طول عمري في نيو اكسنت بحط 92 والنترا برضو 92
لما بنزل ل 90 مش بحس بفرق خالص مش عارف ليه ولا في سحب ولا في صوت ولا الهوا
انما كل مره بحط بنزين 95 بتفرق في كل النواحي فعلا واهمها صوت المتور الحلو الجميل الي مفيهوش خشونه كده
عرض للطباعة
طول عمري في نيو اكسنت بحط 92 والنترا برضو 92
لما بنزل ل 90 مش بحس بفرق خالص مش عارف ليه ولا في سحب ولا في صوت ولا الهوا
انما كل مره بحط بنزين 95 بتفرق في كل النواحي فعلا واهمها صوت المتور الحلو الجميل الي مفيهوش خشونه كده
تجربتى مختلفه
مع النيسان - الصوت اهداء الاداء اعلي الاستهلاك اقل
مع الالنـترا - ولا الهوا مفيش فرق نهائى
التجربه اكتر من مرة فى العربيتين
تحياتي
والله يا استاذ شهدي انا استغربت من العنوان و قلت الاستاذ شهدي دا من الناس الفاهمين حيقول ايه في الموضوع اللي قتل بحثا دا والحمد لله لما قريت الموضوع مخيبتش ظني
الخلاصة يا جماعة بنزين 95 في اي محرك مش مطلوب له 95 ملوش اي لازمة و فلوس عالارض فعلا غير كده اوهاااااااام
زي بالظبت اللي بيبني عمارة و اخرها 4 ادوار و عايز يحط اساس يشيل 8 ادوار ولا حتفرق في حاجة حيكلف عالفاضي
لكن العكس مينفعش واحد حيبني 8 ادوار فا يحب يوفر في الاساس و حطه يشيل 6 بس حتتبني اه و كل حاجة لكن فيها خطورة و ممكن توقع و يروح كل اللي وفره
بالظبت كده البنزين و الموتور الزيادة في الاوكتان مبتفرقش لكن النقصان بيفرق
على فكرة يباشا البنزين اللى عندكوا فعلا مضروب
انا حطيت امبارح من اسكندرية ودوخت اساسا على ما لقيت 95
ومختلف خالص عن اللى بحطة هنا فى اكتوبر من حيث الاداء والصوت وكل حاجة
لدرجة انى شكيت انة حطلى 92 وكاتب على الطرمبة 95
الفرق بيبقى واضح جدا ومحسوس يمكن مش من اول مرة
تحياتى
من وجة نظرى المتواضعه الفرق فقط بين 92 و90 ده نقدر نقول فيه فرق
بين 92 و95 نقدر نقول بيشتغلوا اللى معاه قرشين زياده
مع احترامى لكل الآراء,
- مفيش حاجة اسمها الـ95 بيطير وبيخلص بسرعة, الكلام ده غلط..
- ماينفعش تحط 2 لتر ونص, أو بـ 11 جنيه بنزين 95.. وتقولى محسيتش بفرق..؟؟!!! دى عربية بموتور 4-stroke مش بايك.. :duh2:
@ ashouhdy
يا شهدى لازم تفويلتين-3 بنزين 95, ومن بنزينة نظيفة.. وتعالى اتكلم بعدها قولنا الفرق أيه؟؟
يعنى برضه ماينفعش تحط صفيحة فقط.. على تنك كان فيه بنزين أكيد مضروب.. ويبقى انت كده حطيت 95؟؟!!!
مش هتبطل تنقل لنا التجارب المضروبة بتاعتك دى يا شهدى..؟!! هههههههههههههه
تجارب مضروبة مين ياعم الحج ! الفرق تحسة على طول دى عربية 2011 عاملة 7 الاف كيلو مش 99 عاملة 300الف ولسة حظبط الموتور من اول و جديد
وبعدين دى صفيحة !
عايزنى افول 50 لتر بنزين 95 3 مرات عشان احس بفرق او محسش !!
لا ياعم متشكرين بس هو مفيش فرق لأن اصلا العربية هادية مكنتش كراكة مثلا !
و ولا عمل حاجة لا صوت اختلف ولا سحب ولا حاجة !
دى اوهام !
متحسش بية بس غير لو موتورك اصلا 11:1 يعنى عايز 95 !:guitarplay1:
فتي ازاي
انا وضحت في مشاركة ان صاحبي "ال معوش عربية و مجربش لا يحط "80 و لا 90 ولا 95" قالي ان مفهومنا عن رقم الاوكتان غلط اصلا و انه مش نسبة و ممكن بنزين رقم الاوكتان بتاعه يعدي ال100 و شرحلي ازاي
و قالي ان كل ما رقم الاوكتان قل البنزين معدل احتراقه بتبقى ابطا و خصائصه اسوأ و بيخلي العربية تسقف كل ما زاد رقم الاوكتان معدل الاحتراق بيبقى اسرع و خصائص البنزين افضل
صاحبي ملوش في العربيات و في بكالويس هندسة بترول قسم تكرير