تجربتي مع منظف الانجكشن ليكوي مولي

**hany63** · 13-02-2012 02:15 PM

مساء الخير على احلى عصابه

**medododo** · 13-02-2012 02:17 PM

ماشاء الله ده طلع جامد جدا ده حتى شال الكلام

**hany63** · 13-02-2012 02:33 PM

معلش ياجماعه مش عارف ليه الموضوع اتقطع على العموم هكمل
كنت قريت من زمايلنا في قسم نيسان على منتجات ليكوي مولي وبما اني لسه مغير الزيت قلت ياواد جرب منظف الانجكشن رغم اني بستعمل بنزين 95 على طول (vti 2010) و عامل يادوب 23000 كم نيجي للنتيجه
1-العربيه بجد سحبها زاد وده بالتجربه بمعنى شوارع معينه فاضيه كان اخري فيها 90 كم دلوقت بقت السرعه 105 كم
2-التسارع بعد الميه رهيب العربيه بتتلكك عشان تري و بتجيب ال 170 بمنتهى السهوله (ده كان وسط الزحمه)
3- سلاسه نقل سرعات الفتيس (الاول الواحد كان بيحس بالنقله بدري و غصب عنه دلوقت بتفضل تشد لحد ما ارفع رجلي)
بصراحه ماكنتش متخيل الفرق بس ده ان دل فبيدل على البنزين في مصر زفت الزفت لكل الانواع يعني مش كفايه راضيين بالمواتير الصغيره لأ و كمان الاداء مكتوم
ياريت لو فيه نصيحه بخلاف التموين من نفس المحطه المعتاده لضمان اقصى اداء للرشاشات
وشكر واجب لاعضاء قسم نيسان

**hany63** · 13-02-2012 02:34 PM

المشاركة الأصلية كتبت بواسطة medododo

ماشاء الله ده طلع جامد جدا ده حتى شال الكلام

اي خدمه

**medododo** · 13-02-2012 02:39 PM

شكرا يا غالي ومعاك حق انه جربته ممتاز

**OmaR_FekrY** · 13-02-2012 02:47 PM

انا بفكر ان شاء الله فى غيار الزيت اللى جى اجرب ليكوى مولى لانى سمعت من كذا واحد انه ممتاز .. مبروك يا باشا و استمتع بعربيتك لان هوندا تستحق انك تستمتع بيها مش زى اى عربيه هتسوقها و خلاص!

**hany63** · 13-02-2012 02:52 PM

على فكره ناس اصحابي جربوا زيوت ليكوي مولي بعد ما اقنعتهم و بيقولوا ان الموتور ارتاح على الاخر كصوت و نعومه السحب و ناوي اغير موبيل 1 بتاع التوكيل لليكوي مولي على دخول الصيف و الواحد يكون مشي بيه 5000 كم لتقليل الخساره

**SAMEH_FOUAD** · 14-02-2012 08:50 AM

الف مبروك ياباشا وربنا يباركلك فيها

بس فعلا فية ناس بتشكر اوى فى زيوت ومنتجات ليكوى مولى بس انا مش عارف لية مش قادر اغامر واغير من شيل واحط اى زيوت من الزيوت دية

**SAMEH_FOUAD** · 14-02-2012 10:24 AM

ماهو معنى ان صوت المحرك يهدى اوى كدة هتكون حاجة من الاتنين يأما الزيت تقيل وماينفعش للسيارت الرياضية يأما الزيت فعلا لزوجتة عالية

والصراحة الناس هنا اول لما نزل الفيسكو طلعوا بية السماء وفى الاخر طلع تعبان , وبعد كدة كاسترول وبردة نفس الكلام وفى الاخر طلع عادى جدا

وجاء الدور على ليكوى مولى اللى مش عارفين اية ظروفة لحد دلوقتى وانا الصراحة مستيرح جدا مع شيل بلس الازرق وبجيبة عشان هو الوحيد اللى بيتصنع برة مش تجميع محلى زى الالترا لكن مش عارف لو الزيت دة جمعوة هنا هحط اية من الزيوت الكتير اللى عمالة تنزل دية

ربنا يسهل ادينا بنشوف تجارب والاقاويل بس نفسى يكون حد جربة على محرك رياضى