الموضوع: شدايه من العيار التقيييييييييييييل

المشاركة الأصلية كتبت بواسطة alnmr79

المهم السكة وقفت بعد شوية وطلعت اللى سيقة(انسة)كان هاين عليا استخبى تحت الدواسة من كسفتى
عرفت بعد كدة انها بنت فرج عامر (فرج الله )!!!!!!!!!!!

bmw 6 series
مرة كنت هدخل فيها .... ايااااااام

المشاركة الأصلية كتبت بواسطة yasserelsayad

لا دى غلبانة c180 فا مش هتعمل حاجة معاك .. اتقل شوية جى فى السكة بيمر 35 هبقى اجيلك بيها :)

يا عم كفايه نكون اتعرفنا عليك
و البيمر تنور و مستنيك يا كبير

الموضوع ببساطة, ان ناس فينا كتير بتحب الشد و انا كنت احد الناس ديه, الفكرة ان كل ما عربيتك بتكون على قدها بتركز زيادة فى الشد و ايدك بتكون على قلبك و بتحاول تقلل من التهور و ده بيقلل فرص حدوث حوادث (بس بما ان العربية ممكن تكون مش مناسبة للشد من حيث عوامل امان او ثبات فده بيحطك انتا و الحواليك فى خطر).

طيب الموضوع بيكبر فى دماغك و بتحاول تزود لعربية قدراتها فى الجرى أعلى و بعدين توصل لعربية عوامل الثبات و الأمان أعلى ,وهنا المشكلة, بتاخدك الثقة بنفسك و قدراتك و عربيتك و تبتدى تتهور و ده عيب الالمانى خصوصا فى رأيى بيديك ثقة زيادة فى نفسك و فى عربيتك و عشان كده النتيجة اوقات كتير مبتكنش مرضية و ممكن تتلسع جامد.

عموما ده الحصل معايا, فى صغرى فى الجامعة كنت راكب اكسيل (اتعلمت السواقة فى ثالثة اعدادى و الشد فى ثانوى) بعدين روحت معلى للأكسنت و ساعيتها ايامها الاكسنت من العربية الكان بيتخاف من ماتورها, و منها صعدت للكيا سبكترا و ده اقوى ماتور انا ركبتو كنت بعدى بيع ال 200 مستريح و سديت مع sir لغاية 120 مثلا بص طبعا هو فرق بعد كده, و منها قلبت على البورا و طبعا خدتنى الجلالة و حسيت بفرق الثبات و الفرامل و زادت الثقة لغاية ماتلسعت اللاسعة التمام و كانت توتال لوس و العربية مقعدتش معايا 6 شهور اساسن, و عرفت ان مفيش كبير على الطريق لأن الحصلى كأنو كمين ملوش مخرج كل حاجة بتقفل عليك فجأة, عربيات نقل بتفرمل قدامك فجأه و تيجى تفاديها تلقى عربيات تانية وقفة تروح مفايها تلاقى عربية رجعة مرشدير عليك و كل ده فى ثانية واحدة و ساعتها مفيش اختيارات يا تلبس فى النقل يا فى العامود العلى يمينك و ثقة و خبرة و مهارة 15 سنة بتتبخر فى ثانية واحدة و مبينفعكش غير ستر ربنا لا غير (و بصراحو عوامل الامان لأن لولا الاير باج انا كنت رحت فى ابو نكلة بس هيا سبب ربنا مسخرو لانقاذك مش اكتر).

الشد لسه فى دمى بعد الحادثة, اه موجود شوية و بيظر من فترة لأخرى اوقات بينتصر عليا (او الطريق فاضى)و فجأه الاقى عقلى بيغلب اهوائى و افتكر الحادثة و أقول لنفسى الناس ديه مش هتنفعنى و يكشى يولعوو اروح مهدى و أمشى براحة و أقول الحمد لله. (و لكن عشان ثقتى فى الالمانى ركبت كورى بعد الحادثة لمدة سنة و بعتها و اشتريت بورا تانى).

عموما فى صور هحاول انزلها للتدليل ان السيارة مهما كانت ذات جودة عالية فخطأ المصنع موجود و مينفعش تديها ثقتك الكاملة.