متابع :bump1:
عرض للطباعة
متابع :bump1:
اكيد الناس خايفة علينا و على ارواحنا كلنا و طبعا اي خدش بيحصل للحد فينا قبل العربية بيزعل جدا
بس احنا بنقول الراجل كان بيشد على طريق واسع و فاضي و وقت مش زحمة .. يعني لو افترضنا انه بيضر حد يبقى بيضر نفسة و دي هو حر فيها .. يبقى لية بقى كل اللي بيجروا يتحولوا مرضى :angry35:
انا قولت المرسيدس و هية كاسرة ال 250 زي النوبيرا و هيا ماشية 170 .. و اللي ركب العربية هيعرف انا بتكلم على اية .. معظم العربيات اللي معانا مش مقياس عشان نبني عليها كل حاجة ... العربيات العالية دي معمول حسابها في كل حاجة ... مش سمك لبن تمر هندي
صباح الفل شداية تمام انا كنت امبارح فى حاجه مشابهه بس كنت سايق عربيه واحد صاحبى كنت مروح معاه من الشغل Camaro SS 6.2 2010 ماشيه 45 الف وانا طالع من الشغل فى حته كده 18 كيلو "سيده" زى الهنود ما بيقولو طوالى يعنى والاقى واحد خليجى جنبى بمرسيدس E55 معانا فى الشغل وانا اعرفه شكلا بس مش اصحاب يعنى ولاقيته بيقولى يلا بصيت لصاحبى صاحب الكاماروو نظره استاذان معناها ايه رايك لقيته بيقولى قطعه مش هحكى تفاصيل بس انا تقريبا كنت هبل بنطلونى وصلت ل 255 وقلت يعدى ميعديش كفايه بس ال حارق دمى ان العربيه على 200 الا ار بى ام على 2 ونص تقريبا بس المرسيدس E55 يخرب بيت امها طلقه انا كنت مفكر انى هبشمه طلعت تمام بس مش هكررها تانى انا قلبى وقع فى رجليا رجعت خدت الاوكتافيا من التوكيل بعد غيار الزيت لسه بدوس على البنزين افتكرت ان هرجع فى الكرسى لورا زى الكماروو ههههه قلتلى اصحى ده انا 102 حصان عيش وتعايش قلتلها يلا على البيت وانا مش هسوق عربيات رياضيه تانى حلو اووى 140 او 150 بس بصراحه يخرب بيت الادرينالين ربنا يستر طريقنا جميعا ويكفينا واياكم شر الطريق والحواث.
يا جماعة الخير
أنا عارف أن نيتكم سليمة و محدش يقصد الآذى
و لكن الموضوع مش عن كفاءة العربيات الألماني و قلة كفاءة السيارات الآخرى .
الموضوع عن حاجة أسمها safety ,,,,,,,,,, السلامة
للمرة مش عارف الكام (مش عارف أعد )
الشد مش حرام لو بتشد في مضمار سباقات مخصص لكدا و عربيتك مجهزة لكدا و فيه مسعفين في حالات الطوارئ
إنما شد الشوارع فهو محرم قانونا ........... و مش هادخل الدين في الموضوع بس أكيد لو قتلت حد و أنت بتشد أو حتى قتلت نفسك و أنت بتخاطر .... يبقى أكيد الموضوع مش حلال .
طيب تعالوا نقول أن الشد كان الصبح بدري (أي شد مش لازم خصوصا للموضوع ده ) و الطريق فاضي
طيب أنت ضامن ان الطريق فاضي طول السكة ؟؟؟؟ لاءة
طيب أنت ضامن أن مفيش جرار زراعي و لا عربية مقطورة و لا توكتوك أو واحد فلاح بيعدي الطريق الصبح بدري علشان رايح الغيط بتاعه علشان يشوف أكل عيشه .؟؟؟ طبعا لاءة
يعني ممكن فعلا الطريق يكون فاضي في مكان ما بدأت و فجأة تلاقي واحد بيعدي الطريق أو جرار عطلان أو طريق مقفول .... أو أو أو ......... و الأو كتيرة في بلدنا
هاتعمل أيه و أنت ماشي على 200 و مرة واحدة لاقيت فلاح بيعدي الطريق و معاه أبنه الصغير مثلا ؟؟؟؟؟؟؟؟؟؟؟؟؟
و يا جدعان أعذروني
اللي بشوفوه كل اليوم على الطريق من جثث و عربيات مدغدغة (ألماني و أوروبي و ياباني و كوري و صيني و هندي )
مفيش عربية آمنة في الحوادث
آه الأمان ممكن يزيد من عربية لعربية و لكن كله في النهاية بيبقى علبة صفيح و تتطبق على ركابها و تخليهم كفتة بجد .
