لانوس هتبقا شيفورلية

**shady_elkady** · 01-06-2008 09:03 AM

اخر الاخبار قريبا لانوس 2 هيتحط عليها علامة شيفورلية و هتبقى شيفورلية لانوس و علشان كدا منصور اشتروا نصف مركز خدمة رجب الصحراوى علشان يخلى صيانة النقل هناك و المركز الرئيسى يبقى للملاكى بس و صيانة الانوس الجديدة الى هتتباع بعلامة شيفورلية هيبقى صيانتها فى منصور

**mina_ramsis** · 01-06-2008 09:54 AM

شكرا على المعلومة بس اعتقد انها صعب شويه علشان كده هيبقى منزل عربيتين منافسين لبعض فى نفس الفئة

**NaderNabil** · 01-06-2008 09:59 AM

طب ايه مصدر المعلومة؟؟؟؟؟

و ازاي منصور هايغير علامة العربية اللي عند أبو الفتوح؟؟؟

كلام مش منطقي تماما!

**shady_elkady** · 01-06-2008 11:00 AM

الكلام دة من التوكيل انا كنت هناك امبارح و منصور ممكن يعمل كل حاجة و متنسوش ان قانون المرور الجديد هيخلى التاكسيات القديمة تتبدل بعربيتان و هما الافيوا او الاانوس الى هتبقا شيفورلية(زى تاكسيى العاصمة كلو شيفورلية !!!)

**liquidator** · 01-06-2008 12:40 PM

أحب أوضح حاجه بس و دي مشاركه متواضعه والله ..
الشيفروليه الأوبترا هي نفسها الدايو نوبيرا و قبل ما يبقي اسمها أوبترا أصلا كان اسمه شيفروليه نوبيرا .. بالنسبه للأفيو هي نفسها اللانوس ... لما شركة دايو فلست و اتباعت في كوريا شركة جينيرال موتورز اشتراتها و أعادة انتاج اللانوس و النوبيرا و لكن تحت علامة شيفروليه اللي هما حاليا الأوبترا و الأفيو .. و في معلومه صغيره كمان .. الأوبترا زمان خالص أول ما طلعت كان اسمها دايو نوبيرا بينينفارينا و ده اسم المصمم الايطالي المشهور اللي مصمم عربيات فيراري كتير و كمان مصمم الهيونداي الماتريكس و امضته مطبوعه علي الرفرف الخلفي بتاع الماتريكس ..
تحياتي لكم .

**Ahmed Anwer** · 01-06-2008 12:49 PM

شكرا علي الخبر

معلومة ،،،

محدهش يصدقها ،،،،،

يعني عربية بقالها 10 سنين مغرقة مصر ،، يغيروا اسمها النهاردة

و علي رأي نادر ازاي منصور يغير اسم عربية عند ابو الفتوح

متصدقشي كل حاجة بتسمعها في التوكيلات ،، أنتا عارف الشعب المصري يعز الفتي زي عينيه

و لازم كل صنايعي يحسسك انه عارف صاحب التوكيل شخصيا و عارف بيفكر في ايه كمان سنة

**wael333** · 01-06-2008 01:38 PM

المشاركة الأصلية كتبت بواسطة liquidator

أحب أوضح حاجه بس و دي مشاركه متواضعه والله ..
الشيفروليه الأوبترا هي نفسها الدايو نوبيرا و قبل ما يبقي اسمها أوبترا أصلا كان اسمه شيفروليه نوبيرا .. بالنسبه للأفيو هي نفسها اللانوس ... لما شركة دايو فلست و اتباعت في كوريا شركة جينيرال موتورز اشتراتها و أعادة انتاج اللانوس و النوبيرا و لكن تحت علامة شيفروليه اللي هما حاليا الأوبترا و الأفيو .. و في معلومه صغيره كمان .. الأوبترا زمان خالص أول ما طلعت كان اسمها دايو نوبيرا بينينفارينا و ده اسم المصمم الايطالي المشهور اللي مصمم عربيات فيراري كتير و كمان مصمم الهيونداي الماتريكس و امضته مطبوعه علي الرفرف الخلفي بتاع الماتريكس ..
تحياتي لكم .

تصحي صغير هو ان الاوبترا اول ما نزلت بره كان اسمها دايو لاسيتى وليس نوبيرا, وايضا لها اسامى كتير فى دول اخرى مثل سوزوكى فروينزا فى امريكا الجنوبيه, وهذا لان جى ام تمتلك هذة الشركات ولها الحق ان تنزلها باى اسم على حسب الدوله وعلى اساس ان دايو كانت لازلت تباع فى مصر تصنيع محلى وان منصور هو الوكيل الرسمى لى جى ام اذن كان لابد ان ينزلها باسم شيفروليه