مساء الخير على احلى عصابه
عرض للطباعة
مساء الخير على احلى عصابه
ماشاء الله ده طلع جامد جدا ده حتى شال الكلام
معلش ياجماعه مش عارف ليه الموضوع اتقطع على العموم هكمل
كنت قريت من زمايلنا في قسم نيسان على منتجات ليكوي مولي وبما اني لسه مغير الزيت قلت ياواد جرب منظف الانجكشن رغم اني بستعمل بنزين 95 على طول (vti 2010) و عامل يادوب 23000 كم نيجي للنتيجه
1-العربيه بجد سحبها زاد وده بالتجربه بمعنى شوارع معينه فاضيه كان اخري فيها 90 كم دلوقت بقت السرعه 105 كم
2-التسارع بعد الميه رهيب العربيه بتتلكك عشان تري و بتجيب ال 170 بمنتهى السهوله (ده كان وسط الزحمه)
3- سلاسه نقل سرعات الفتيس (الاول الواحد كان بيحس بالنقله بدري و غصب عنه دلوقت بتفضل تشد لحد ما ارفع رجلي)
بصراحه ماكنتش متخيل الفرق بس ده ان دل فبيدل على البنزين في مصر زفت الزفت لكل الانواع يعني مش كفايه راضيين بالمواتير الصغيره لأ و كمان الاداء مكتوم
ياريت لو فيه نصيحه بخلاف التموين من نفس المحطه المعتاده لضمان اقصى اداء للرشاشات
وشكر واجب لاعضاء قسم نيسان
شكرا يا غالي ومعاك حق انه جربته ممتاز
انا بفكر ان شاء الله فى غيار الزيت اللى جى اجرب ليكوى مولى لانى سمعت من كذا واحد انه ممتاز .. مبروك يا باشا و استمتع بعربيتك لان هوندا تستحق انك تستمتع بيها مش زى اى عربيه هتسوقها و خلاص!
على فكره ناس اصحابي جربوا زيوت ليكوي مولي بعد ما اقنعتهم و بيقولوا ان الموتور ارتاح على الاخر كصوت و نعومه السحب و ناوي اغير موبيل 1 بتاع التوكيل لليكوي مولي على دخول الصيف و الواحد يكون مشي بيه 5000 كم لتقليل الخساره
الف مبروك ياباشا وربنا يباركلك فيها
بس فعلا فية ناس بتشكر اوى فى زيوت ومنتجات ليكوى مولى بس انا مش عارف لية مش قادر اغامر واغير من شيل واحط اى زيوت من الزيوت دية
امبارح واحد صاحبي جربه في فيكترا و مبهور بيه و بيقول لي صوت الموتور وطي خالص
ماهو معنى ان صوت المحرك يهدى اوى كدة هتكون حاجة من الاتنين يأما الزيت تقيل وماينفعش للسيارت الرياضية يأما الزيت فعلا لزوجتة عالية
والصراحة الناس هنا اول لما نزل الفيسكو طلعوا بية السماء وفى الاخر طلع تعبان , وبعد كدة كاسترول وبردة نفس الكلام وفى الاخر طلع عادى جدا
وجاء الدور على ليكوى مولى اللى مش عارفين اية ظروفة لحد دلوقتى وانا الصراحة مستيرح جدا مع شيل بلس الازرق وبجيبة عشان هو الوحيد اللى بيتصنع برة مش تجميع محلى زى الالترا لكن مش عارف لو الزيت دة جمعوة هنا هحط اية من الزيوت الكتير اللى عمالة تنزل دية
ربنا يسهل ادينا بنشوف تجارب والاقاويل بس نفسى يكون حد جربة على محرك رياضى
هو الصوت بيهدي والسحب بيزيد في نفس الوقت و متهيألي لو كان لزوجه عاليه كان السحب قل
استاذ سامح
ياترى درجه لزوجه شل ايه؟ وبيقعد اد ايه؟
