هل من المنطقي شراء لانسر بومة 2012 زيرو دلوقتي ؟

**lad** · 13-02-2012 03:21 PM

اشتريها

**mody1221** · 13-02-2012 04:17 PM

البومة الجديدة جميلة تابلوة وعدادات جديدة وكفاية انها يابانى يعنى لاتقولى اوبترا زيرو ولا سيراتو ولا الكلام دة اتوكل على الله بس انصحك تجيبها سوبر اكشن

**M.Al-Hefnawy** · 14-02-2012 10:35 AM

أنا سمعت يا جماعة ان العربية تقفيل ماليزي والكلام ده من الاستاذ شريف استشاري تسعير السيارات المستعملة في المنتدى بتاعنا زي ما الكرولا بتتقفل في جنوب أفريقيا.

**arakysolom** · 14-02-2012 10:50 AM

الحقيقة انا فكرت اجيبها 2011 بس بعد ما ارتفع سعرها اكتر من 7000 صرفت نظر يعني كانت من شهر تقريبا اول فئة اتوماتيك ب 111500

**MIVEC.A92** · 14-02-2012 11:35 PM

اللانسر الشارك أول فئة أوتوماتيك (تكيف - باور - ايرباج واحدة للسائق - cd - أبانوس في التابلوه ) معروضه عند المصرية ب 138000 و عليها خصم 6 ألاف جنيه يعني 132000 جنية و موديل 2011 اللي هي 1500 سي سي .... طبعا عرض كويس جدا بس المشكلة في ال abs ! ... العربية شكلها وهم من جوا بالخشب الأبانوس .

**egyptiandiver** · 15-02-2012 01:10 AM

و مش منطقي ليه؟ العربية ناجحة بجميع المقاييس... يبقى ليه لأ؟

**abdulkhaleq** · 15-02-2012 01:48 AM

المشاركة الأصلية كتبت بواسطة sheno0o

تذكير بس ولا يقلل من العربيه ولا من الي لسه بيشتريها زيرو
العربيه بدا انتاجها موديل اعتقد 2004 لغاايه 2012 ولسه بينزل منها زيرو بنفس كل حاجه فيها مع تغيير طفيف
انا نفسي وقعت ف السؤال ده قبل كده في مواقف كتير وكان ردي عن نفسي انا مشتريش حاجه تكنولوجيا 2004 وانا ف 2010

+111111111111

**kisho55555** · 15-02-2012 02:36 AM

العربية مشكلتها انها بقى لها فترة طويلة متغيرش شكلها من بره ...

ومن الداخل هو نفس الشكل من اكتر من 10 سنين ... وكان موجود فى المكواه نفس التابلوه ....

لكن دلوقتى حصل تغييرات فى العدادات ..

لكن مجملا عربية موثوق فيها ومنتشرة جدا .... وقطع غيار كتيييييييييييير ...

**مصراوي جدا** · 15-02-2012 08:56 AM

المشاركة الأصلية كتبت بواسطة egy77

أنا سمعت يا جماعة ان العربية تقفيل ماليزي والكلام ده من الاستاذ شريف استشاري تسعير السيارات المستعملة في المنتدى بتاعنا زي ما الكرولا بتتقفل في جنوب أفريقيا.

مع احترامي الشديد لمصدر المعلومة انما المعلومة غير صحيحة

العربية ياباني 100% وانا متأكد تماما من الموضوع ده علما بأن شركة مصرية لا تبيع سيارات ميتسوبيشي الآن ونشاطها الحالي صيانة وبيع قطع غيار أصلية لسيارات ميتسوبيشي..اقصد اقول مفيش اي مصلحة...انما احقاقا للحق العربية ياباني 100% وطول عمرها يعني من الثمانينات وهي ياباني 100%

ملحوظه (المصرية للسيارات) غير شركة مصرية (الوكيل السابق لميتسوبيشي 1983-2010)

عودة كرأي لصاحب الموضوع... العربية كويسة جدا وزي الجنيه الدهب لو بتحافظ عليها وعلى صيانتها هتفضل بحالتها لسنين طويلة..انما طبعا هي تكنولوجيا 2003 وعلشان كده انا بافضل عليها الشارك اللي هي تكنولوجيا 2008