الموضوع: ما هو أخر موديل للنيسان الصنى المتجمعة فى اليابان

بالاضافة لردود الاعضاء المحترمين

انا عايز اقول ليك

نيسان لو اتجمعت فين تأكد تأكد تأكد شوف 3 مرات اهو هههه انها لا يمكن تكون اقل كفاءة وقدرة من اللى متجمعة فى بلد المنشأ اليابان لأن شركة نيسان من الشركات اليابانية العريقة ولا يمكن ابداً تضحى بسمعتها ومكانتها فى اى دولة كانت

المشاركة الأصلية كتبت بواسطة y2y1500

ممكن تكون خليجى .. الله اعلم

عندك حق فعلا ممكن تكون خليجى....بس السؤال ازاى اتأكد انها خليجى

المشاركة الأصلية كتبت بواسطة manchestrawy

مش ازاي تتأكد انها خليجي .. ازاي تتأكد انها ياباني
انتظر حد من ذوي الخبره يجاوبك بس انا عندي فكره ممكن تساعدك
افتح الكبوت وشوف رقم الشاسيه مكتوب بالـياباني ولا الانجليزي ..

انا عندى نفس الصورة دى فى العربية

المشاركة الأصلية كتبت بواسطة amdd

اخر موديل من الصنى اليابانى هى مو 2005 وما بعدها تجميع مصرى

طبعا لازم تكشف على كل حاجة فى العربية زى مقاس الكاوتش كله يكون واحد لان ممكن تلاقى كاوتش مقاسه اقل من الثلاته وده حصل معايا

اسأل البايع على اى عيوب فى العربية بكل امانه وشوفها كبيرة ولا تعدى

كمان بص على الصاج كله والعتب والحالة العامة للعربية واقفه على حيلها ولا ايه

سوق العربية وجربها انزل حفرة كده براحة واطلع مطب كمان وحاول تركز فى اى صوت جاى من تحت العربية ولو فى صوت يبقى من اى جانب
ركز وانت سايق فى تكتكه فى المنحنيات ولا ايه (حالة الكبالن)
اضغط على العربية من كل جانب من الاربعة واتاكد ان العربية بترجع لوضعها الطبيعى بسهولة وبسرعة(حالة المساعدين)

شوفها رشه دواخل ولا لاء...ولو رشه اجزاء من الخارج زى رفارف او باب عادى ومتوقفش البيعه

شوف ومشى بايدك على قوايم البيبان وتاكد انها مستوية وناعمه وان مفيهاش اعوجاج

اتاكد ان الزجاج كله مكتوب عليه نيسان علشان ترتاح نفسيا ان العربية معملتش حادثة كبيره لا قدر الله

افتح الشنطة واقفلها تاك انه بتفتح طبيعى وتقفل طبيعى

تحت الكبوت سر كبير لا يمكن تعرفه لوحدك الا لو انت متخصص علشان كده روح بنزينه واكشف عاى الموتور

شوف تاريخ انتاج البطاريه واتاكد انه معداش عليه سنتين

وانت فى البنزينة ارفع العربية وبص عليها من تحت وشوف فى اى تسريب (ماء-زيت-بنزين) اوتكون حاجة منشعة

شوف فلتر الهوا حالته الشكلية ايه لو عايز يتغير عادى بسيطة

اتأكد ان مفيش قطمة فى الدركسيون وانت بتلف يمين او شمال (الكلام ده فى المنحنيات على سرعة قليلة

اتاكد ان الابواب الاربعة بتفتح وتقفل بسهولة

اتاكد ان فرش الابواب ثابت فى مكانه

لازم تروح لسمكرى شاطر هيعرفلك العربية رشه ايه بالظبط وايه اللى اتعمل فيها
لازم ميكانيكى شاطر يتاكد من كل الميكانيكا فى العربية ويسوقها هو كمان

بصراحة رد رائع مشكور ياباشا عالكلام الجميل ده

اليابانى اخرة 2005 وهتلاقى الشبكة شكلها مختلف

دى زى عربيتى باظبط