خناقة بسبب جادثة - من الجاني ومن المجني عليه

**Sehsss** · 14-02-2012 05:55 PM

ربنا يعدي اليومين دول على خير

**SYD** · 14-02-2012 07:22 PM

طبعا شكرا لكل الي شارك في الموضوع

بس دلوقتي المفترض ان الجاني هو سواق النقل التقيل
والمجني عليه هو سواق النص نقل

بعد الي حصل بقي سواق النقل التقيل هو المجني عليه
وسواق النص نقل هو الجاني

طب لو لا قدر الله الف بعد الشر كان حد محترم مننا جراله كدة كان هيعمل زي سواق النص نقل ويكسر عربية الي خبطه ؟؟؟؟؟

طب نعمل ايه ؟؟؟؟

يا جماعة السواقة بقت بالدراع
وبالعافية
وبقلة الذوق

انا ببقي ماشي وبتجنب دلوقتي الأحتكاك مع اي حد حتي لو ملاكي زيي

كدة كدة انا طبيعي في حالي من زمان بس دلوقتي بقي غصب عني
يعني لو زمان كنت محترم بمزاجي دلوقتي انا محترم غصب عني لحسن عربيتي تتكسر او انا شخصيا اتكسر

هي بقت كدة ؟؟؟؟؟؟؟؟؟؟؟

انا من يومين كنت ماشي وبهدي عشان مطب
مطب !!

الي ورايا مش عاجبه

عايزني بردو امشي بسرعة واكل المطب مش ممشكلة
المهم هو مايهديش

ربنا يرحمنا برحمته

والله المستعان
،
،

**AhMeD MeTwAlY** · 14-02-2012 10:12 PM

مفيش كلام بعد الاخوه الاعضاء قالوه بسبب غياب القانون
وحاليا فعلا نظام البلطجه هو الي ماشي ومش تقول دا سواق نقل ثقيل او ربع نقل او مكيروباصات او او او
عمي عنده مستودع عنده عربيه نقل كبيره بتاخد 1400 امبوبه وناس من قريه عندنا هنا في الشرقيه طلعو علي العربيه ضربو السواق بالسنجه في دراعه ودراعه متفرتك وكسرو ازاز العربيه واخر بهدله وده كله عشان عيزين انابيب
البلطجه بقيت في دم الشعب المصري كله حتي الناس الكبيره في السن تلاقي واحد كبير في السن قد ولدك
وبناء عليه قررنا مغادرت البلاد في اسرع وقت ممكن وشكرا

**shaddadfalcon1** · 14-02-2012 11:10 PM

بالرغم من اني ضد البلطجه بس من اللي بشوفه من النقل الكبير عل الدائري بصراحه حلال فيه وفي اللي زيه

**kar!m** · 14-02-2012 11:16 PM

الاحساس ان اللى سايق جنبك دد عدوك .. مش أخوك المؤمن اللى المفروض تاف عليه أكتر من نفسك.

مبلومش على اللى بيعمل كده بنسبة 100% .. فى نسبة كبيرة على المجتمع و الاعلام .. تخيل ان معانى زى التسامح و كظم الغيظ و الأخوه محدش بيتكلم عنها .. يبقى ازاى تتوقع من الناس انها تطبقها.

ربنا يصلح الحال.

**Kareem Fawzy** · 14-02-2012 11:26 PM

منهم لله اللى سابو البلد بالمنظر دة اللى يعرف ياخد حقه بدراعه بيعيش والضعيف ملوش مكان فيها
حسبنا الله ونعم الوكيل

**Sehsss** · 15-02-2012 12:58 AM

المشاركة الأصلية كتبت بواسطة Kareem Fawzy

منهم لله اللى سابو البلد بالمنظر دة اللى يعرف ياخد حقه بدراعه بيعيش والضعيف ملوش مكان فيها
حسبنا الله ونعم الوكيل

**Donzi** · 15-02-2012 01:06 AM

المشاركة الأصلية كتبت بواسطة aly_hosny

سائق النص نقل عارف انه لو حاول ياخد حقه بالقانون مش هيعرف

ولو سواق النقل اعترف على نفسه برضو مش هيعرف ياخد حقه بالقانون

+111111111111

دا غير ان العنف عند السواقين و اخد الحق بالدراع مش حاجة جديدة بالعكس دا العادي بتاعهم من زمان سواء نقل ولا نص نقل ولا ميكروباص كلهم بيتعاملو بالدراع