الموضوع: شدايه ولا اروع (مينى كوبر - هوندا - اوكتافيا-بى ام)

صباح الفل يا رجالتنا

النهارده راجع من الجامعه من على طريق المحور
و قدام جامعه مصر لقيت
1-مينى كوبر سوداء
و شكله عامل حاجه فى الشكمان لانه مطلع صوت زنه حلوه مع الموتور
و طالع من اليمين بسرعه و انا على اليمين ماشى هادى ورايق
اديته نور .. و قرصت علشان اعدى قبله
عديت فعلا .. بس هو طلع وفضل لازق ورايا لحد اول مطب و بعد كده جه على شمالى
طلعنا المطب مع بعض و نزلنا و كيك داون
و بدا الجرى
هو نزل و بدا يجرى و انا بتفرج على جمال العربيه
لحد ال 60 مثلا و بعد كده دوست وراه
هو عمال يبعد يبعد
يبــــــــــعد
لحد ال120 و بعد كده بدا الفارق يقل بحوالى عربيتيين
و غرز شمال
فى وسط الجرى سخن معاتا واحد معاه بى ام دابليو e30
و انا شايفه ورايا فى المرايه
عربيته بتشب و بتقرب
رحت دايس تانى
كان فى اللحظه دى داخلين على مطب
كان بتاع المينى بيهدى و داخل على المطب و انا وراه علطول و البى ام على شمالى بس غالبا هو كان داخل بسرعه زياده شويه و اتفاجى بالمطب فكبس فرامل و الكاوتش زحف
على صوت الكاوتش مين خد باله
شاب معاه هوندا سيفيك 2010 vti سوداء

نزلت المينى و فتح و انا نزلت وراه و فتحت و الهوندا كمان
صاحب البى ام خاف يكمل و بعد كده شاور عقله و بعد كده جرى بس كان متاخر اوى و كنت فارق عنه بحوالى عربيتيين
و فى اللحظه دى كان الطريق بيلف
و الله ال 4 عربيات داخلين الملف بسرعه لا تقل عن 140
المينى الاول
و انا و صاحب الهوندا مع بعض
وورانا البى ام
مفيش منهم عربيه اتحركت سم برا حارتها
طلعنا من الملف و بدا تانى الجرى
120
130
140
150
160
كل ده المينى فارقه و بتبعد بفرق بسيط اوى
و الهوندا كان فارق عنى بحوالى نص الرفرف و البى ام على اخر شنطه عربيتى

و خلاص على كده نزلت انا صحراوى و هما كملوا محور

خلاصه ما تم :

المينى ...... بتتزحلق على الارض مش بتجرى .. تحفه بكل ما فى الكلمه من معانى
الهوندا ... عارفها و حافظها .... ربنا يباركله فيها يارب .. منافس قوى جدا جدااا
الاوكتافيا .... ثبات فظيع .. استجابه الموتور و الفتيس رائعين لكن يعيبها ان تجميعها بطى نسبيا
البى ام ... مش هقدر احكم عليها اوى لانه من الواضح ان العربيه كانت عفيه اوى و الولد مش عارف يتحكم فيها و بيسوقها بغشوميه
لكن بالرغم من انها موديل قديم عن الباقى لكن كفايه شكلها و هى بتشب و جايه ورايا فى المرايه


اجمل ما فى الشدايه :

كله كان خايف على كله و على عربياته
و الجرى كله كان من على الشمال و الغرز بتتاخد بعقل