ألبي ام x3 ٢٠١١

**mohamed_hamdi** · 13-02-2012 08:07 PM

ليه ما فيش اي موضوعات بالمنتدى عن ألبي ام x3 الجديدة. باريت لو اي حد من اعضاء المنتدى معاه العربية او اي معلومات عن الموديل التجميع المحلي منها يفيدنا.

**zegna** · 13-02-2012 09:24 PM

تقريبا ال x3 متجمعة في الهند;كمان اكيد الاودي كيو 5 احسن منها بما انها اللماني وترخيصها اقل وفارق سعر لا يذكر

**sheko_2000eg** · 13-02-2012 09:34 PM

المشاركة الأصلية كتبت بواسطة zegna

تقريبا ال x3 متجمعة في الهند;كمان اكيد الاودي كيو 5 احسن منها بما انها اللماني وترخيصها اقل وفارق سعر لا يذكر

للاسف كلامك صح

**mohamed_hamdi** · 13-02-2012 10:04 PM

العربية مالهاش علاقة بالهند يا زعيم. المصنع الرئيسي لها في الولايات المتحدة و عليها قائمة انتظار ٤-٦ شهور. العربية بتتجمع محلي في مصنع البافارية بفئتين ٤٧٠٠٠٠ جنيه و ٥٢٥٠٠٠ جنيه . سبب عملي لموضوع عنها هو عدم وجود اي رد فعل نهائي عنها بالمنتدى سواء من ملاكها او اي معلومات اخرى خاصة بها.
مع احترامي طبعا للاودي q5 و تجميعها الالماني الا ان مشكلة عدم انتشارها بمصر رغم حجم الموتور الرائع ال ٢٠٠٠ سيً سي و سعر الترخيص و الضريبة الأروع هو:
اولا سعر اعلى فئة منها وكيل هو ٥٩٥٠٠٠ جنيه و الكماليات بها ليست ك ألبي ام x3. الخليجي منها مالهاش حل و تحفة و كاملة من كله بس ب ٦٥٠٠٠٠ جم بدون ضمان طبعا.
ثانيا. سعر اعادة البيع للاودي في مصر مشكلة كبيرة و كلنا عارفين ده كويس.

خالص احترامي لكل الاعضاء و مشرف القسم و بانتظار الردود.

**zegna** · 13-02-2012 10:09 PM

لا يعني بوص علي الاتنين وانت هتحس الفرق بين التجميع المصري و الالماني قفلة الباب نفسها وكمان الاودي اول فئة فيها ب 505 +ترخيص مش كتير اللف في السنة عكس البي ام ترخيصها هيخوش في 9

**mohamed_hamdi** · 13-02-2012 10:16 PM

يا باشا أنا مقلتش ان التجميع المصري لا قدر الله أحسن من الالماني و لكن قلت ان الواقعية و اعادة البيع للسوق المصري هي سبب ضعف مبيعات الأودي . خد بالك ان الموضوع غرضه تجميع معلومات عن المجمع محليا من ألبي ام و ليس المقرنة مع الأودي نهائي. الفكرة هي فتح مواضيع جديدة بمنتدى ألبي ام و تبادل معلومات. أنا مش يشتغل في البافارية يا باشا و لا بعمل دعاية للأكس ثري الجديدة.

تقبل خالص تحياتي و شكرًا لاهتمامك بالرد في الموضوع.

**zegna** · 13-02-2012 10:28 PM

هيا المقارنة بينهم صعبة لان البي ام برضو مش خصم سهل يعني اللي هيشتري هيقع في تفكير جامد بحيث يختار انهي احسن خاصة موتور الاكس 3 توين تربو ومن 0 ل 100 في 5.7 ثواني و سرعة قصوي 245 فخصم مش سهل ابدا

**mohamed_hamdi** · 13-02-2012 10:56 PM

أنا طبعا متحمس للبي ام و ده سبب عمل الموضوع بمنتدى ألبي ام و عندي ليك معلومة حلوة بخصوص الموتور علشان متزعلش مني يا زعيم. الأكس ثري الجديدة نازلة في النصف التأني من ٢٠١٢ بموتور n20 التيربو الجديد سنجل تربو و ٢٠٠٠ سي سي و ١٨٤ حصان مش ٣٠٦ حصان زي ٣٠٠٠ سي سي و ضريبة ١١٠٠ جنيه في السنة مش ١٠٠٠٠ جنيه واستهلاك بنزين ٧.٥ لتر لكل ١٠٠.كم بس ناقصة كماليأت كتير عن ٣٠٠٠ سي سي طبعا و جنوط ١٧ مش ١٨ . هل تعتقد ان أدائها يكون زي الدبل تيربو مع وزن ٢٤٠٠ كيلو . للعلم سعرها مش هيقل عن ٤٤٠٠٠٠ جنيه و لك الاختيار. اي أوامر يا باشا.

مازلت في انتظار اي ردود من ملاك السيارة او من جرب اداء العربية على الطرق المصرية الرائعة.

**shaddadfalcon1** · 13-02-2012 11:39 PM

X3 الجديده شكلها تحفه بجد وبحس ان القديمه شكلها قذره جنبها
مش عارف ليه كل عربيه جديده تنزلها بي ام احس انها وحشه ولما اشوفها علي الطبيعه الاقيها حلوه قوي بغباء

نفس الكلام بالنسبة للفئه الخامسه والتالته الجداد