الموضوع: pioneer 400

المشاركة الأصلية كتبت بواسطة bmya

احمد البايونير على حسب الموديل بتاعه بس هما رخصوا جامد اليومين دول انا عندي موديل 3950 ده كنت جايبه ب 800 جنيه من زمان بس ماشء الله شايل السماعات لما تيجي هبقى اسمعك صوته
ميزو باشا الرف مش محتاج نجار ولا حاجه ههو بيتعمل عند بتوع السماعات هو بيكون عنده الواح خشب بيعملو منه الرفوف دي هو بيفك الرف الاصلي وبيحوط على لوح الخشب وبيحدده بقلم رصاص ومعه منشار كهربه بيمشي ببه على الرسمه الرصاص وبيكون عامل حساب الاستوب وكل حاجه وبتكسي بعد كده موكيت بيكون شبه الرف الاصلي وممكن تعمله نضيف شويه تعمله جلد واسفنج وده بيكتم البيز وبيظبط الصوت احسن الموكيت كمان
انا كنت عامله عندي في اللانسر زمان بس طبعا وسعت شويه في مكان السمعات الاصليه عشان اركب السماعات وبعدين لما جيت ابعها شيلت الرف بالسماعات ورجعت الرف الاصي بالسماعات الاصليه من غير اي حاجه ما تبقى باينه او مختلفه
عندي في السيريون دلوقتي الميزه ان الرف مفيش تحته صاج يدوب شيلت الرف الاصلي وعملت الرف الخشب بيتكلف 80 جنيه تقريبا لكن بصراحه مبحبش شكل السماعات لما تبقى تعلقه في الهوا كده ويتعملها بوكس خشبفوق الرف الاصلي بيكون شكلها تعبان صراحه وصوتها مش بيكون حلو
دي صره الرف بتاع السيريون القديم كنت مركب سمعتي سوني زمان


دلوقتي مركب واحد تاني عشان مركب 4 سماعات بايونير بس هو جلد محشو اسفنج وطبعا احسن من ده

شكرا على التوضيح يا باشا

بص الرف ده انا كنت عامله بنفسى بالخشب المضغوط بتاع علب السماعات كان عندى حته كبيره مش محتاجها وخرمت مكان السماعات بالشنيور وكان عندى سفنج وجلد زياده من العربيه وانا بعل الفرش وطبعا طلع عينى ههههههههه بس وفرت ال 80 جنيه هههههههههههههه



لكن فى السيينا مش عارف ايه الوضع حيتفك الرف ازاى وهو بلاستيك فيبر وفيه لمبه الاستوب
انا بصراحه لسه مفكرتلوش فى حاجه
بس طالما انت عملتها فى اللانسر يبقى اكيد حينفع عندى ان شاء الله

المشاركة الأصلية كتبت بواسطة bmya

بص ياباشا انا زي ما قلتلك انا كنت عامله في لانسر كريستاله وطبعا ناس كتير عاملاه
هو اهم حاجه انك تعرف تفك الرف الاصلي وبعد كده شهله شوف يوم تكون رايق فيه كده وبص على الرف راكب فين ومتثبت ازاي لمبه الاستوب دي امرها سهل ده متثبته من جوه الشنطه بمسمار هيتفك عادي
انا كان عندي في الانسر عشان اشيل الرف كان لازم اشيل جزء من الكنبه اللي هو الكتافات اللي في اليمين والشمال وطبعا ضهر الكنبه عندي كان بيتقفل اصلا عشان يوسع الشنطه فممكن يكون عندك نفس الحوار كده

ايوه انا عندى ضهر الكنبه والكنبه كلها بتتنى زي اللانسر تقريبا

كده الموضوع حيبقى اسهل ان شاء الله

المشاركة الأصلية كتبت بواسطة bmya

طيب تمام يا باشا الضهر بقه لما ينزل هتلاقي الكتافات ثابتين تنزل القعده بتاعت الكنبه هتلاقي المسامير بتاعت الكتافات هتفكهم تلاقي الرف سايب بس ده في حاله لو الحزام مش طالع من الرف

لا السيينا اللى نزلت مصر مفيهاش حزام خلفى مكانه موجود ولكن التوكيل مش منزله فيها
احنا فى مصر بقى :) وانت عارف الحجات دى كماليات ملهاش لزمه

فكده اكيد حيبقى اسهل بالنسبالى ان شاء الله

المشاركة الأصلية كتبت بواسطة bmya

طيب تمام كده شوفت التوكيل بيحب مصلحتك ازاي شال ضحا بالحزام عشان الرف يعيش :))

هههههههههههههههه لا ده عشان وزن العربيه يخف والتسارع يزيد

وكفايه انهم سابولنا الكنبه كتر الف خيرهم