السلام عليكم
معلش مش بشارك في المنتدي كتير عشان الكمبيوتر بتاعي ضرب و بستعمل كمبيوتر أخويا
أنشاء الله حجيب بطارية اعلي يعني عاوز 66 أو علي الأقل 55 و بالتأكيد جافة
بس لسة كام يوم لما يجيلي أمدادات مالية
السلام عليكم
معلش مش بشارك في المنتدي كتير عشان الكمبيوتر بتاعي ضرب و بستعمل كمبيوتر أخويا
أنشاء الله حجيب بطارية اعلي يعني عاوز 66 أو علي الأقل 55 و بالتأكيد جافة
بس لسة كام يوم لما يجيلي أمدادات مالية
مبروك الصيانة يا كبير
وان شاء الله العربية بقت افضل ..
وعليك وعلى البطارية الجافة افضلك طبعا
ولو ينفع تركب 55 امبير يكون افضل
تسلم ايدك على التقرير يا حسام بيك
مبارك عليك الصيانة يا حسام
أنا بردو يوم ما اتقابلنا هناك قالولي البطارية عايزة تتغير .. مع إنها ماكانتش عاملة أي مشاكل خالص
وفعلا .. تاني يوم على طول البطارية مقدرتش تقوم العربية
قلت الحمد لله إنها معملتهاش معايا غير في بلدي
ألف مبروك على الصيانة يا عم حسام ..
تقرير عن أداء العربية بعد أعادة ضبطها بالتوكيل و بدون تغيير البطارية مع أستعمال 1000 كم
أداء العربية رجع لأصله سحب ممتاز و سرعة أستجابة المعتادة و مفيش دلوقت بطء في نقلات الفتيس و أداءه رجع لأصله !!!!
هما حطوها على جهاز الكونسلط ثرى يا حسام ولالا
والله ما أعرف هما عملو أيه
المهندسة و هي بتسلمني العربية قالت أنهم حطوها علي الكمبيوتر و وجدو القراءات سليمة و أعتقد أن ممكن يكونو أعادو ضبط الموتور و جابو من الأخر لأن العربية أختلف أدائها تماما للأحسن و ده اللي كان متوقع بعد الصيانة الشاملة
علي العموم برضه عجبني أنهم محترمين في أوتو أيجيبت اول ما قلت عندي مشكلة في أداء العربية طلبو أجيبها لهم للكشف عليها بدون أي تفاصيل او أعذار و أعادو ضبطها مع أعتذار دبلوماسي شيك يشكرو عليه
لأني زمان كان عندي مرتين كده مشاكل حصلت في العربية و هي في الضمان و رحت المركز اللي كنت بتعامل معاه وقتها مرة عشان التكييف و المهندس قاللي أني مينفعش أشغل التكييف لما يكون الحر جامد ! و بعد كده في السبع صلحو العيب من أول مرة رحتلهم و في الضمان بدون مصاريف
و المرة التانية ضبط زوايا بنفس المركز و طلعت العربية بدركسيون معوج و المهندس قالي دي شكليات المهم العربية زواياها سليمة و أعاد ضبطه علي مضض بعد خناقة
و المرة الأخيرة الكلاكس فصل فجأة و لما رحتلهم في برضه نفس المركز ( ميزته الوحيدة قربه ) قاللي طبيعي لأنك ضغط علي الكلاكس و أكيد علقت أيدك عليه !!! و بعد مداولات قالو الكلاكس بايظ ممكن تدفع تمنه لأنك معملتش أخر صيانة و كدة بقيت برة الضمان !!! و رحت السبع غيرو الفردتين بدون ما يسألني علي الصيانة و في الضمان
عشان كل التجارب القديمة دي انا حتمني ان اوتو أيجيبت يحافظو علي مستواهم الحالي من جودة و أهتمام بالعميل لمسته في المرتين اللي رحتلهم فيهم
مبروووووووووك يا باشا على رجوع العربية لحالتها الطبيعية من جديد
وبينى وبينك لو كل المراكز زى بعضهم ما كانش هايبقى فيه منافسة ولا مركز جديد بيفتح عشان يثبت نفسه
والبقاء للاصلح ...
شكرا يا شباب علي الردود و لما ربنا يريد و أغير البطارية حقولكم برضه علي الفرق
ناوي تجيب كام امبير ؟؟؟اقتباس:
المشاركة الأصلية كتبت بواسطة hossam_zaky