تعالى بقى لحسبة طقم شنبر ولا short block
إسمح لي أفكر معاك بصوت عالي ...!!
طقم الشنبر مكلف جداً إزاي .. ممكن توصح لي وجهة نظرك .. ( أنا كنت بأعتقد إن العملية كلها طقم شنبر لا يتعدى سعره 150 + جوان وش سلندر 125 ( ركبته من أسبوعين علشان كنت غيرت صباب )
أما ال short block هيكلف 4000 ( 3500 البلوك + 500 مصنعية ) والأسعار دي متأكد منها
ولا إيه رأي حضرتك ؟؟

أستاذ agwaa كيف حالك

طبعاً نص كيلو زيت كل 1000كم ده كتير جداً......فعلاً حضرتك عندك مشكلة

أنا أخر معلوماتي إن طقم الشنبر الأصلي للموتور الـ1200 ممكن يعمل 1000جم ومش عارف إيه حكاية الـ150 جم دي......أيضاً جوان وش السيلندر بيعملوه حوالي 300 جم
ممكن معلوماتي تكون قديمة شوية......بس لازم تتأكد الأول من الحاجة دي

إلي أعرفه ومتأكد منه إن بلوك الموتور لن يزيد عن 1500جم بأي حال وتركيبه سهل......أما موضوع طقم الشنبر فحيحتاج صنايعي فاهم كويس في العربية عشان ميعوكش

يسر الله لك أمرك

المشاركة الأصلية كتبت بواسطة عمرو عمارة

أستاذ agwaa كيف حالك

طبعاً نص كيلو زيت كل 1000كم ده كتير جداً......فعلاً حضرتك عندك مشكلة

أنا أخر معلوماتي إن طقم الشنبر الأصلي للموتور الـ1200 ممكن يعمل 1000جم ومش عارف إيه حكاية الـ150 جم دي......أيضاً جوان وش السيلندر بيعملوه حوالي 300 جم
ممكن معلوماتي تكون قديمة شوية......بس لازم تتأكد الأول من الحاجة دي

إلي أعرفه ومتأكد منه إن بلوك الموتور لن يزيد عن 1500جم بأي حال وتركيبه سهل......أما موضوع طقم الشنبر فحيحتاج صنايعي فاهم كويس في العربية عشان ميعوكش

يسر الله لك أمرك

لو كلام حضرتك بخصوص سعر البلوك دة يبقى كرم كبير من ربنا ولسيادتك جزيل الشكر وأدعي لك مع كل صلاة ...

بس سيادتك قول لي أجيبه منين بالسعر دة لأن الأسعار إللي قلتها لحضرتك (بلسان ) بتاع إستيراد في صقر قريش ( لأنها الأقرب لسكني لأني في حدائق حلوان ) بس أنا متأكد وناس تانية أكدت لي إنه رافع في سعره جداً جداً

وأنا عارف إن تركيبه سهل .. كل إللي هيتعمل هنفك الخدمات بتاعة البلوك القديم ( المارش والدينامو والباور والرادياتير .... إلخ ونركبهم في البلوك إللي هنجيبه ...
أخوك فاهم ( خبرة عمرتين قبل كدة في 132 و مازدا 323 ) وكنت واقف على إيدين الصنايعية والخراطين لحظة بلحظة و العمرتين دول كانواأفضل مدرسة لميكانيكا السيارات

وتقبل تحياتي
أخوك
م / أحمد يوسف

المشاركة الأصلية كتبت بواسطة shawkylotfy

الى حضرتك هتعملة دة تسرع ادام الشكمان بيعرق مية يبقى الموتور مش خفيف ممكن الزيت بيقل بسبب تسريب من احد الاويل سيلات .... بس كدة تحت العربية كويسة وشوف كمان الكوعة بتاعة (المية) لو لقيت حولينها زيت يبقى منها ... وحاول تحط زيت شنبر وشوف... ولو مصصم يبقى طبعا هات نص موتور علشان مصنعية طقم الشنبر ممكن اخش فى 1000 جنية

أولاً : أنا بأشكرك جداً جداً على مرورك ومداخلتك ( لأني بالرغم من صرختي في طلب المساعدة لاحظت ناس كتير جداً أما إنها بتتجاهل إستغاثتي أو بتدخل تقرأ الموضوع وتخرج لمجرد القراءة ..)
بص يا باشا كذا ميكانيكي قال لي تعريق الشكمان شئ والموتور بيستهلك زيت شئ تاني ...
أما إللي أكد لي خفة الموتور هو أحد البوجيهات ( نفس البوجيه في كل مرة ) بيعرق زيت وبالتالي يقطع والموتور يتلت ( يشتغل 3 بساتم فقط )
ودة إللي مفسر لي موضوع تعريق الشكمان بالماء :
وهو أن هناك 3 بساتم محكومة وناتج الحرق بتاعم مظبوط ( الماء إللي بالشكمان ) وبستم واحد فقط هو إللي بيفوت زيت من الشميز بتاعه إلى غرفة الحريق ( إللي هو البستم بتاع البوجيه صاحبنا إللي كل شوية يقطع نتيجة تعريقه بالزيت ) ..
إيه رأي حضراتكم في التفسير دة
ورأيي الشخصي لو طقم الشنبر كلف 1000 جنيه بالمصنعية يبق أنا كسبان ... على الأقل أبقى ضمنت الموتور بتاعي ( لأني أكدت عليه بنفسي ) بدل ما أجيب بلوك لا أضمن أن شنابر البساتم الأربعة محكومين تماماً على شمايزهم الأربعة وكمان لا أضمن نسبة تآكل جدران الأربعة شمايز
وتقبل تحياتي