اولا انا مؤخرا بحس ان معنديش عفشه فى العربيه وطبعا عشان اداء العربيه فى الثبات والتماسك مكانش متأثر وطبعا الظروف اللى كلنا فيها فكنت مطنش ومكبر دماغى
المهم نزت اسأل على كل حاجه للعفشه وطبعا فى اكتر من مكان لانى عارف بتوع قطع الغيار واستغلالهم (جديد واستعمال) وطبعا فروق الاسعار واضحه جدا
المهم انا ليا نسيبى وهو اكتر من اخ ليا (ميكانيكى) قالى احنا نهد العفشه قدام وورا وبعدين نشوف اللى محتاج يتغير ايه
المهم لقينا ان الدنجل كامل ورا فى الضياع وقدام لقينا بيضتين المقص وبيض الطرف بس اللى بايظين ولقينا المقص اليمين فيه خبطه من تحت الباقى سليم وزى الفل (مساعدين بالسوست والبطاحات)
طبعا انا كنت سالت على الدنجل استعمال عندنا فى اسكندريه وفى بورسعيد
بورسعيد
الدنجل كامل بالطنابير القباقيب
900 : 800 : 1200
اسكندريه
900 : 1300 : 750
وطبعا ده من غير المقص اليمين
فطبعا انا كنت مخلى رضا بتاع الاوبل اللى عند باب 10 عندنا ده اخر حاجه عشان بيعمل معايا واجب بحكم ان نسيبى بيتعامل معاه
المهم اتصلت بيه وقولتله على المطلوب بما فيهم المقص وكان رده انى اصبر اسبوع لغاية اما يجى الشغل الجديد ومتقلقش فى السعر
قولتله انا فاكك العربيه ومش هينفع انى اسيبها اسبوع فقالى طب تاخد طبليه كامه بتاعت cdx 4 مسمار تركب عندك فطبعا انا اتلجمت واترددت وهو حس بيا وقالى انا هطلعهالك دلوقتى تعالى وسيبها على الله
رحتله بعدها بساعتين لقيته لسه بيحلها من نص خلفى عنده ولقيتها كأنها لسه بشوكها
وادانى كمان المقص من نفس العربيه تقريبا لانى لقيت البيضه راكبه ببرشام الفابريكه ومش مسامير
اخدت الحاجه وحطيتهم فى عربيه ربع نفل وقولتله الكلمه اللى انا خايف من عواقبها كام
تتوقعوا يقول كام انا قولت انه ممكن يطلب 800 او 900 بالواجب
فوجئت انه بيقولى 600 اه والله 600
وعشان احنا ناس بنحب الفصااااااال قولتله متخليها 500 ياعم ده احنا حبايب ولقيته وافق ومن غير ميكون زعلان
اخدت الحاجه وانا طاير من الفرحه وجرى على الورشه لقيت الحاج خلص وبيقفل العجل قدام و ركب يا حاج الدنجل الجديد واظبط الفرامل واطلع جرب وحس بالفرق وعيش
الوقت بئه فى العمليتين
تقريبا ساعتين او تلاته شغل مش اكتر
النتيجه ملحوظه جدا وعشان انا عفشتى كانت مش ولا بد فحسيت بالفرق
اما الفرامل حدث ولا حرج ده انا كنت راكب فرنا يا عم
والله انا بنصح اى واحد انه يركب ورا سكاكين
التكلفه بيضتين مقص 65 *2توبران=130
بيضتين طرف مايل 70 *2=140
المواصلات 60
نسيت اقول ان المصنعيه 00000 عشان الورشه تعتبر بتاعتى (ربنا يخليهولى يارب)
يبقا الاجمالى 960 -100 اللى فاصلت فيهم بتوع الدنجل يبقا النهائى 860
عقبال السمكره و البويه يارب على الصيف الجاى بقا ان شاء الله