الموضوع: وحوووش الميجان 2 .. مساعده ضروورى ارجوكوا قبل ما اشتريها

المشاركة الأصلية كتبت بواسطة midoemam

التكييف تمام والبطاحات كمان تمااام جدا والمساعدين تمااام

وعلى فكره انا اتفقت مع صاحب العربيه انه يعملى المصفحه وهو جابها خلاص وركبت الحمد لله
واتفقت معاه ان المقصين يبقوا عليا انا مش اشكااال

بس يا سيدى و ف انتظار انى اقابله بازن الله خلال يومين واستلم المييجى بقىى ... مستنى اليوم دا بفارغ الصبر والله :d

ربنا يباركلك فيها وحاول تحافظ عليها وتهتم بيها ومتحرفش على الغيارات يعنى كبيرك 3000 ار بى ام علشان الفتيس يعيش معاك اطول فترة ممكنة وبالتوفيق

المشاركة الأصلية كتبت بواسطة shawkylotfy

ربنا يباركلك فيها وحاول تحافظ عليها وتهتم بيها ومتحرفش على الغيارات يعنى كبيرك 3000 ار بى ام علشان الفتيس يعيش معاك اطول فترة ممكنة وبالتوفيق

لا متقلقش انا اصلا مش هسوق غير اوتوماتيك يعنى على طول على ال d لان البلد دى كرهتنى ف المنيوال كله

ربنا يخليك يا باشا انا عارف انى تعبتك معايا جداا .. انا بازن الله خلاص العربيه هستلمها بمجرد ما اخلص اجراءات التأمين عليها ..

المشاركة الأصلية كتبت بواسطة shawkylotfy

ربنا يباركلك فيها وحاول تحافظ عليها وتهتم بيها ومتحرفش على الغيارات يعنى كبيرك 3000 ار بى ام علشان الفتيس يعيش معاك اطول فترة ممكنة وبالتوفيق

طب حضرتك هتعرف تفيدنى ف الكلام اللى قولته ف الرد اللى فات
او اى حد ضرورى عشان انا بمشى بالعربيه وانا متضايق بسبب الحاجات اللى فيها دى ..

المشاركة الأصلية كتبت بواسطة amr_moh

حاجات بسيطة وممكن تتليم بأقل من كدة مقصات تركي الواحد بيعمل ٢٥٠ ٢٨٠ ج علبة الدركسيون بيركبلها حشو في حدود 300 ج

توكل على الله

لو هتعبك معايا يا عمرو باشا ياريت بس تقولى الحاجاات دى الاقيها بالتمن دا فين .. واركبهم ف التوكيل ولاا عند حد بره ! .. وشكرا لاهتمامك

المشاركة الأصلية كتبت بواسطة amr_moh

مفيش أي تعب
في واحد ممتاز كان شغال في التوكيل وفتح مركز لوحدوه في صقر قريش / المعادي
وعنده قطع الغيار يعني مش حتحتاج تشتري حاجة

ده أسعار صيانة ١١٠ عنده وقريباً أنزل موضوع لل-١٢٠
http://www.nilemotors.net/nile/225088-a.html

وتم الحمد لله شراء ميجى 2006 والحمد لله مبسوط بيها جداا بس فى كام ملحوظه او مشكله يمكن مضايقانى نفسيا وانا ماشى بالعربيه فياريت لو حضرتك او حد من الوحوش يفيدنى ف الحاجات دى ..
1. طبعا صوت صفييير ف الفرامل لما ادوس عليها جااامد مش عارف لييه مع ان صاحب العربيه قايلى انه لسه من اسبوعين او 3 اسابيع مغير تيل وقالى انه حاطط قدام تيل 2007 و ورا 2005 ف مش عارف بقى انا محتاج اغير تيل ولا هو جاب نوع ردئ ولا دى حاجه ف الطنابير ولا ايه

2. فى ريحة شيااط مستمره داخل العربيه مش عارف من ايه برضه كان بيقولى ان فى كيس بلاستك لزق ف الشكمان ومن السخونيه ساااح بس الموضوع دا بقاله بتاع اسبوع مثلا او اكتر ب حاجه بسيطه وبرضه شاكك ان تكون الريحه دى من الفرامل مش فاهم ومش عارف حله ايه الموضوع دا

3. وهو الكاسيت كل ما احط سى دى جواه الاغانى تقعد تقطع رحت عامل سى دى جديده ليه برضه اشتغلت شويه ورجعت تقطع تااانى ويقولى سى دى ايرور .. و حتى ف موضوع انى اطلع السى دى دا لااازم ابطل العربيه مثلا شويه عشان اعرف اطلع السى دى من جوا الكاسيت وبطلع سخنه جداا .. ياريت يكون فى حل مباشر للموضوع دا

4. عايز اعرف سعر مقصين امامى كاام بالظبط وعلبة الدريكسيون هل لازم اغيرها ولا اعملها حشو زى ما حضرتك قلت .. وتيل فرامل محترم برضه يكوون سعره كام وياريت تقولى كل الحاجات دى اجيبها منين لان تقريبا هى دى عيوب العربيه اللى فيها والحمد لله

واخيرا رغم كل دا انا الحمد لله مبسوط بالميجان وبجد عشقت العربيه دى من اول يوم سوقتها فييه وربنا يباركلنا ويباركلكوا فيها .. اللهم امين .. اسف للاطاله

الف مبرووووووك
وان شاء الله انا كمان هجيبها
ممكن تعرفني الكشف عليها كلفك كام وفي اي فرع ؟؟
وكمان هي فرنساوي والا تركي وفي حاجه تقدر تعرف منها؟؟