-
الانترا 2007!
يا ريت لو حد يقدر يساعدني معروض عليا الانترا 2007 ماشية 40 الف كيلو وبحالة ممتازة جدا(استعمال سيدة) بس انا كنت سامع ان الموديل ده فيه مشكلة في الباور (الباور مش بيفصل علشان كهرباء) وانا بصراحة مش عارف ومحدش بيفيدني ,,,,,,العربية حالتها ممتازه جدا
يا ريت كمان لو ممكن الافادة عن متوسط سعرها قد ايه؟
-
العربية محترمة .... السعر من 68-75 ... توتو ولا مانيوال ؟؟ وكيل ولا خليجى ؟؟؟
مفيش مشكلة فى الباور ... الموضوع كله انه خفيف عشان هو كهرباء عشان كدا ناعم .... وحكاية انه بيفصل دى مش عارف بصؤاحة ...
-
العربية اوتوماتيك ووكيل مصري مش خليجي ..وياريت لو تعرف حد تسأله علي حكاية الباور اللي مش بيفصل دي وايه حجم خطورته علي الطريق؟ انا ركبت ال2009 وكنت ماشي بيها 190 كم/س وماحسيتش بالمشكله دي بس برضه فيه ناس قالتلي ان المشكله كانت موجوده في الموديل ده واتعدلت في الموديلات اللي بعد كده
-
باشا العربية معايا وماشية 44 الف
نفس الحالة اللى حضرتك بتتكلم عليها
انا لما كنت ببيعها كنت طالب فيها 79 الف وبعدين غيرت فكرتى عن البيع
عربيتى فابريكا برا وجوا وكمان راكب فيها اكسسوارات تعدى الالفين جنيه دلوقتى
يعنى لو حبيت ابيع مش هبيع اقل من 80 الف
بالنسبة للباور بيفصل يا باشا معايا بعد سرعة ال100 تقريبا
او يمكن اقل من كدة
ومتسمعش للى يقولك ان الباور مبيفصلش بيفصل يا باشا زى اى عربية
بالتوفيق اتوكل على الله لو العربية حالتها حلوة
بس مقولتلناش هتاخدها من السيدة على كام؟.؟؟؟
-
أ / kgawish
العربيه و لله الحمد معايا من 2007 و كنت بسمع فعلا عن المشكله دى ... لكن مالقتش ليها أى أساس من الصحه ... الدركسيون ناعم جدا على السرعات الصغيره و بعد كده بيتقل تماما بعد ال 80 ...
العربيه ماشاء الله ممتازه
ربنا يبارك لك و يعمل لك اللى فيه الخير
-
اشكرك يا باشمهندس كريم
هي طالبه 77 الف وانا بعد كلامك هاحاول اكسر فيها اي مبلغ بس ان شاء الله هاتوكل علي الله واشتري....... دعواتك
تحياتي
-
اشكرك وربنا يطمنك ويباركلكم جميعا في ما معكم
-
كان معايا نفس الموديل بس مانيوال الحاجة الوحيدة اللي كانت فيها نقر في الدركسيون في المطبات والعيب ده قى شائع جدا حت موجود معايا دلوقتي في اللانسر البومة.
-
-
موديل 2007 كان فيه عيب في قطمه الدركسيون والتوكيل كان بيحل المشكله دي تماما واعتقد ان المشكله دي اختفت تماما من كل موديلاات 2007 الموجوده حاليا
بالنسبه للباور هو خفيف وبيتقل مع السرعه بس لازم تاخد عليه شويه بس انا شايفه ميزه لانه بيخلي العربيه سلسه كتير
الالنترا عربيه محترمه وناعمه وعزمها كويس
بالنسبه للسعر انا ما ينفعش اعمم سعر لان كل عربيه وليها حاله وفيه عربيات موديل 2007 اغلي من 2009
ماتبصش للعداد علشان انا مش مقتنع اوي بحكايه انها تعمل 40 الف بس في 5 سنين وشويه
Content Relevant URLs by
vBSEO 3.6.0 PL2