أبوس أديكم عايزين نغير بلدنا و نخليها أحسن و دي من الحاجات المهمة
و أنا مش بتكلم عن كفاءة عربيات نهائيا و الصور اللي أرفقتها مكنتش للتقليل من كفاءة الأوروبي و الألماني
الصور اللي أرفقتها للدلالة على أن مفيش حاجة ثابتة و أوعى أبدا تثق في أي عربية 100 %
ثق بس في سواقتك الهادية المحترمة المتزنة اللي بتتفق مع أعتبارات safety
و الشطارة في النهاية
أنك تروح بيتكم سليم و عربيتك سليمة و تكون غير مؤذي على الطريق
و تذكروا أن العربيات دي مش للسباقات و لا طرقنا معمولة للسباقات
العربيات أحنا شاريينها علشان تقضي حاجة معينة (الذهاب للعمل و الخروج في الأجازات و زيارة العائلة )
التهور و التسرع نهايتهم مش حلوة
و ربنا يستر طريقكم جميعا و يرجعكم سالمين بيوتكم أنتم و سيارتكم
و تحياتي للجميع و تحياتي للأستاذ فورميولاتور
tutankhamoun
جزاك الله خيرا على النصيحة
وربنا يهدينا ويهديهم ويستر طريقنا
مفيش مشكله يا كبير انا كنت ناسى التربو بس
وتحت امرك
اصلىىىىىىىىىىىىىىىىىىىىىى ىىىىىى
الكامرو دى فى واجده زرقاء قى اكتوبر حبيت مره اسخنو فرمنى
على راسى كلامك يا كبير
+999999
ما احنا يا سمسم مش بنقول كده, عشان محدش بيقتنع.. زى ما قال كوبر..؟؟!!!
هتكلم على الجولف وبعديها البرافو (تجربة سنين):
الثبات بعد الـ120 تمام وكل حاجة, بس الدركسيون والعفشة لسه responsive مع الطريق, خفيفة وسريعة الأستجابة.. لكن التحكم والثبات موجود, أمااااااان يعنى.
أطلع بقى لحد 160-170, وشوف الفرق الواضح جدا فـ أداء العربية:
- الدركسيون بيتقل جااااااامد, مش قصة باور بيفصل وكده.. لأ, دى حاجة فـ العفشة بتتغير..؟!!
- تفاعل العفشة مع الحفر والفواصل بيتحول تماما, آخرك تسمع صوت الكاوتش..
- العربية بتوطى أوى, من ورا ومن قدام.. وكل ما تزود rpm (و سرعة), كل ما تلاقى ضغط لتحت أكبر..؟؟!!!
بالضبط زى ما يكون مغناطيس بيشد لكن موصلش لمرحلة يبقى لازق..؟؟؟!!!
تقريبا ده شغل Aerodynamics وسبويلرات + تغيير فـ الـCamber بتاع العجل والـDamping بتاع العفشة.. من ضغط البودى عليها لتحت مع السرعة..
والله أعلم,
+1
والعربيات الصغيرة (بس البراند) برضه معمول حسابها, على الأقل فـ الثبات والتحكم والأمان..؟!!
ما هو الفولكس والفيات والأوبل والرينو (والهوندا والسوبارو...), مش عربيات عالية, دى المفروض عربيات شعبى وCompact.
ولا هو الأمان بيبقى فـ الـMerc والـBM بس.. وبقيت العربيات الصغيرة لأ..؟؟!!!
أعتقد دى فروق الشركات (الـManufacturer), مش الفئة.. بتبقى Concept الصانع فـ الأمان أيه؟؟ ايا كانت الفئة, مع اختلاف الـSetup طبعا حسب العربية والغرض...etc
مثلا,
- VW: من أصغر عربية البولو, لأكبر عربية البوجاتى أو اللامبورجينى.. لاااااازم تلاقى الثبات والتحكم والأمان.
- فيات: لو تجيب البونتو هتلاقيها ثابتة وأمان, ولو جبت الفيررارى 458 هتلاقى ثبات وفرامل وأماااااااااان..
اتمنى تكون الـpoint وصلت.
تمام يا أستاذنا يا كبيييييييييير,
و ربنا يجازيك عنا خيرا ان شاء الله..
واحنا قولنا ان ثقتك فـ العربية, وكذلك ثقتك فـ نفسك.. لااااااااااااازم يبقى ليها حدود.
بس ده مايمنعش ان فيه فروق كبييييييييرة بين العربيات, والـLimit دى (او الـ%) بتختلف من عربية للتانية, ومن سواق للتانى..!! :bump1:
تحياتى ليك يا توت بيه,
والله يا فورملاتور يا اخويا محد بيصدق طيب انا هقولك
كنت مره رايح بور سعيد و سرحت لقيت نفسى 180 تقريبا و فجاءه الطريق بيقفل و فى غرزه ياتخد العربيه يا متخدهاش بين نقل شايل كونتنر و بيجو 504
والله دخلتها قطم السنين تقريبا انا خفت لا الشنطه متجيش معيا و كنت ضروريه جدا كنت هلبس فى البيجو لو مخدتهاش
و بعد كده الطريق قفل فا فرملت وقفت فى زمن انتا لا تتخيلو المهم المعيا فى العربيه طبعا شتيمه و بيتاع و انت كنت هتموتنا و الجو ده
لولا ستر ربنا و امكنيات العربيه كنت لبست
دى تجربه طبعا الناس بيتقولك و ده طريق تمشى عليه 180
سرحت مكل لالعالم و اهولاكنت بشد ولا حاجه
الواحد لو حكى مواقف محدش هيصدق و يقولك ده جاى يشتغلنا
دنا كان معيا جيتا متعلم عليها من نص سكان القاهره الكبرى هههههههههههههه
انا مع :guitarplay1:
بس يمكن مش عارف اوصل كلامي كويس
الفروقات اللي بين الشركات في كل حاجة هي اللي بتعلي العربيات و بتقللها .. في السعر و الجودة و عوامل الامان .. زي فرق تصنيع الموتور ال 1.6 مثلا من شركة لشركة و تغيير التكنولوجيا .. الثبات و الايرباج لحد تصميم الشاسية بيفرق في كل حاجة علشان كدا بتلاقي عربية ب 100 و عربية ب 300 مع انهم نفس ال category