اسهل طريقة علشان ترتاح
انك تشوف انت اقرب لايه فيهم
وتصلي استخارة و تمشي في الموضوع
لو اتيسرت يبقي خيرا وده نصيبك
غير كده يبقي توكل علي الله في التانية
عرض للطباعة
اسهل طريقة علشان ترتاح
انك تشوف انت اقرب لايه فيهم
وتصلي استخارة و تمشي في الموضوع
لو اتيسرت يبقي خيرا وده نصيبك
غير كده يبقي توكل علي الله في التانية
بص يا سيدي .. التيدا متفوقة على الصني في كل حاجة ماعدا الثبات و الفرامل ..
و الفرق بين التيدا الهاف و الكاملة شوية options على حسب احتياج حضرتك ..
مبروك مقدما ..
تحياتي لحضرتك و نورت القسم ..
هات التيدا عشان يابانى 100% والصنى حلوة بس فيها تركات بسيطة قوى يمكن التغافل عنها عشان تقفيل مصرى بس كويسة
تيدا طبعا يا باشا ، انا معايا صني و كويسة اوي بس التيدا اكيد احسن بكتير واحدث ولو هتجيب مستعمل هات التقفيل الياباني بس الزيرو لا يعلي عليه
والله أنا شايف الأتجاه العام للتيدا و أنا مع الأخوة في الأختيار ده لأنها مستوردة بالكامل حتي لو المكسيكي و مسمعتش حد أشتكي من التيدا بصراحة و العربيات دي معمرة و بتعيش
و بالنسبة لموضوع الهاتشباك ولا السيدان حضرتك اللي تقدر تحدد مع العلم بأن شنطة التيدا الهاتشباك حوالي 300 لتر و السيدان حوالي 460 لتر
و هنا أرجع لأساس الأختيار انت حتستعمل العربية بمفردك ولا معاك أسرة لأن ده حيحسم القرار و كمان لو حضرتك حتستعملها بمفردك النهاردة و حتقسط العربية لمدة 5 سنين يبقي لازم تحط في اعتبارك استعمال ال5 سنين القادمة ( ربنا يدينا و يديك العمر )
أنا كان معايا فيورا في بداية زواجي وكانت زي الفل لحد ما ربنا رزقني باول بناتي الأتنين و أشتريت وقتها عربية بيبي و طبعا عربية البيبي رفضت دخول الفيورا من أي ناحية لحد ما بالعافية أخدت الكنبة الخلفية بالكامل و ساعتها كان القرار بالنسبة لي أن لازم أجيب عربية سيدان حجمها معقول مش صغيرة و ربنا كرمني بالصني و بالتقسيط برضه بس أنا قربت أخلص أقساطها عقبالك كدة
يعني أسلوب حياة حضرتك و متطلبات أستخدامك هو اللي حيقرر فئة السيارة مش شكلها فقط مع العلم أني شايف شكل التيدا السيدان محترم جدا
100 100
اخوانى الاعزاء جزاكم الله خيرا على مشاركتكم العزيزة على.
و شكر خاص الى الاستاذ احمد لاهتمامه بعد اتصالى بيه و الى الاستاذ حسين جمال و كل صقور المنتدى علشان منساش احد والى الاستاذ الكريم حسام جزاك الله خيرا على نصيحتك فى اختيار السيدان لانه فعلا فرق الشنطة كبير.
و الحمد الله بعد طول عناء و شقاء و لف و دوران حجزت تيدا هاف اوبشن سيدان ادعولى استلمها و ربنا يبارك لى فيها