بس الزيت ده يعتبر نصف تخليقي انما العربيات الزيرو بتحتاج للتخليقي يبقى الواحد يجرب ليكوي مولي 5w40
بما انه مستورد و على العموم لما نتقابل نبقى نتناقش
تمام هو نصف تخليقى مش تخليقى كامل
بس المشكلة انى لما كنت بحط الشيل الالترا صوت المحرك كان اعلى من دة وبعدين اصبح الشيل الالترا تجميع مصرى ودة قلقنى الصراحة عشان كدة مرتاح لدة
دة كمان فية نوع انواع جديدة نزلت من شيل فى الخارج معملوين للجرى فقط ودرجة لزوجتهم
5w-60 انت متخيل درجة الحرارة يعنى اجرى براحتك وماتقلقش على خواص الزيت مع السرعات او الحرق على الغيارات
كمان فية موديل نزل محسن من الشيل بلس hx7 ونزل بمواد اضافية يارب ينزلوة هنا اشترية فورا
انا معاك انها حاجه تقلق ولكن بصراحه الكاسترول جامد وحلو جدا
انا مجربه دلوقتي واداء ولزوجة انا عامل به اكتر من 10 الاف كم لحد الآن والله لزوجته نفس الجديد بالظبط الفارق لو الحرق بتاع الماتور يعني انا شوفت لزوجته وعندي منه شوية باقي في العلبة بتاعته جديد وقارنت بين الأتنين اللزوجة هيا بالظبط لحد الآن
السلام عليكم
ممكن اعرف كيفيه استخدام منظف الرشاشات وسعرة كام شكرا
طيب مش غريبة ان الزيت يكون محتفظ بنفس اللزوجة حتى بعد مرور اكتر من 10 الاف كيلو اكيد فية حاجة غلط انا مش بشكك فية بس انا فعلا قلقان من الزيوت الموجودة حاليا واشمعنى ظهرت فى مصر دلوقتى , كنا بنسمع عنها بس عمر محد فكر يشتريها
الشيل معروف وموثوق فية كل القلق فى الزيوت الجديدة انها تكون بتعتمد على مواد بتقلل الصوت بس بتضر المحرك , او بتنهار خواصها فى الحرق على الغيارات ودة اللى انا خايف منة
منظف الرشاشات يتم استخدامة عن طريق رشة فى المانيفولد بتاع السيارة
هو فى طريقتين : 1- والمحرك شغال
2- والمحرك مش شغال
بس ميزة الطريقة اللى بتتعمل والمحرك شغال انة بيحافظ على البوجيهات شوية عشان الحرق بيبقى شغال وانت بتنظف اول بأول
لكن الطريقة والمحرك لا يعمل بتبقى بعديها البوجيهات تعبت ولازم تتغير
وعموما انت بتفك ماسورة الهواء وبترش على البوابة من جوة وبعد كدة بتدوس بأيدك على بكرة الاكسراتير عشان المنظف يتسحب وهتلاقى طبعا العربية بتقطع معاك عشان انت دخلتلها نسبة مواد مشعلة اكتر , وهتلاقى دخان ابيض من الشكمان ماتقلقش
المهم تضغط وتسيب بالراحة لحد ماتلاقى العربية انتظمت تروح سايبها دايرة بتاع عشر دقايق لحد ماتقفل العمة تانى ثم تنطلق بالعربية شوية كدة
وفية نوع تانى بيتحط فى التانك وبيتحط مع التفويلة وتروح ماشى بية وطول شوية فى نقل الغيارات وماتمونش تانى غير لما التفويلة دية تخلص
السعر : منظف الانجيكشن : 45 جنية وفية 35 حسب المنتج طبعا احسن حاجة يأما الاصلى او شوف بتاع ليكوى مولى او الانواع الامريكية الصنع بلاش الكورى والصينى والحاجات دية مش فعالة زيهم
منظف دورة الوقود ( بيتحط مع البنزين ) : دة 35 جنية الى 40 جنية حسب البنزينة اللى هتشتريها منة