ممكن كاديلاك ديفل \ تلعب معاكو 4500 سي سي هل من منافس ههههههههه
عرض للطباعة
ممكن كاديلاك ديفل \ تلعب معاكو 4500 سي سي هل من منافس ههههههههه
ما شاء الله
4500 سي سي
احذر من الفيرنا لو شافتها على الطريق مش هتروحها سليمة
ههههههههههههههههههههههه
هو فيه غيرها :aloha: <<< ايوة هبقى من اصحاب الكوري المنفسنين :bump1: :bump1:
لا استعمال بس ماشية كيلو متر قليل اعتقد 15 الف
هي عربية الشركة بالاساس وهستلمها كمان اسبوع او عشر ايام
وطبعا اهم حاجة انها
1600 مانويل :guitarplay1:
اتقل عليا بس اتعود عليها وهوريك احلى فيديو تسارع وتقفيلة عداد :bump1:
يا جماعة
واحتمال ميكونش فيكم حد كان بيجرى و يسخن ذيى
انا كنت باخد طريق الساحل والزراعى على 190
وفلت من الموت باعجوبة
مرة عربية تطلع من يوتيرن عكس
مرة ونش ماشى عكسى من غير نور
مرة واحد فى اقصى اليمين قرر ينقل اقصى الشمال من غير مايبص فى مراية
مرة حفرة بعرض الطريق ذى السلمة
والله العظيم شفت الجحيم
وعشان اية ؟؟! ولا حاجة !
بقالى سنة تقريبا قررت انى مجريش تانى ابداااا
اخرى 140 ودة كتير كمان
انا بحمد ربنا انى سليم وربنا نجانى من الحوادث
بس لازم احذركم لأن مش كل مرة تسلم وتعدى
الصحراوى حتاخدة على 200 اة حيخلص فى ساعة و ثلث
حتاخدة على 140 حيخلص فى ساعة و اربعون دقيقة
حتاخدة على 100 حيخلص على ساعتين
الفرق دقائق غير محسوسة فى كم الساعات اللى بنضيعها
انا فعلا ندمان على كل الشد اللى شديتة فى حياتى
بس الحمد لله طلعت سليم وعدت على خير
انا عارف انى دمى تقيل فى وسط بحر الادرينالين اللى فى الموضوع
بس خلو بالكم وافتكروا منظر عربياتكم وهى مغسولة و بتلمع وسليمة
ومنظرها لما بتاخد خربوش وتقعد تشد فى شعرك جمبة
تخيل حادثة بقى على السرعات دى !!
........ الا بقى لو بتجرى لوحدك مع نفسك !! كدة يبقى مفيش علاج بقى !
أنا عشت برة مصر 7 سنين و مشفتش حد بيشد مع حد ( على الأقل في الطرق السريعة اللي أنا كنت بسوق عليها )
فيه فرق بين واحد هربان من الشرطة ......... (في أفلام المطاردات الأمريكية الحقيقة ) و بين الكلام اللي حضرتك بتقول عليه .
و بما أن الناس هنا مش مقتنعة أن الشد غلط أدام اللي بيشد فاهم و وواعي و عارف امكانيات عربيته
مفيش حاجة تانية تتقال غير ربنا يهديكم و يهدينا و يهدي الشرطة و تشوف شغلها و توقف الكلام ده .
و صدقوني يا أخواني محدش هايعرف قيمة الكلام ده غير لما يلبس في حادثة .
و لا حول و لا قوة إلا بالله.
ملحوظة أخيرة
الأستاذ اسامة ........ برة اللي بيتجاوز السرعة القانونية على الأقل في المكان اللي كنت فيه
مفيش حاجة أسمها مطاردات
فيه كاميرات و بتأخد صورة العربية و تتبعتله وقتي على ملفه و لو دفعها في خلال أسبوع تقريبا يدفع النص و لو عدى أكتر من أسبوع يدفع المخالفة كاملة و ده بالاضافة لخصم نقاط من الرخصة بتاعته .
لو الشرطة صورت أثنين بيشدوا مع بعض أو واحد بيعمل غرزة
ده سيادتك بيتعمله قضية و تتسحب رخصته و ممكن يتسجن و ما يسوقش تاني
الكلام ده مطبق في أمريكا و أوروبا ............ معرفش نظام الخليج أيه .
أرحمنا يا الله و أهدينا .
ممكن أضيف حاجة تانية على رأي ashouhdy أنا عارف ان دمي تقيل على قلبكم
أنا أستفدت أيه أن العربية اللي أنا راكبها طلعت وحش و جابت 250 كم -س
طيب أستفدت أيه أن سبقت بي أم و لا مرسيدس و لا هوندا ؟؟؟؟؟
طيب خسرت أيه أن فيرنا سبقتني ؟؟؟؟؟
يا جدعان دي مش مسابقة ........ العربيات للمشاوير و تقضية الحاجة .
السباقات لها أماكن تانية و أحنا في مصر معندناش أماكن سباقات يبقى ما ينفعش نسابق على الطرق العامة الغير مخصصة لذلك و اللي ممكن نعرض حياة بني آدمين لا لهم في الدور و لا في الموضوع نهائيا و نلاقي أن أحنا بتهورنا (معلش ) آذيناه ؟؟؟
ليه
قول أعوذ بالله من الشيطان الرجيم و أعوذ من نفسي و من شر نفسي و أهدى و سيب اللي يجري يجري .